ملتقى طلاب وطالبات جامعة الملك فيصل,جامعة الدمام - جَـــــــــــدّي / جَــــــدّتِـي : عَالــــمٌ مُـخْتَلِفْ ^

- ملتقى المواضيع العامة (https://vb.ckfu.org/forumdisplay.php?f=3)

جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

.

السلام عليكم ورحمة الله وبركاته..

أُسْعِدتُم صَباحاً أَحِبّتِي الكِرَامْ ..:106:

بعيداً عن مواضيع الزواج اللي تجيب وجع الراس وكل الأمراض المزمنة وكأننا ناقصين عقد :bawling:

كل يوم تقريباً أتصبّح بخبر فلانة تطلقت وأتمسّى بخبر فلانة بالعناية زوجها ضربها وفلانة زوجها تزوج عليها وزعلانة عند أهلها ووووووووووووووو .................. الخ

أحس خلاص الناس صارت وحوش تاكل بعضها فيش التفاؤل انفصل من مخي خلاص :biggrin:

تعقدت يا عالم عالأقل خلو هالقسم متنفس لنسيان الهموم بعيداً عن هالمواضيع اللي تضيق الخلق :mh318:

مو قصدي أتحكم أو أفرض رأيي والله هذا مجرد اقتراح و كل واحد حر لطرح أي موضوع يبي يناقشه بس هالفترة بالذات أحس بزيااادة هالمواضيع آي دونت نو واااي :biggrin:

والمصيبة انو فترة زواجات يعني الواحد صار بدل مايهني العروسة يعزيها :biggrin:
.

.

ومن هذا المنطلق ليديس أند جليمنتس :tongue: حبيت نغير جو بهالموضوع ونوسع صدورنا بذكر مواقف طريفة حصلت لنا أو سمعنا عنها مع أجدادنا وجداتنا

الجد والجدة دائماً ما يكونون بركة البيت ولهم جوهم الخاص

يرسمون البسمة على الأحفاد حتى وإن قسوا أحياناً

فإنهم يحملون بداخلهم قلوباً بيضاء كقلب الطفل

مدري ليه دائماً الجدة تحب العيال أكثر والبنات دايم تهزءهم وتنقد عليهم :000:

والعكس الجد يصير يحب البنات وماغير يضرب العيال :41jg:

يمكن عشان الشيء ينجذب لنقيضه >> وش دخل :tongue:

أنا للأسف مالحقت على ولا واحد من جداني بس جدتي الوحيدة اللي باقية عسى ربي يطول بعمرها

جدتي العزيزة ( شمس ) :biggrin: حصلت لي معها مواقف كثيرة لا تعد ولا تحصى أغلبها تفطس :biggrin:

الله يحفظها عندها السكر والدكتور مانع عنها السكريات

وهي لازم تعاند لو تشوف بإيدنا أي شي فيه سكر حلاو أو شوكلاتة تخطفها مع كم كف عالطاير :71:

وياويل اللي يشتري شي من البقالة وما يعطيها :017: مهما حاولنا نخبي عنها الحلويات وخاصة بالعيد صعب نخبي لأنه بكل مكان وهي ماشاء الله تشم من مسافة ألف كيلو وتلقاه

طبعاً هذا كله عناد ماتحب أحد يتحكم فيها ويعاملها مثل البزر ولا هي بالأساس ماتحب الحلاو

صرنا إذا شرينا مشروبات غازية نجيب لها دايت لين كشفتنا بالأخير والله مو سهلة شمس خانو :hahahahahah:

آخر موقف صار مع جدتي كان بالعيد هذا

كنا رايحين البحر ومستانسين ويوم وصلنا وتونا بنفرش ومامدانا نقعد إلا جدتي المصونة عنّدت وركبت راسها نرجعها البيت :bawling:

تونا ماقلنا بسم بالله عاد من زمان عن البحر لا يجدة تكفين :bawling:

حاولنا فيها مني مناك بس ماش ترجعوني يعني ترجعوني :icon9:

طيب ياجدة أبوي راح يجيب العشا مع عمي وخذوا السيارة و باقي وحدة وماتكفينا

لا تحاولين برجع يعني برجع :mad:

آخر شي استسلمنا للأمر الواقع ورجعها ولد عمي ورحوا معه نصنا والنص الثاني اللي ماكفته السيارة ينتظر أبوي وعمي

رجعنا البيت وكلن يتحسب على إبليس الجدة اللي ركبها اليوم بالذات :bawling:

خلص العشا ورحت أعدل شكلي بالغرفة وكانت جدتي وراي قاعدة بالسرير تطالعني من المراية

حسيت نظراتها مو عادية تطاالع بتدقيق :(107):

سألتني: مين بنته انتي

طبعاً ماستغربت أحياناً جدتي تجيها حالات تنسى يعني زهايمر بس مو خرف تام

جاوبتها : بنت فلان

سكتت شوي بعدين رجعت تطالعني من المراية

رجعت سألتني : و مين بنته هذي

- بسم الله الرحمن الرحيم ! أي بنت مافي غيري بالغرفة :000:

طالعت حواليني وقلت لها : أي بنت ؟!

جاوبتني : هذي اللي تمشط شعرها

تنحت شوي بعدين استوعبت :hahahahahah:

تقصد صورتي المنعكسة بالمراية هههههههههههههههههههههههههههههه :hahahahahah:

طبعاً ماضحكت قدامها ولا باكل علقة محترمة

قلت لها: هذي فلانة بنت فلان أختي التوأم ... وأنا ماااسكة الضحكة شوي وأنفجر :hahahahahah:

هزت راسها وقالت : اهااا والنعم فيها :biggrin:

طلعت برا الغرفة وفكيت الكااااااااااااااااااااااااااااي ومابقى أحد ماعلمته

محد يضحكني كثرها ربي يطول بعمرها :106:

هذا جزء لا يتجزأ من سوالف جدتي المصون :biggrin:

ياليت ألقى تفاعل وتسحدون مواقفكم مع جدانكم وجداتكم سواء حزينة أو سعيدة او مضحكة

وات إفر :biggrin:

ودمتم سالمين :106:

.