ملتقى طلاب وطالبات جامعة الملك فيصل,جامعة الدمام

- إدارة أعمال 3 (https://vb.ckfu.org/forumdisplay.php?f=244)

- - نداء الا روح القمر (https://vb.ckfu.org/showthread.php?t=216004)

نداء الا روح القمر

سلام عليكم

اولا حبيت اشكرك ع توضيحك لنا مواد المستوى الثالث

ثانيا ابيك تقولين لنا من فين ذاكرتي؟ من الملخصااات واذا سمحتي حددي لنا الملخصات اللي اعتمدتيها... http://www.ckfu.org/vb/t179429.html

او ذاكرتي من الكتب او اكتفيتي فقط ب المحتوى ومتابعة المحاضرات

والله يجزاك خير:119:

رد: نداء الا روح القمر

وعليكم السلام ..

ربي يوفقنا ويوفقكم ،،

،،

رد: نداء الا روح القمر

الله يوفقكم جميعاً :(204):

رد: نداء الا روح القمر

اقتباس:

المشاركة الأصلية كتبت بواسطة خ ـانةأعزأحبابه (المشاركة 4347924)

سلام عليكم

وعليكم السلام ورحمه الله وبركاته

اولا حبيت اشكرك ع توضيحك لنا مواد المستوى الثالث

لاشكر ع واجب اخوي

ثانيا ابيك تقولين لنا من فين ذاكرتي؟ من الملخصااات واذا سمحتي حددي لنا الملخصات اللي اعتمدتيها... http://www.ckfu.org/vb/t179429.html
بالنسبه لي الاحصاء من الكتاب نفس المحتوى بالضبط الدكتور ما يزود ع الكتاب الا اول محاضرتين والباقي بالكتاب
يعني اللي يحب يطبع من المحتوى يطبع واللي ما يحب يطبع يشتري الكتاب يشتريه\بس انا اشتريت الكتاب

نظم معلومات طبعت محتوى الاخت تذكار الله يجزاها خير وواطلعت واستفدت من هديه مستوى ثاني لنا

محاسبه تكاليف كنت اطبع من الاخت بزنس واذا تاخرت من دلو الاثنتين خوياتي واحب اللي قدمونه ماشلله عليهم
تقنيه معلومات هذا الترم باخذها

مهارات الاتصال طبعت من بزنس واخذنا اسئله تذكار لاني ما اشتريت الكتاب

الاداره ماليه من بزنس بس مذاكرتي بين الكتاب والمحتوى لان الدكتور الكلام اللي يشرحه مكتوب في الكتاب فما كنت اطبع بس احدد معاه
ولما مرض الدكتور نزل محاضره 12 وبس وطبعتها لزنس لان ما كان في وقت

او ذاكرتي من الكتب او اكتفيتي فقط ب المحتوى ومتابعة المحاضرات

المحاضرات اللي لازم تتابعونها هي :
المحاسبه اكييييييييد
الادراه الماليه اكيد ونص
والاحصاء اكيدين

مهارات الاتصال ماده سهله وممتعه ومحاضراتها نص ساعه فقط يعني خلوها للوقت الضائع
نظم معلومات اطبعو واحفظو واللي يحب يشوفها زياده الخير خيرين
بس انا شفت للمحاضره الخامسه مالاقيت ذيك الفايده قلت ما بدهاش طبعت كل المحتوى حق تذكار وحفظته

والله يجزاك خير:119:

وجزاك الله كل خير
واي استفسار ولو ممل حاضره

رد: نداء الا روح القمر

مشكوره آختي روح القمر
وموفقه يــآرب:biggrin:

وطبعاً صاحب الموضوع
يعطييك الف عافييه

رد: نداء الا روح القمر

وهذه بعد اجوبتي لواحده من الاخوات ع الخاص بعد اذنها بلصق هنا لان الرساله مو راضيه تنرسل لهاا ما ادري ليه
وبالمره تستفيدون.. بس دعواتكم

اقتباس:

المشاركة الأصلية كتبت بواسطة ______________

مراحب ياقلبي "

هلا والله ياقلبو اهلين ومليون مرحبا والله

الله يعطيك الف عافيه على جهودك المبذوله معنا بالقسم "
ولوو ما سويت شي اللي يقدر يساعد اكيد بيساعد ..ماسويت شي يالغلا

بس ممكن اخذ من وقتك شويه واسألك كم سؤال ""

ولو انتي تأمري امر ولوو

س/1 " كم ماده اخذتي بـ المستوى الثالث

اخذت 6 مواد وهذا اخر شي عندي يعني بين ال5 الى 6 مواد ...بس اخذتها كلها ماعدا صحه ولياقه ما اخذتها قبل
وتقنيه معلومات كنت منزلتها بعدين سحبتها كان زحمه ظروف عندي .وما حبيت اضغط نفسي واشيب وانزل معدلي فخمتو ؟؟..

نروح للسؤال الثاني

س/2 " الإحصاء سهل ولا يبغاله جهد ؟

امم شوفي ياقلبو الاحصاء زي اي ماده حسابيه يبيلها متابعه
بالبدايه اول اربع فصول سهلين مووت حفظ ب حفظ وبالتفصيل اقولك

اول فصل:
يتكلم عن الاحصاء ومن وين طلع ومتى بدأ واهميته في البحوث العليمه واقسام علم الاحصاء 15 صفحه بث

اقتباس:

المشاركة الأصلية كتبت بواسطة ______________

الفصل الثاني
يتكلم عن جمع البينات وانواع البيانات ومصادرها وادواتها واساليب البحث الميداني اللي هي الاستبيانات واللقاءات وانواع العينات .. سهل سهلللللللللل
وهذا الفصل من صفحه 18 الى 37 بس سهل مررررررررره

الفصل الثالث
يتكلم عن الجدوال الاحصائيه وتكوين الجدول والجدول التكراري الصاعد والنازل وبس
وربي سهل يعني تمهيد للجداول بث

الفصل الرابع :
يتكلم عن الاعمده البيانيه البسيطه المعقده المزوجه والمنحى والمضلع التكراري
سهل واساسا هذا الفصل قراءه بس بفهم تكفيه .

ومن الفصل الخامس تبدأ المقاييس الاحصائيه الفصل الخامس مقدمه وبسيط ويخليكي تحسي انه مافي شي صعب
وواحده واحده تكثر المعادلات

تيب شلون نحفظها كلها ياروح ؟؟؟

اقولك انتي افهميها وبس
واعرفي كل معادله شلون تعوضين فيها
وحقت شنو
وبالنسبه للمعادلات الدكتور يجيبهم لكم بالامتحاااان بملحق بورقه الاسئله وبس

كم فصل اخذنا بالاحصاء ؟؟

اخذنا من الفصل الاول الى الفصل ال10

يعني خمس فصول حفظ وكلها مقدمات للخمس فصول الثانيه اللي كلها معادلات

بس صدقيني سهله مو صعبه اللي يذاكرها اول باول والله ما تصعب عليه ابداااااا

وماده محاسبه التكاليف عباره عن وشو ؟؟

عباره عن امتداد لمحاسبه 1 و2
فيها اشياء منهم تابعه لهم بس تتكلم بشكل عام عن الانتاج وتكاليف الانتاج والمصنع

وانتاجيه العامل وشلون نطلع انتاجيته واذا اخذ وقت اضافي شلون تنحسب
واذا المصنع اشتغل شغل ضروري يعني خاص شلون نحسب التكلفه من اسمها محاسبه التكاليف
...

س/3 " تايدين فكرة اني اخذ المواد كلها ولا استبدل ماده وحده باي ماده من المستوى الرابع ؟؟

صراحه ان مع اني اخذ كل مستوى بذاته ومع دفعتي

ليش ؟؟

علشان ما انحاس واذا باخذ مواد من مستوى غير مستواي اخذ من مستوى اللي اقل اخذ اي ماده انا ما اخذتها

يعني انتي اللحين مستوى ثالث

لا تاخذين من رابع
لا خذي الماده اللي ما اخذتيها قبل من اي مستوى من المستويات اللي طافت

علشان تشطبي بقوه ع المستوى اللي خلصتيه وتكوني مع دفعتك..:53:

س/4 " بـ مذاكرتك اعتمدتي على وشو ؟؟ كتب ملخصات ولا محتوى "

حسب ماده الاحصاء اشتريت كتابها وكل شي كان بالكتاب ماعد كم معلومه باول محاضرتين يعني زود شويه بس مو شويات

مهارات الاتصال من المحتوى
محاسبه التكاليف من المحتوى بس تمنيت اشتريت كتابها لان الدكتور اسئلته دقيقه ..

اداره ماليه اشتريت كتابها لان صراحه اخاف من دكاتره المغرب العربي اسئلتهم دقيقه وشرحهم دقيق بس الدكتور كان ينزل محتوى حلو بس الشرح اللي يقوله كان بالكتاب
واخطط معاه بس هو ياحرام تعب اخر الترم وما اخذنا الا 12 محاضره

اذا حبيتي اطبعي المحتوى واكتبي ورا الدكتور وترى اسئلته مباشره وسهله دعيتله دعااااوي هو الوحيد اللي ما صدمنا بالامتحان
اسئلته مباشره ومتنوعه ويجيب من الواجب مثل كل الدكاتره

تقنيه معلومات عندي كتابها من تقنيه 2 لي ولخواتي ^__^

نظم معلومات مالها كتاب بس المحتوى
.........................

انا مفكره اخذ كل المواد ما عدا محاسبه التكاليف "

وابدلها ب مهارات البحث والتفكير "

فـ شو رايك ممكن تشورين علي اذا سمحتي "

شوفي ياقلبو انا من رايي انك تمشي مع دفعتك والله ترتاحي تحسي انك ما انتي ضايعه
والاحلى والاحسن والافضل

انك تخلصي المستويات اللي قبل تشوفين شالمواد اللي ما اخذتيها قبل

وخذيها الا اذا تتعارض معاكي وقتها خذي اللي يريحك

انا واحده من الطلبه اللي الى الان ماده الانجليزي تتعارض معي الترم اللي فات كانت مع امتحان المحاسبه والسنه هذه مع الاداره الماليه 2 يعني مافي امل الترم هذا انشالله الترم الجاي <<شوفي المعاناه ههههه

وع فكره والله ما نصحتك بشي انا مو عامله فيه انا هذه طريقتي
اخذ من 5 الى 6 مواد
تكون مابين مواد حفظ ومواد حسابيه
السنه هذه مثلا عندي 3 حفظ و3 حسابيه

واحاول دايما اني اخلص مستوى مستوى واشطب عليه وامشي مع دفعتي ومع المواد اللي تنزلها الجامعه ..

وانتي ياقلبو شوفي واختاري انا عطيتك مشورتي وانتي عليكي القرار
وانا واثقه انك هتختاري صح ..

موفقه ياقلبو دعواتك .

ان شاءلله اكون افدتك واسفه ع الهذره بس ابي افيدك ع قد ما اقدر
عصرت مخي عصر هههه

موفقه ياقلبوو
دعواتك ياعسوله :106:...

[/size]

رد: نداء الا روح القمر

وهذه اجوبتي بعد ع اسئلة احد الاخوان :

اقتباس:
المشاركة الأصلية كتبت بواسطة سعد الساهر
السلام عليكم
وعليكم السلام ورحمه الله وبركاته ..
كل عام وانتم بصحة وسلامه

وانتا بخير ان شاءلله

ياليت الاخوان والاخوات اللي راحوا لمستوى رابع انهم يتساعدون معنا ويعطونا انطباعاتهم عن مواد المستوى الثالث من حيث السهولة والصعوبه وطريقة الدكاترة نبي مساعدتكم الله يوفقكم

وتذكيرا بالمواد

راح افيدكم ..يلا نبدأ..بس لا تنسوني من الدعاء..

1- اساسيات المحاسبة الادارية

ماده حلوه متابعة محاضراتها ضروريه كباقي مواد المحاسبه الاستاذ شرحه حلو وسهل وامتحانه دقيق نوع ما ..
يجيب من اسئله الواجب ..

2-مهارات الاتصال

ماده حلوه حلوه المحاضره الوحده كانت نص ساعه فقط بس تفيد لان المحتوى اللي بنزله عباره عن نقاط .. ولما تسمعون النص ساعه هذه تفهمون اكثر واكثر لانها ماده تنمي قدراتنا قبل كل شي ممتعه لدرجه كبيره حبيتها كتير..
الدكتور اسئلته دقيقه اعتقد دكاتره المغرب العربي اسئلتهم دقيقه بس ماده حلوه وانا عن نفسي كنت مخليتها للوقت الضائع ..

3-الاحصاء

ماده حلوه تحتاج تتابعون محاضراتها يعني تطبعون المحتوى وتابعون المحاضره مع الدكتور ما يزود شي عن الكتاب الا بالـ 3 المحاضرات الاولى ع ما اتذكر .. اسئلته مابين السهوله والدقه وبعد جاب من اسئله الواجب.

ولا تخافون من المعادلات وكثرتها في هالماده لان الدكتور يعطيكم ملحق من 3 ورقات للمعادلات في الامتحان بس عليكم تعرفون هالمعادله لاي سؤال وشنو المعطيات علشان التعويض بث *_^

بالنسبه للكتاب اللي يشتريه ما راح يطبع محتوى الا بعض الاضافات للفصل الاول والثاني واللي راح يطبع المحتوى ما راح يحتاج يشتري كتاب ..
يعني اللي يحب يطبع يطبع واللي يشتري كتاب يشتري ..براحتكم وكل واحد واللي يحب ..

4- تقنية المعلومات (2)
هالماده شفت منها كم محاضره وسحبتها علشان ما كان عندي وقت ..ظروف ظروف

5- أدارة مالية
ماده سهله حلوه ممتعه مرتبطه بالمحاسبه دكتورها شاطر ويفهم اسئلته بالامتحان كانت سهله وكان اسهل امتحان اسئلته مباشره لا لف ولا دوران ويجيب نظري وعملي ينوع يعني ..
بالنسبه للكتاب هو قال جيبوه انا جبته ما احتجت اطبع من المحتوى بس الاشياء اللي يشرحها وما هي مكتوبه بالمحتوى تلقونها بالكتاب ..

6-الصحة واللياقة<<< مستوى ثالث

ماده سهله سهله سهله كل اللي اخذوها كانو خايفين منها لما شافو الملزمه بس لا تخافون اغلبها معلومات عامه وهذره كبيره ما تحتاج حفظ زي مثلاً سبب ادمان بعض الشباب ع المخدرات ؟؟
مشاكل اسريه اصدقاء السوء ............الخ

7-نظم المعلومات
ماده حلوه متابعه محاضراتها مو ضروري يتكلم نفس المحتوى انا ع نفسي تابعت للمحاضره الخامسه مالقيت انه يتكلم زياده قمت طبعت المحاضرات وقعدت احفظ
مالها كتاب بس اطبعو المحتوى واحفظو واللي حابب يشوف المحاضرات تمام زياده الخير خيرين بس انا ماشفتها كنت مضغوطه بشغل وضيوف علشان ماما كانت تعبانه الله يخليها لنا ويفرجها عليها كل هم يارب << بس اسولف

وبالتوفيق للجميع

هذا كان المجمل واللي قدرت اتذكره لكم...واي سؤال انا حاضره دعواتكم موفقيييييييييييين

رد: نداء الا روح القمر

^
^
^
تجميعي لجميع اجوبتي << تقريباً جميعها

ان شاءلله استفدتو وارتحتو واي سؤال بعد انا حاضره ..المهم ترتاحو وتدعولي ..
:106::106::106: