بخصوص سحب الملف =(
 

السلام عليكم ورحمة الله وبركاته

كيفكم بنات ؟
انا توني سنه تحضيري وحابه أتناقش معاكم بموضوع
وأشوف رآيكم ..

انا داومت و احس مره مو طايقه الكليه
ما ادري ليه مره زحمه و صغيره و دائماً ناكل مقلب
انو الدكتوره ماجات ونستنى ووقتها السواق يكون مشى
يعني نضطر ننتظر الى 2 وما اوصل بيتي الا الساعه 4
ولما نروح نسال قبل المحاضرة لازم نلف على مكاتب الكليه كلها
عشان نعرف فلانه فيه ولا مو فيه
والاسلوب عدم بالمررره حتى أشكالهم تجيب الهم استغفرالله

يعني مثلا من 4 الى 6 بس قاعده أريح من بعد مشوار الكليه
يعني لو كان عندي اختبارين بكره متى اذاكرهم
او متى يمدي أخذ لي شور وأقعد مع اهلي او اطلع اتمشى
يعني بصراحه مو مضطره أتخلى عن اشياء احبها عشان كليتكم الحلوه
لا وياليت هالمشوار والتضحيات على شي يسوى :Cry111:
وربي من دخلنا للحين نازله 3 كيلو وحتى اذا رجعت البيت يالله الحق أتعشى
وحتى مايكفي ننام ولا نروح مكتبه ولا نسوي شي يسلينا

الزبده من هذا كله ،،
ابي اسحب ملفي و اقدم ع كلية العلوم السنه الجايه بإذن الله
عشانها اقرب لي و راح تختصر اشياء كثيره من سلبيات كلية التربيه بنظري

من يوافقني على كلامي ومن يقول الأسباب عاديه جداً ؟؟
و وش الاشياء المطلوبه عشان اسحب ملفي ؟؟

الف شكر :106:

رد: بخصوص سحب الملف =(
 

^
م تقدرين والسبب عادي جدا
لان ي حلوه العلوم تبع جامعه الدمام
ونظام جامعتنا اذا سحبتي ملفك م تقدرين تسجلين بنفس الجامعه اذا هالكلام للحين موجود

نجي لكليتي الجميله :biggrin:


بالعكككسس صراحه انا اشوف دراستها اسهل من كليات غيرر
الضيق في الكليه صادقه بسس استني شوي تضبط جداول البنات
يصير عندهم اوفات ويخفون :biggrin:

دكاترتنا احسس شي حلوو بس لو ربي يفكنا من شؤؤن المخيس
سالفه انك بتروحين وتجين وم تدلين وم تعرفين الدكاتره شي طبيعي ومتوقع
اول ثلاث اسابيع لانه مكان جديد وناس جداد
انصحك لاتروحين من مكتب لمكتب اي بنت تشوفينها قدامك اساليها ترا والله عادي
ليه م تحبون تسالون البنات ابرك من اللي في مكاتبهم يقطونا من مكتب لمكتب

شوي شوي بتلقين كل الدكاتره جاين لكم من الاسبوع الجاي ع الاغلب بيبدا الجد
واذا م فيه محاضره بتلقينها معلقه اعلان ع غرفتها انهه م في محاضره
انتي هنا استغلي الفرصهه واحضري بداللها اي شي ثاني عشان تطلعين بدري:biggrin:

سالفه الطريق والمذاكره هاذي عويصه من جد بس تذكري من سلك طريق يلتمس به علما سهل الله به طريق الى الجنه تخيلي الجنه والسبب انك راكبه السياره وجايه تدرسين:love080:

مع الوقت بتتاقلمين ووتتعودين ع الطريق وتعرفي ع اللي معك في الطريق بتلقين الوقت طار
نامي ذاكري اي شي يمديك تسوينه بالطريق :biggrin:

اخر شي اقولك استخيري استخيري استخيري قبل اي قرار بتتخذينه
وربي يوفقك ويسخر لك اللي فيهه خير :love080:

رد: بخصوص سحب الملف =(
 

شتات ربي يريح قلبك
و ان شاء الله تتغير الامور يارب
تسلمين ويارب يارب يعطيك كل اللي تتمنينه
فديتك :106:

رد: بخصوص سحب الملف =(
 

ويريح قلبك ي ررب
وياكي ي رب
واذا فيهه اي شي بخاطرك بثيه هنا ع الهواء مباشر
خن افيدك > طيري :biggrin:

رد: بخصوص سحب الملف =(
 

ماشاء الله عليك يا شتات كلامك درر ربي يحفظك
إنسانة عاقلة اللهم بارك
ربي يوفقك يارب
وربي يوفقك يا ทεrrч

رد: بخصوص سحب الملف =(
 

تسلمون غلاي
ربي يحفظكم ويحقق لكم اللي تتمنونه

رد: بخصوص سحب الملف =(
 

نفسي اقول شي بس خلااص شتات مشاء الله عليها وفت وكفت قالت كل شي بخاطري
زي ماقلت شتات استخيري ياقلبي وان شاء الله يوفقك للي فيه الخير يارب :love080::love080::love080: من كل قلبي اقول الله يوفقك ياعمري

رد: بخصوص سحب الملف =(
 

لاعاد حرام عليكم احرجتوني :mh318:

واللهي لاني مريت بنفسس الحاله
والحمدلله لقيت ناس تركدني وقتها:biggrin:

ترا عادي تقولون كلام غير كلامي
وتجاربكم مع كليتنا وهكا
> لا بصراحه بيستاذونون منك :71:

اقصصصد انه شي تفيد التحضيري شي مريتو فيه وم تبون يتكرر مع غيركم

رد: بخصوص سحب الملف =(
 

رد: بخصوص سحب الملف =(
 

الكل مر بنفس مرحلتك وكلنا حآسين فيييك وطبيعي يجيك اكتئاب من البنات والكليه والمحاضرات وهم ماقصرو من أولها ضغط واختبار والباص صح مشوآر بس والله مع الاايام عآدي يصير وجيبي جوالك اللي فيه كام وادخلي مآسن وسولفي ووسعي صدرك بالطرييق :biggrin: وخليه عند السواق قبل تنزليين