|
الجامعه لاتراعي ظروف الانتساب
يسعد ايامكم يامنتسبين وبنظر الجامعه منتظمين وهذا الي واضح جدا
حقيقيه بعد اطلاعي على كم محاضره اشوف ان الجامعه تعاملنا كما تعامل المنتظمين ولاتراعي الظروف اللتي اجبرتنا على الدخول انتساب ونست او تناست اننا غير متفرغين 100% الموظفين والمتزوجين واصحاب المسؤليه وكل له ظروفه تختلف من ششخص لشخص اخر غير اننا ندرس على حسابنا مو معقوله مثلا محاضره واحد مدتها ساعه وشويه ويعطي لنا رؤوس اقلام ويطلب كتاب محدد يحتوي على 300 صفحه او اكثر في المحاضره يعطيني نبذه وفي الاختبار يطلب التفاصيل فوق كذا لكل ماده 14 محاضره ولما تعطيني 5 خمس مواد تطلع علي 70 محاضره وغير الواجبات والمناقشات وتحميل المحاضرات شئ فوق الطاقه اخبر لي صديق كان يدرس ليلي ثانوي يقول مو مهم الحضور تحضر عادي بس مواد عادي بس قبل الاختبارات يعطونا 70 سؤال 50 منها في الاختبار مراعاه الظروف اما الجامعه الموقره تحشو لنا بالمحاضرات وكل شئ وتورطنا بالصعوبات ولاتراعي ظروفنا صراحه مادري كيف نعدي ونستمر معهم احس طابت نفسي من اللي اشوفه واعيشه عسى الله يعينا وتعدي السنين على خير |
رد: الجامعه لاتراعي ظروف الانتساب
الامور سهلة وانا اخوك لا تعقدها على نفسك ترى البدايات صعبة لكن تتسهل من تجربة ام اولادي تخصص إدارة اعمال تدرس معنا مستوى اول العام الماضي فوق مسؤوليتها في البيت فهي موظفه وماشاء الله ما واجهة صعوبة استطتاع ان تتاقلم مع ظروفها ووتفوق عليها ولعلمك وانا اخوك ما شرت اي كتاب كل اعتمادها على المحتوى والملخصات الا بالمنتدى وما كانت تشوف الا محاضرات الرياضيات والمحاسبة فقط . راح تهون وانا اخوك بس حاول تضبط وقتك والله يكتب لك التيسر
|
رد: الجامعه لاتراعي ظروف الانتساب
شوف اخوي انا جربت الانتساب القديم الله لا يوريكم
لايعطونا ملخصات ولا ندري ايش اللي معنا او المحذوف الا قبل الاختبار بشهر تقريبا وهذا الموعد ما ندري عنه الا من البنات حالنا مثل الانتظام في الكتب والمواد اللهم مانحضر المحاضرات ولا واجبات تساعدنا وبعد الاختبار من 100 مرة جاء اختبار لما قعدت اراجع قالوا لي البنات اللي حفظته محذوف نصدمت وقته رسبت في المادة حالنا على الهامش يعني احمد ربي على الانتساب المطور |
رد: الجامعه لاتراعي ظروف الانتساب
والله صادق اخوي كاننا انتظام واخرتها اذا تخرجنا يكتبون ع الشهاده انتساب
طيب وش نقول حنا علم اجتماع 8 مواد وكل ماده 14 محاضره = 112 محاضره في المستوى الاول هاذا غير الواجبات ومنتدى الحوار الي لازم انك اسبوعيا تشارك في 14 مناقشه اتوقع لكل ماده اذا ماخاب ظني مفروظ يراعون ظروفنا ع الاقل منتدى الحوار لو يلغونه افضل والله اني محتاسه هوتحميل محاضرات او حل واجبات او مناقشه متى على كذا اذاكر وحتى تحميل المحاضرات مفروض يلغون الدرجات عليها يخلونه فقط دخولك للبلاك بورد يضمن لك الدرجات الله يعين :Cry111: |
رد: الجامعه لاتراعي ظروف الانتساب
اقتباس:
الايام العاديه الدوام طويل يله الواحد يطلع منهد حيله يبغى ينام ساعتين ويعمل حسابه لصعود الجبال والظاهر انا بسووي بعد كذا محتوى وملخصات والمحاضرات للرياضيات والمحاسبه مع ان المحتوي فيه نبذه والتعمق بيجي الاختبارات لكن الواحد يحاول يعدي الماده من غير اهميه المعدل وعسى الله يكون في العون ماتوقعت الدراسه بتكون كذا لكن امري لله شهادة الثانويه ماعاد تسوي شئ لا وظيفه مثل الناس ولا راتب بوسط الغلاء اللي اصبح حالنا من حال عمال النظافه |
رد: الجامعه لاتراعي ظروف الانتساب
اهلين اخووي
بصراحه ماحبيت اسمع منك هالكلام لسباب كثيره اولها/ لانك انسان طموح وماكان لازم تحبط نفسك بالكلام هذا وثانيا/ تحبط عالم كثيره معاك هم ع الشعره مايصدون احد يقول علشان يتراخون وتهاونون ف الدراسه ويبنسحبون .................................... انت وغيرك عندكم طموح وهدف حابين توصلون له والدراسه كنز كبير ومو الكل قادر يحصل عليه وعلشان تهون عليك مصيبتك شوف مصائب غيرك انا ضد كلامك ومو معاك باي كلمه ابداااا انت تشوف المحاضرات القديمه وصحيح الدكاتره يطالبونا ف كتب وغيرها ولكن حاليا وع قدر المستطاع متعاونين معانا بشكل كبير الجامعه والدكاتره والاداريين وانت طالب جامعي وفيه فرق بينك وبين طلبة الثانوي والمتوسط لابد تعيش الدور والدراسه الجامعيه ولو كانت عن طريق النت الانسان الطموووح والي عنده اراده قويه رح يتحدى كل الازمااات والصعوبات واتمنى تتراجع ف كلامك وتفكر مزبوط واحنا هنا معاكم وطلبه قدامى وممكن نفيدكم بكل شي ....................................... الدكاتره ف الوقت الحالي مايطالبونك الا بالملازم الي هي البوربوينت ف البلاك بورد وكم دكتور فقط يطالبك بكتاب لهدف التعود ع تمارين وتثبت المعلومه ملاحظه/ الطالب الثانوي مايقدر ينجح اذا ماعنده كتب يذاكرها ومخلص دفتر الفصل صح وبخصوص المحاضرات/ انت مو ملزوم فيها لك الحريه ف مشاهدتها او تحمليها ولكن انت المستفيد وانت المتضرر مشاهدتها ومتابعتها تثبت المعلومه وتسهل عليك الحفظ ............................................. ولو نظمت وقتك شوي صدقني بتلاقي نفسك ماشي تماام وماعندك اي مشكله واتمنى تفكر وتراجع نفسسك بقرارك وصدقني الجامعه متعاونه واحنا معااكم اسئلونا واحنا بنخبركم اذا تحتاجون كتب او لا لاننا درسنا قبلكم واتمنى التوفيق للجميع واتمنى انك ماتزعل من كلامي واعتذر لو ضايقتك |
رد: الجامعه لاتراعي ظروف الانتساب
الحمدالله انا ماشوف اي صعوبة وعندي مسؤليه بيت وزوج ودارسة اذا عرفت تنظم وقتك انشالله بتسهل
هذا رأي :119: |
رد: الجامعه لاتراعي ظروف الانتساب
اقتباس:
انا معك بالفرق بس بعد لاتعامليني ياجامعه كأني منتظم ومتفرغ راعي ظروفي وكوني بمكاني واللي يصير مافيه فرق بينا وبين المنتظمين الا بكراسي في الجامعه جد معاناة |
رد: الجامعه لاتراعي ظروف الانتساب
انا صديقتي بعد اداره وقالت بالسمستر الاول مااشترت الا كتابين فقط
القانون والاقتصاد الجزئي والباقي من ملخصات المنتدى لانها نفس البلاك بورد |
رد: الجامعه لاتراعي ظروف الانتساب
:mh12:
|
| All times are GMT +3. الوقت الآن حسب توقيت السعودية: 08:27 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه