|
أمثال أحسائية شعبية
هاي بعض الأمثال الشعبية في الأحساء * من سدد ديونه نامت عيونه * من طق طبله قال أن قبله * من عاش بالحيله مات بالفقر * يكبر ويدبر * اللي في الجدر يطلعه الملاّس * اللي له لسان ماتكله الخنفسان * اللي ماعنده فلوس يقعد يحوس * الحسا حساك لو الدهر نساك * الدجاجة تموت وعينها في السبوس * زينة المرأة نسلها وزينة النخلة حملها * الفقر دكدكني والتين ماخليه * لاتكثر الدوس يخلي يملونك * الدين عمى عين * من حبني حب بقلي حب مشاميم عقلي * من مدح نفسه يبيله رفسه * اشحدك على المرء قال : إللي أمر منه * اللي مايستحي ماينتخي * شين وقوي عين * الزين زين ولو قعد من النوم والشين شين لو كحل عيونه * العورة تعايب على أم زر * كثر الكلام يجيب الملام * لف صبعك كلٍِ ينعتت لك دواء * كلـ(ن) يرى الناس بعين طبعه * زوجتَّج يا بنتي بغيت افرح ..لقيت اقعودِّج بالبيت اصلح * حب وقل وابغض وقل *النار ما تحر الا رجل واطيها * بدن مو بدنك مر عليه بالشوك والشجر * اذا طاح الجمل كثرة سكاكينه * من خلى روحه سبوس ألعبت فيه الدجاج * اذا نام القطو إلعب يا فار * قال شحدك يا مسمار قال المطرقه * كثر الدق يفك اللحام * من تغدى تمدا ومن تعشى تمشى * اللي ما يستحي يفعل ما يشتهي * الفقر دق دقني والشيخه مااخليها * من غبب عشا يصبح يرى * من غبر شاربه دسمه *ماهم الا هم الدين ولا وجع الا وجع العين * الاهل عقدة بريسم والرجل(الزوج) فص النبات * الطول طول النخله والعقل عقل صخله * الطويله تقضي حاجتها والقصيره تنادي جارتها * ماأقصره ماأندره * ماشين لعبك ياقحف لعبك ثقيل مايخف * راعي لطراره مايخلي طرارته * علمناه على الطراره سبقنا على البيبان |
رد: أمثال أحسائية شعبية
يسلمو على الطرح
|
رد: أمثال أحسائية شعبية
صباح الخير
ممكن أعلق <<< عاآاآاتي خذي راحتك هههههه * علمناه على الطراره سبقنا على البيبان هذا المثل نفس مضمون بيت الشعر المشهور ،، أعلمه الرماية فلما أشتد ساعده رماني ،،:119: * اللي ما يستحي يفعل ما يشتهي هذا بعد نفس مضمون بيت الشعر : إن كنت لا تستحي فأفعل ما تشاء ،،:g8: * من تغدى تمدا ومن تعشى تمشى على طاري الأكل خيووو : تصدق أن من معتقدات اليابان أن اللي ياكل و يقوم ينام على طووول احتمال يتحول إلى بقرة <<< تكرم :hahaha_2008: عن جد أتكلم ، * من عاش بالحيله مات بالفقر هذا المثل بأغنية مسلسل الحيالة :hahaha_2008: * العورة تعايب على أم زر العورة عرفناها بس أم زر تطلع منو ؟ :cheese: شكراً جزيلاً خيووو طرح جميل جداً :g11: سي يو |
رد: أمثال أحسائية شعبية
هههههههههههه رائعه هي أمثالكم
ننتظر المزيد لنكتشفه عن الأحساء |
رد: أمثال أحسائية شعبية
زوجتَّج يا بنتي بغيت افرح ..لقيت اقعودِّج بالبيت اصلح
* . هذا يـ ع ــور القلبـ! ذكرتني بهالموضوع بخالتي الكبيرة مجمــــع الأمثال القديمة على أشكــالها ماشاء الله! توقعت ألقى شي من امثالها اللي تقولهم هنا :000: بس للأسف مو موجودين! . شنشيو فتى الأحزان,. *"مع خالص محبتي"* |
رد: أمثال أحسائية شعبية
يعطيك العافية
تشكر على هذا الطرح |
رد: أمثال أحسائية شعبية
* علمناه على الطراره سبقنا على البيبان
هالمثل ضحكككككككككني حليله .. بعض الامثال مألووفه وبعضهم جديد غريب حلو تعرف شي عن تراثك وماضي اجدادك :):) مشكور يا فتى على النقل |
رد: أمثال أحسائية شعبية
بجد أمثآآل حلووهـ
في اشيياء اول مرهـ اسمعهآ ولآ فهمتهآآ ,, كــل الشكر لك ربي يعطيك الف عآآفيه |
رد: أمثال أحسائية شعبية
تو جدتي قالت مثل .. قلت كأني قاريته هنا
بس طلع مقارب له * الفقر دق دقني والشيخه مااخليها هي قالت الفقر دقدقني والتييه ما خليه .. يعني حتى لما صرت فقييييره مغروره وتااايهه خخخخ :p :p |
رد: أمثال أحسائية شعبية
يعطيك العافية |
| All times are GMT +3. الوقت الآن حسب توقيت السعودية: 05:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام