|
اش هي المواد اللي راح تنزلي بالمستوى الاول
السلام عليكم ورحمة الله وبركاته
انا طالبة تم قبولي في الجامعه انجليزي متخوفه كثير من هالقسم اخاف افشل برغم عندي خلفيه بسيطة احب القرمر ميه ميه فيه الشي الوحيد اللي فالحه فيه حبيت اطور نفسي بالانقلش سؤالي اش هي المواد اللي راح تنزلي بالمستوى الاول ودي اطلع عليها قبل ماتبدا الدراسة ؟ السؤال الثاني كيف اطور نفسي بالانجليزي مثلا ابي ادخل مواقع تفيدني بهالشي ؟ وش نصايحكم لي اكون شاكره لكم. |
رد: طالبه جديده انقلش
، هلآ بك أختي وجداول طلآب الأدآب المستوى الأول والثاني نفس بعض .... والمواد اللي أخذناها المستوى اللي راح هي : 1-العقيده الإسلاميه والمذاهب المعاصره. 2- نحو تطبيقي 1. 3- مدخل إلى تقنية المعلومات . 4- مباديء الإداره . 5- لغة إنجليزيه عامه . 6- مباديء علم إجتماع . 7- الصحه واللياقه . 8- التحرير العربي . . وهذا جدولكم مستوى أول ..وفيه تغيير بسيط وهو إستبدال مباديء علم الاجتماع بـ مهارات التعليم والتفكير .. وهذآ رابط الجداول لجميع المستويات .. هذي اللي أقدر أفيدك فيه .. وانتظري ردود باقي الأخوه ..أكييد ماراح يقصرون معك موفقه :106: |
رد: طالبه جديده انقلش
والله المواد كلها حلوه بس يبغالك تعطينها حقها في المذاكره اول باول وراح تنجحي ان شاء الله
|
رد: طالبه جديده انقلش
لاتخاااافين حبيبتي المواااد سهله والدكاتره متعاونين
واي شي يصعب عليك الملتقى موجود والاخوان والاخوات في الملتقى مايقصرون اسأليني انا مريت بصعوبااات ولله الحمد ربي وفقني ان شاء الله مافيه شي صعب دام عندك طموووح واصرار وعزيمه واهم شي ذاكري اول باول الله يوفقك ان شاء الله دعواتك |
رد: طالبه جديده انقلش
ولا يهمك انا جديد مثلك بس ابدي من الحين تحفظين كلمات
ومراجعه على القواعد المستوى الاول والثاني سهل وراح تبدين بمواد التخصص بالمستوى الثالث يعني معك سنه لو كل يوم تحفضين كلمتين بس يعني بعد سنه يكون عندك 720 كلمه |
رد: طالبه جديده انقلش
اختي
الحماس شي ضروري ومهم لكل خطوه يتأمل الشخص انها تنجح بس للأسف مو كل شي ! انتي دخلتي قسم اللغة الانجليزية بجامعة الملك فيصل وهذي بحد ذاتها خطوه مهمه اقصد انها كافية و اذا ركزتي باللي يقدم لك من خلال هالخطوة بتوصلين ان شاء الله لهدفك لاتشتتين نفسك بالمواقع والكتب الاضافية وركزي فقط على المادة العلمية اللي رسمتها عمادة اللغة الانجليزية ورأت من خلالها انك اذا اجتزتيها راح تستحقين بكالوريوس اللغة في السنة الاولى (التحضيرية) ثبتي اركآنك بمعدل يسمح لك في السنوات اللي بعدها تبحثين عن الفائدة ويخليك مرتاحة اثناء دراستك ككل .. وابشرك مقدما .. والله لو يعلم اللي تأخروا عن الدراسة مانتمتع به من سهولة مواد وشعور المتعة بالدراسة والفرحة بالنجاح , لجالدونا عليه بالسيوف !! |
رد: طالبه جديده انقلش
الله يوفقك ان شاء الله
|
رد: طالبه جديده انقلش
مشكورين الله يعطيكم العافيه كنت متخوفة اني راح ادخل في الغويط ع طول ادرس انجليزي مستانسه انها سنة تحضيريه ومواد عامه الله يفرحكم زي مافرحتوني الله يوفقنا واياكم
|
رد: اش هي المواد اللي راح تنزلي بالمستوى الاول
موقع رااااائع للتعليم اسمه لايف موكا
يسمح لك بالدراسه والتحدث وكل شيء ( livemocha ) رائع بمعنى الكلمه متدرج انصحك فيه وبقوه :love080: و ابريء نفسي من اي شخص يقرا مني عنه ويستخدمه خطأ الله يوفقك ويوفق الجميع |
| All times are GMT +3. الوقت الآن حسب توقيت السعودية: 08:01 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه