|
خاص بطالبات الانتساب
راح ادش الموضوع على طول بخصوص حفل التخرج ليش احنا ياطالبات الاتساب مالنا حق في هالشيى بنات انتوا معي والا ضدي ليش مو حالنا حال الانتظام يعني حفل التخرج يشمل الكل.......بليز نبي تصويت ونطالب الاداره بهالشي؟؟؟
|
رد: خاص بطالبات الانتساب
:d5:
فكره حلوه اي نعم ليش مالهم رب الانتساب :(177): سوي اتفاقيه مع مجموعة بنات واكتب معروض وقدميها للمديره او الوكيله ان شاءالله يتنفذ :biggrin: |
رد: خاص بطالبات الانتساب
سلاااااااااااااااااااام
صديقتي انتساب العام الماضي اتخرجت حضرت حفل التخرج في صالة فندق المعيبد كارلتون وشرت ليها عباة التخرج بعد من الكلية :119: |
رد: خاص بطالبات الانتساب
بس انحرمت من اشياء ووايد لا اني انتساب ماحسيت اني درست كلية ابدا انحرمت من شعور كل يوم اروح الكلية وادخل المدرج واحضر المحاضرات ليش معاملتنا غير في الكلية ليش؟؟ لكن افرحت لما طلعت البطاقة مامكتوب فيها لاانتظام وانتساب ليش مافي احد يحس نفس احساسنا ليش ليش ؟؟ كل مااذكر اني انتساب تسقط دمعتي من عيني حزنا على مااادرسته في هذة الكلية وبعدين اتخرجنا ويقولوا الانتساب ماليهم حق التوظيف في التدريس ليش ؟؟ احنا ذكرنا واجتهدنا حالنا حال الانتظام نفس الكتب ونفس المنهج :Cry111:
|
رد: خاص بطالبات الانتساب
صج والله حالنا من حال الي يدرسون لا واحنا نتعب اكثر نقعد نطارد ونسأل وراء هالكليه الله يعوضنا خير
|
رد: خاص بطالبات الانتساب
السلام عليكم خواتي انا زيكم انتساب وزيكم لاشفت خواتي يروحون الكليه وربي اقول لهم احمدوو ربكم تنبسطون وتفرحون ولارحت معهم المجمع اسمعهم يقولون نبي نشتري للكليه شناط وجزم اقول ياربي فقدت اجواء الكليه انا درست انتظام سنه ونص وطلعت من الكليه لظروف صحيه واخذت دبلوم وانطردت من كليتي بس الحمدلله مانطردت من رحمه ربي باذن الله انقبلت انتساب في نعيريه وانا نسبتي 94 بس الحمدلله على كل حال كان بيدي احول انتظام ويوم طلبت قالوو خلاص مافيه تقفل هذا النظام ليه ماجيتي من سنه ثانيه وحمدت ربي ماسأت الظن بربي قلت ربي منعني من شر وله حكمته انا معاكم في كل كلمه وربي ساعات ابكي من الزهق ولاشفت البنات اقول احمدوو ربكم تجتمعون مع خوياتكم وسوالف الصبح وتقضون امور محاضراتكم وتتواصلون مع الغير وفيه شي يشغل بالكم بس ابي اقول للكل يابنات الانتساب بالذات ابقول لكم شي واحد:d5::d5: لو علمتم كيف يدبر الله اموركم لذابت من محبته ماتدرين ياحبيبتي ربي وش رايد لناا ترا لنا رزق ماحد يدري فيه ترا بنات الانتساب ابدااا مو اغبياء ترا مكافحات فيه مننا الام وفيه المريضه وفيه المتزوجه وفيه الموظفه ربي له حكمته لاتقولون مالنا اولويه في الوظايف وصعب توظيفناا حبيبتي كلمه صعب ومستحيل اخترعها الانسان ليبرر فيها العجزز معقوله ربي يضيع عمل عامل؟؟ درستي وتعبتي اوكي لكن حطي في بالك لاتكتفين بهذا القدررر ادعي بكل سجده ان ربي يسهل رزقك ودايم حطي في بالك ربي بيرزقك دايم كذاااا قولي اللهم اسالك تيسر لي رزقي في الدنيا والاخره قولي دايم اللهم يامن قال ورزق ربك خير وابقى ارزقني من الخير مايبهج ناظري في الدنيا والاخره يابنات والله انا مو ملتزمه ولاني متشدده ولاحاجه بس لي اسرار مع الدعاء عجيبه ومن اهمهااا حسن الظن بالله لاتقولين انا ادعي وربي مايستجيب لي لا عيب كذااا ادعي ربي يحب العبد اللحوح ربي يحب العبد اللي يساله ويتضرع له عكس البشر مايحبون احد يسالهم ويتضايقون لو احد سالهم كثيررر بنات نصيحه لوجه الله ادعووووووووووووووووو في كل سجده في كل قيام ليل توكلوو على الله حق توكله ربي يرزق الحوت في البحر ويرزق الطير في السما معقوله مايرزق عبد يصوم ويصلي يابنات ربي رازق كريم الدعوى كلهاا اجتهدي في اللي بيديك تصدقي بنيه ربي يوفقك ويرضا عنك دايم ادعي الدعاء مخ العباده والله يابنات لو ابكتب تجاربي اللي صارت لي يمكن ماحد يصدقني االاغلب مو مصدق بس لاحد يقول انتساب وصعب ومستحيل حبيبتي ربي مأخر هذا الشي الا لك رزززق احسن من اللي سبقوك صدقيني اجتهاد في المذاكره+توكل على الله+دعاء باستمرار+ صدقه وبتشوفين حياتك كيف انا وصلت سنه رابعه الحين ولاجا في بالي دقيقه ابوصل مع كل ماتعرضت له لنا رزق وبذكركم وفيه مننا من بيكمل ماستر وبذكركم مو مشكله احنا انتساب بكالوريس عادي بناخذ ماستر وبنصيررر اقوى:love080: مافيه شي صعب على ربي ابداااا :mh001: واذا على حفله تخرج طول عمري والله طول عمري احلم اني البس عبايه تخرج وينادون اسمي مهما كان الحلم تافه بعيون الغيرررر الا اني ميته ابي احققه وراح احققه باذن الله ماراح احقر نفسي قلت لاهلي اول ماتخرج ابشتري عبايه وبدخل اقص الكيك حقتي نعيش الحلم باي وسيله متاحه امامنا لاحد يحقرررر نفسه:love080: انتي انتساب صح لكن يحق لك تحققين احلامك وراح تشوفين كيف ربي كريم وبذكرك بعدين وش حكمه ربي يوم خلانااا كذااا اعيد واقول لو علمتم كيف يدبر الله اموركم لذابت قلوبكم من محبته اقروها مليون مره وبتعرفون وش اقصد الرضا يابنات الرضا لاحد يزعل الحمدلله هذا اللي مكتوب لنا ربي بيرزقنااا بسسس عطو انفسكم فرصه وخلونا نشد بعض ونتساند انا احس فيكم لان كل احلامي تاخرت وتخرجي تاخر ومع ذلك مو زعلانه من ربي بالعكس واثقه مليون بالميه ربي مو مخيب ظني وبيستجيب دعائئ ربي يوفقكم ويرزقكم ولاتخافون بنات ربي قال رزقكم في السماء وماتوعدون:love080::love080::love080: |
رد: خاص بطالبات الانتساب
بصراحة السالفة نهائيًا ماهيب شاغلة بالي
أبي أتخرج و بس مو ضروري يحتفلون فيني المهم أتخرج و أطلق الجامعة بالثلاث |
رد: خاص بطالبات الانتساب
زين الكون يسلمو على الكلام الاكثر من رائع
|
رد: خاص بطالبات الانتساب
اقتباس:
صح يمكن راي شخصي ياقلبي بس فيه بنات يحبون يصحون بدري ويحبون يحسون بنجاحهم ويحبون يجتمعون مع البنات وسوالف وكذااا يعني السالفه سالفه اقتناع شخصي انا عن نفسي ماحب الفراغ وماحب البيت لكن بنفس الوقت كان حلم حياتي البس بدله تخرج وافرح قلبي ماسويت تخرج ولامره بحياتي لامتوسط ولاثانوي ولاشي غيره بس في الكليه ابي لو جبرا بخاطري البس البدله واستانس مع اهلي وصديقاتي مشكوره حبيبتي على مرورك |
رد: خاص بطالبات الانتساب
اقتباس:
تسلمين لي ياقلبي حطيها بين عيونك هالكلمه لو علمتم كيف يدبر الله اموركم لذابت قلوبكم من محبته :d5: |
| All times are GMT +3. الوقت الآن حسب توقيت السعودية: 01:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه