ملتقى طلاب وطالبات جامعة الملك فيصل,جامعة الدمام - حل مشكلة

اليوم صار لي موقف يرفع الضغط
جلست من النوم شغلت اللاب
طلعت لي هذي العباره

http://t3.gstatic.com/images?q=tbn:A...jg_1tndaBWMWRA

طبعا حاولت اكثر من مره اسوي اعادة تشغيل ومافي فايده
طبعا مامسكت نفسي جلست اصيح <<البنات بسرعه يصيحون :mh318:
وأيقنت ان الجهاز راح يتفرمت لا محاله

شوي ودخلت نت من جوالي
وكتبت هذي العباره - يتعذر تحميل ملف تعريف المستخدم -
وطلع لي الحل لهذي المشكله
وسويتها بحذافيرها
طبعا هي تلخبط شوي
بس اللي تصادفه هالمشكله ياليت يحاول يحلها و اعصابه هاديه
عشان الأمور تمشي مظبوط

والحمدلله انا حاولت اهدي اعصابي
وسويتها مثل ماهو موجود بالشرح
والحمدلله الف الحمدلله لك ياااااارب
ضبط جهازي ورجع يشتغل
عاد قلت اكيد في احد راح يصير له هذا الموقف
لازم اقدم هالخدمه لغيري

دعواتكم

هذا الشرح

اقتباس:

السلام عليكم ورحمة الله وبركاته

كيفكم؟؟

فشل تسجيل دخول الخدمة
User Profile Service
يتعذر تحميل ملف تعريف المستخدم
أو
The user profile failed the logon-user profile cannot be loaded

هل كنت تستخدم ويندوز فيستا وفجأه وانت متحمس تبي تفتح اللابتوب جاتك الرساله اللي فوق؟

انا كنت زبك مريت بهذا الموضوغ من فتره

وضغطي ارتفع لين وصل طبقة الاوزون http://www.arabslaptop.net/vb/laptop/smilies/007.gif http://www.arabslaptop.net/vb/laptop/smilies/007.gif

- جربت استعادة النظام مانفع

- جربت الـ repiar بـ سي دي ويندوز فيستا برضو مانفع

http://www.arabslaptop.net/vb/laptop/smilies/020.gifوكنت رايح اسوي ركفري او فورمات واخسر جميع ملفاتي بس الحمد لله انشغلت وماسويتهاhttp://www.arabslaptop.net/vb/laptop/smilies/002.gif

والحمد لقيت الحل وهو منقوووول من احد المواقع من اخو جزه الله كل خير نقله من مواقع اجنبي برضوا كان وقع في هذي المشكلةhttp://www.arabslaptop.net/vb/laptop/smilies/a020.gif

وبعد ما جربته وصلح معاي حلفت اني انزل الطريقة وخلي اخواني الاعضاء في منتدى لاب توب العرب الكرام يستفيدوا منها..

وهذا هي الطريقه..

1- طفي الجهاز

2- شغلو واول ما يفتح معاك اضغط F8

3- بتجيك صفحة سودا فيها خيارات
اختار منها Safe Mode واستنى شوي لين يفتح معاك الجهاز

4- لما يفتح الجهاز افتح ابدا وفي مكان البحث اكتب Regedit

5- راح تفتحلك نافذه , من يسار اختار
HKEY_LOCAL_MACHINE بعدين انزل تحت تلقى Software خش عليها

بعدين انزل لين تحصل Microsoft وخشش وانزل لين تحصل WindowsNT واختارها

وانزل لين توصل CurrentVersion وخش عليها ومنها اختار Profile List

7- راح تلقى ملفين يشبهو واحد اسمو ارقام كثيره وفالنهايه bak. والثاني نفس الارقام
بس بدون bak.

8- اضغط كلك يمين على اللي من دون bak. واختار "حذف"

9- اضغط كلك يمين على اللي فيه bak. واختار "اعادة تسمية" و امسح كلمة bak. من نهاية اسمو ,
* بس bak. لاتمسح شي ثاني !!

10- سكر النافذه

11- عيد التشغيل وان شاء الله راح يفتح ويشتغل زي العسل

ملاحظه : افضل ان تسوي مستخدم جديد احتياطي في المستقبل لكي لاتفقد ملفاتك لو قدر الله وتعطل المستخدم الرئيسي

ادعوولي