|
نداء الى مسؤلة الأنتساب
السلام عليكم :
ما يخفى عليكم صعوبة وضعنا حنا طالبات الأنتساب فاقترح يكون فيه تواصل بينا عن طريق هذا الملتقى أو بموقع الجامعة تنزلون فيه أوقات تسجيل المواد وتردون من خلاله على تساؤلاتناو تريحونا الله يريحكم دنيا وآخرة. بالنسبة للمعادلة بين المواد هل يشمل المنتسبات ؟ هل في مواد انحذفت من مستوى ثالث ؟ :106: والله الموفق |
رد: نداء الى مسؤلة الأنتساب
هلا بك ومرحبا
حبيبتي حبيت انوهك على شي طالبات نعيريه وطالبات الاداب بالدمام كتبهم ومناهجهم نفس الشي اللهم الفرق الدكاتره فقط لاغيرررر هذا اولا يعني لو طرحتي موضوع في كليه نعيريه تستفسرين باذن الله راح تلقين جواب الامر الثاني فعلا لابد يكون موضوع مثبت لطالبات الانتساب يزودونهم بنات الانتظام باحر المستجدات انا سويت هالحركه قبل سنه في منتدانا ولله الحمد ساعدنا كثيرررر وطبعا كله يعتمد على البنت تحب تساعد وقتها يسمح ماعندها مشكله تكتب المحاضرات او ترفعهااا هناا والبنات ينزلون لهم يعني موقف على امور كثيره صدقيني حبيبتي لو صادقتي وحده من المنتظمات وتواصلتي معاها بالجوال او الايميل او حتى مضافه معك بي بي هالامر راح يفيدك انتي شخصيا مو بكره وقت الفاينل ماتعرفين وش السالفه وش صار وش محذوف فلازم عليك انتي كانتساب تروحين لو مره بالشهر وتسالين البنات مناك اكيد مايقصرون فيهم الخير لو ظروفك يعني سمحت لك روحي مره كل اسبوعين او بالشهر مره واسالي من الى حاولي تصادقين 1 او 2 بس تاكدي من مستواهم هل هم فعلا حريصات لان مو حلو تاخذين الاخبار من اي وحده لازم وحده مشهود لها بالحرص منها انتي ترتاحين ومنها هي تكسب اجر اسئله الاختبارات القديمه حاولي قد ماتقدرين تسالين عنها لانها تفيد مره كثير تتعرفين على طريقه الدكتور ومنها تعرفين وش مركزين عليه فركزي على هالناحيه فيه بنات كثار عندهم كذا نسخ ولو تغيرت الدكتوره برضو اخذي نماذج من دكتوره غيرها تعرفي على الماده وش المهم فيهااا المعادله ياقلبي ماتشمل الانتساب ولاراح يرجعونك تحضيري احنا معرضين للطرد لو تكرر الامر وباذن الله مايحصل مافيه مواد انحذفت من مستوى ثالث هي نفسها نفسها يمكن بس الكتاب تغير في حاله لو انتي راسبه فيه اختي ربي يوفقك احرضي تنتبيهن لامورك بعد اختبارات البنات الشهريه امشي معهم ذاكري زيهم بالضبط لان اغلب الدكاتره واكثرهم يركززز جزيئه الشهري لبنات الانتساب اللي هو سؤال خاص لطالبات الانتساب اغلبه يكون من الشهري واللي بعد الشهري هو الاسئله المشتركه بين الانتساب وبين الانتظام لاخلص الاختبارات روحي وتاكدي وش جاهم وش ماجاهم وش ركزت عليه الدكتوره بعدين انتبهي لاتذكرين مادتك قبل الاختبار بيوم او يومين انتي قسمك ترا صعب وفيه خيره انتبهي قبلها باسبوع رتبي امورك وحاولي تلخصين لنفسك المواد الصعبه خليها لوحدها الحين ذاكريها على رواق عشان لاجا الاختبار ماترتبكين وتتوترين موفقه يارب اي سؤال تحت امرك |
رد: نداء الى مسؤلة الأنتساب
ألف ألف شكر على أهتمامك والله يجزاكي خير ويجعله في ميزان حسناتك وكثر الله من أمثالك
المشكلة فهالجامعة كل سنة في قرارات وأنظمة جديدة وحتى مسؤولة الأنتساب المرشدة الأكاديمية تتغير وحتى التوصيف ينزل متأخر أما المساعدة من البنات فهي بسيطة جدا واذا ساعدتك هالسنة السنة اللي بعدها ماتشوفينها يعني وضعنا بشكل عام موبزين لو من خلال موقع الجامعة يتواصلوا معنا وينزلوا القرارت اللي تخصنا وحتى الأساتذة يحطوا فيها الدروس المطلوبة منا فهذا الشي أكيد بيريحنا وحتى هم يرتاحوا منا ماأبغى أبخس حق الجميع فيه دكتورات متعاونات جدا وحتى المرشدات الأكاديميات اللي شفتهم متعاونات بس المشكلة ما نعرف مواعيدهم أروح كثير بس ما أشوفهم على كل حال الحمدلله على كل شيء الله ينجحنا أجمعين ونتخرج بخير وعافية :106: |
رد: نداء الى مسؤلة الأنتساب
امين ياربي الموضوع سهل اختي وباذن الله هانت حاولي قد ماتقدرين تقولين سهل بسيط الامر اقنعي ذاتك بكذااا عشان امورك تتيسر
ولو انتي تعرفين وحده منتظمه اجل الامور عوافي باذن الله بس حاولي تركزين على المذاكره زي ماقلت لك ذاكري الشهري مع البنات ولاتهملين مراجعتك لان قسمك يبي له تركيزز وطول بال ربي يوفقك ويسهل عليك |
رد: نداء الى مسؤلة الأنتساب
السلام عليكم:
مسؤولة الأنتساب شكلها ماتنظر الملتقى طيب انتم يا منتسبات يا نايمات ايش حكايتكم يعني لو ماردت علي زين الكون الله يجزاها خير كان الموضوع نام .... أنتوا ماتبغون يكون فيه تواصل بينا وبين الجامعة بشكل افضل ..... يعني مبسوطين عالوضع اللي احنا فيه أبغى أشوف أرائكم .... ولو ماعملوا اللي نبغى لازم يكون بينا تواصل أكثر من كذا .... كل سنة مانبدى إلامتأخر ...ليش مانبدى من بدري وكل وحدى فينا تروح على الجامعة تاخذ أي معلومة ولاتحضر محاضرة تنزلها وأكيد كلنا بنستفيد مو بس بإعطاء المحاضرات بالتشجيع على الدراسة من بدري والله المستعان |
رد: نداء الى مسؤلة الأنتساب
حبيبتي الحكايه مو انك تبدين متاخره هاذي لها علاقه فيك وباهتمامك
لانه راح يرجع لك في النهايه وترتاحين اخر السنه وترتيبين امورك انا رديت عليك لاني زيك انتساب وحاسه بمعناتك وماحد بيعطي وبياخذ معك الا وهو له علاقه ومجرب وحاس بالوضع لاترتجين احد وربما كلن له ظروفه ياقلبي مو كل الناس عندهم نت ولاكل البنات فاضين وبتنحل المساله فديتك بس الامر يوقف على يدك لو فيه امكانيه تروحين بنفسك وتستفسرين يكون احسن مثلا اسالي عن جدول المحاضرات وجيبي الكتب حقتك وبنفس الوقت ادخلي الفصل او المحاضره واشري اللي لك واللي عليك ولو اني اشوف انك تبدين بعد الاختبارات الشهريه لان البنات تكون ملازمهم كامله ومهتمين ولاتنسين بعض الدكاتره يحذف جزيئه الشهري وبعضهم يركز عليها يعني روحي واستفسري عن الدكتور شوفي نماذج اسئله تعرفي على طريقتها تمهلي بكل خطوه :g2: ولو تبدين بعد الشهري يكون افضل لان اغلب الدكاتره تكون اسئلتهم للانتساب هي من الشهري لان المنتظمات خلاص اختبروها بالشهر ويوقف على طبيعه الدكتور طبعا بس انا كذا لارحت نعيريه اسال عن الدكتور وش جاب لهم بالشهر واروح اكتب الاسئله واركزز عليها في النهائي انا شخصيا ماااذاكر الا المواد الصعبه اللي يبي لها تركيزز ومايكفيها يوم او يومين اسوي لي جدول وارتب نفسي لاني ماحب ارتبك في يوم الاختبار موفقه فديتك وطمنينا عنك |
رد: نداء الى مسؤلة الأنتساب
اقتباس:
|
رد: نداء الى مسؤلة الأنتساب
:d5: الله يسعدك زين الكون ..\
والله يحقق لك مناك .. ارتاح كل ماشفتك:love080: |
رد: نداء الى مسؤلة الأنتساب
زين الكون
ياقلبي غمرتيني بلطفك الله يسعدك انا قبل ماأنزل هالموضوع رحت للجامعة مرتين وللأسف ما حصلت شي ومودايما ظروفي تساعدني اروح وعندي التزامات ثانية تمنعني وعارفه ظروف المنتسبات تقريبا مثلي عشان كذا أقترحت أنه نطالب من الجامعة يعملوا لنا خانه في موقعهم يخلوا الدكاترة من خلاله يتواصلوا معنا بس للأسف ماكان فيه تجاوب من المنتسبات انشاالله ربي يسهل ويسرلي روحتي للجامعة وما بقصر كل فائدة باخذها بنزلها واساعد أكيد في سبيل الله |
رد: نداء الى مسؤلة الأنتساب
اقتباس:
فديتك الناس للناس والكل بالله يشرفني ردك |
| All times are GMT +3. الوقت الآن حسب توقيت السعودية: 08:22 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام