|
يطلع لي الحالة الأكادمية موقف عن الدراسة لم يتم تسديد الرسوم
السلام عليكم جميعا الموضوع مبين من عنوانة في احد طلع له كذا في ان حالة الطالب الأكادمية موقف عن الدراسة لم يتم تسدد الرسوم
وطبعا لما اروح الى الوضع المالي نفس الشي يقول لي الحالة الأكاديمية موقف عن الدراسة لم تسدد الرسوم وبانه لم يتم تسديد الرسوم بالكامل والمبلغ المتبقي 835 وهذي قيمة المواد( ل 5 ساعات) الا عادلتها في الترم الا راح. طبعا انا دخلت اختبارات الترم الا راح ونجحت وطلعت لي النتائج ومافي اي مشاكل ودرجات عال العال بعد واندرجت في السجل الأكاديمي لكن مادري ويش دا الا طلع لي الحين يقول لي موقف عن الدراسة الله يخليكم الا عنده علم بهذا الموضوع يخبرنا جزاكم الله الف خير |
رد: يطلع لي الحالة الأكادمية موقف عن الدراسة لم يتم تسديد الرسوم
وعليكم السلام ..
وضعك غريب شوي .. طيب بشور عليك شور .. في تحت بالخدمات الطلابية ثاني ايقونة على اليسار اسمهآ أسئلة وأجوبة اضغط عليهآ .. وحط الي صاير معك ورآح يردون عليك ان شاء الله ،، ربي يوفقك ،، ،، |
رد: يطلع لي الحالة الأكادمية موقف عن الدراسة لم يتم تسديد الرسوم
اقتباس:
|
رد: يطلع لي الحالة الأكادمية موقف عن الدراسة لم يتم تسديد الرسوم
ما تطلع معلوماتك أبداً !!
الاسم والرقم الجامعي واسم الكلية ورقم الجوال ،، |
رد: يطلع لي الحالة الأكادمية موقف عن الدراسة لم يتم تسديد الرسوم
اقتباس:
في ايام الأختبارات جتني رسالة يطلبوا مني اسدد المبلغ والا بتتوقف جميع الخدمات ولا بتطلع نتائجي لكن الوضع المالي سليم ماعلي شي وحتى اتصلت على احد الأرقام الا موجد في رسالة الجوال الا رسلوها لي وقال لي انت ايش وضعك المالي قلت ليه ماعلي شي بس 10 ريال حقت الرسائل الا كل الناس موجدودة عندهم قالي خلاص لاتشيل هم لاتسدد شي هذا كله وانا اخوك من يوم اسوي معادلة المواد من كنت المستوى اول وبعدها جت نتيجة المعادلة قبل بداية المستوى الثاني وعادلو لي انجليزي والعقيدة من مستوى ثاني ومهارات من المستوى الثالث طبعا لما جيت اسجل المواد للمستوى الثاني ماخترت الأنجليزي ولا العقيدة لأنهم معادلينهم لي وهم 5 ساعات يعني قيمتهم 835 عدل سجلت محاسبة 2 ورياضيات 2 واقتصاد كلي وصحة وتقنية يعني 14 ساعة ب 2310 ريال عدل بس لما طبعت نموذج السداد طلع المبلغ الا اسددة 1485 ريال فقط يعني مخصوم منه 835 ريال الا وهي نفس مبلغ عدد الساعات ا لا عادلتهم الأنجليزي والعقيدة هذي كل القضية بس تفاجأت الحين يقول لي انت موقف عن الدراسة |
رد: يطلع لي الحالة الأكادمية موقف عن الدراسة لم يتم تسديد الرسوم
طنش وانا اختك لازم من هالخربطه بالنظام "
دامك ماشي صح من البدايه ماعليك خوف ابد ولا تشيل اي هم " انتظر لين يوم الأثنين وسجل موادك بشكل طبيعي جدآ ولا كأنه صار شي " وبيتعدل لك الوضع بالخدمات الطلابيه ان شاء الله " كثير مثلك تصير معاهم حالات اخص من كذا والغلط من النظام مع الوقت كل شي يتعدل " انت طنش الحين "" ولا سجلت موادك وجلست اسبوع زياده ووضعك على ماهو عليه وقتها بس عطيني خبر ومالك الا الي يرضيك بإذن الله " اي خدمه انا تحت امرك " :106: |
رد: يطلع لي الحالة الأكادمية موقف عن الدراسة لم يتم تسديد الرسوم
اقتباس:
دام وضعك من البدايه سليم وسددت واختبرت وطلعت نتائجك خلاص " الحوسه الي صايره الحين طنشهاا " وقلت لك ان ماتعدل علمني " :biggrin: |
رد: يطلع لي الحالة الأكادمية موقف عن الدراسة لم يتم تسديد الرسوم
اقتباس:
صحيح من جد طفش الله يكون بالعون يعني صحيح نمشي في السليم وبعدين مره وحدة موقوف عن الدراسة انا باخذ بشورتج وانتظر وان شاء الله خير |
رد: يطلع لي الحالة الأكادمية موقف عن الدراسة لم يتم تسديد الرسوم
كنت أبي اكتب ان النظام مخرف شوي ..
يعطيتس العافية دفى |
رد: يطلع لي الحالة الأكادمية موقف عن الدراسة لم يتم تسديد الرسوم
يعافيك ربي خيوو ابو محمد "
وماعليك خيوو " khkm2004 شويه وقت وكل شي بيزبط "" :53: |
| All times are GMT +3. الوقت الآن حسب توقيت السعودية: 12:26 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه