ملتقى طلاب وطالبات جامعة الملك فيصل,جامعة الدمام - جميع الطلاب ابي استشير واخذ خبره من الطالبات في جامعة الامير محمد في بعض الامور ..؟

ابي استشير واخذ خبره من الطالبات في جامعة الامير محمد في بعض الامور ..؟

السلام عليكم ورحمة الله وبركااته

مساكم و صباحكم سكر ..:mh318:

انا طالبه في جامعة الدمام بكلية العلوم

التخصص : Computer Science

درست تقريبا 3 سنوات فيها

خلصت مواد السنه الاولى والثانيه و جزء من مواد السنه الثالثه

وابي احول الى جامعة الامير محمد بحيث انهم يعادلون لي المواد

بس خاايفه اني ما اقدر عليها لان يقولون التدريس فيها كلها انقلش

وانا مو مره صراحه بالانقلش ادري بتقولون فيه تحضيري انجليزي بس جد هل بعدين على التدريس صعب ولا لا ؟

انا اخذت لغه في المعاهد و وصلت لفل 4 تقريبا
بس لغتين مو مررره اوكي حلو القرمر معي بس الرايتنق و الفوكاب مو مره اوكي
و المخاطبه يعني هااه شويات

ابي اعرف كيف طريقة تحديد مستواي بالانقلش ؟

وكيف التخصص حقي هل عندكم صعب مرره ولا عادي بالنسبه لجامعتي ؟؟

كيف التدريس هل صعب او عادي ؟

وكم ماده تقريبا اخها بالسمستر الواحد بالنسبه لتخصصي ؟

ومن كم الدوام الى كم .؟

متردده مرره اذا انقل او لا

وابي اعرف هل شهادتها بتكون اقوى ومضمونه اكثر من اني متخرجه من جامعة الدمام

وهل صدق اللي سمعته ان اي احد يتخرج منها على طول يتوظف ولا انتي وحظك ؟؟

لاني سمعت بس مدري اذا صح او اشاعه ان الامير محمد تكلف بتوظيف جميع طلاب جامعة الامير محمد بعد التخرج

وسؤال اخير : مره جيت زياره للجامعه وكانوا كلهم لابسين عبايات .؟؟ هل كل الدوام كذا ولا كيف ؟
و وش السبب هل فيه اختلاط ؟

تكفوون ساعدوني

:Cry111:

رد: ابي استشير واخذ خبره من الطالبات في جامعة الامير محمد في بعض الامور ..؟

اممممممم اترك الاجابه للبنات و لكن اذا في سؤال لطرف الشباب راح اجاوبك

رد: ابي استشير واخذ خبره من الطالبات في جامعة الامير محمد في بعض الامور ..؟

وعليكم السلام والرحمة
مسائك قشطة =))

ابي اعرف كيف طريقة تحديد مستواي بالانقلش ؟
يختبرونك الابليسمنت تست وهو عبارة عن ثلاثة اجزاء , الجزء الاول اختبار قرامر ع الكمبيوتر الجزء الثاني سبيكنج الا هو المقابلة الشخصية الجزء الثالث رايتنج
والاختبار مررة سهل وعلى اساسة راح يحددون مستواك=)
طبعاً السنة التحضيرية ثلاث مستوايات
بيقنر- سنة ونص
انترميديت - سنة
ادفانس - ترم واحد

وكيف التخصص حقي هل عندكم صعب مرره ولا عادي بالنسبه لجامعتي ؟؟
صراحة ماعندي فكرة !

كيف التدريس هل صعب او عادي ؟
بالنسبة لي عادي جدا :smile:

وكم ماده تقريبا اخها بالسمستر الواحد بالنسبه لتخصصي ؟
6الى7 مواد تقريباً

ومن كم الدوام الى كم .؟
مافي جدول موحد يعتمد على جدولك في اليوم كيف
الدوام في الجامعة يبدأ من 8 ص الى 4 العصر
يعني احتمال جدولك يكون تداومين من 8 او من 10 الى 12 او 2 او 4

وسؤال اخير : مره جيت زياره للجامعه وكانوا كلهم لابسين عبايات .؟؟ هل كل الدوام كذا ولا كيف ؟
و وش السبب هل فيه اختلاط ؟
:biggrin:
لآ مافي اختلاط
مافي لبس محدد تقدرين تلبيسين الا تبيه مو شرط عباية بس غالبيتنا كذا هو اللبس حرية شخصية =)

رد: ابي استشير واخذ خبره من الطالبات في جامعة الامير محمد في بعض الامور ..؟

نجمة الكووون .. يسلموو فديت قلبك والله على هالمعلومات وجزاك خير يارب

بنات تكفون اللي بهالتخصص تقول لي كيف التخصص معكم اوكي ولا لا .. وكيف البنات ماشين فيه ولا كثير يحملون مواد لصعوبتها ... وكيف المس هل كل شي تتخاطب معنا انقلش يعني مثلا لو ما فهمت شي معين هل بتشرحه لي عربي ولا كله انقلش ؟

وهل مضمون الوظيفه اذا تخرجت من جامعتكم لاني فكرت احول لكم بس لاني سمعت انها مضمونه ؟

رد: ابي استشير واخذ خبره من الطالبات في جامعة الامير محمد في بعض الامور ..؟

سلااام عليييكم ..

في احد يعرف ماهي المواد التي تدرس في السنة والنص التحضيرية ؟؟

هل بعد التحضيري اقدر اسحب واروح جامعة ثانية يعادلون لي مواد من هالسنة التحضيرية اللي درستها ؟؟

تحيـــاتي

رد: ابي استشير واخذ خبره من الطالبات في جامعة الامير محمد في بعض الامور ..؟

^^
تدرسين رايتينغ , قرامر, فوكابز, وماث وفي ماده اضافيه اسمها ستادي سكيلز
يعني السنه التحضيريه عباره عن كورس انقلش ..
بعد ماتخلصينها تبدين بالسنه الاولى من تخصصك ..تدرسين مواد عامه.. ولو تحولين هنا مراح تستفيدين شيئ لانهم مراح يعادلون لك الا مادتين او ثلاث بس !!

الوريد
لو سألتي البنات وحده بتقولك انه اسهل شي والثانيه بتقولك ماشفت اصعب منه !!
يعني باختصار هو يعتمد عليك.. لو تحلين الهومورك اول باول وتنتبهين بالكلاس مافي شيئ صعب ان شاء الله ...
وبعدين انتي دارسه 3 سنوات يعني مراح يكون جديد عليك
الي يدرسون اغلبهم اجانب .. بس بيمشي وضعك لاتشيلين هم .

رد: ابي استشير واخذ خبره من الطالبات في جامعة الامير محمد في بعض الامور ..؟

Forza bluez

يسلمووووو قلبي على وجزاك خيييير فديتك :mh318:

طيب اللي تعرف او عندها خلفيه

وش احسن شهادة جامعة الدمام ولا شهادة الامير محمد

و وش المطلوب اكثر للوظايف مع العلم اني بتخرج بنفس التخصص يعني ما راح اغيره

رد: ابي استشير واخذ خبره من الطالبات في جامعة الامير محمد في بعض الامور ..؟

لييش تحووليين أسااساا ً !!!