|
ارجو انكم تنوروني قبل استمر في التسجيل
ياجماعة الخير ابي مساعدتكم الله يعافيكم انا انقبلت في إدارة الأعمال عن طريق الانتساب لهذا العام استفساري // 1- هل تخصص إدارة الاعمال صعب .!؟؟ علماً انني موظف ووقتي مزحوم شويات 2- ما هي المواد التي تدرس في الترم الأول .!! ارجو الاهتمام بالموضوع مشكورين بانتظاركم |
رد: ارجو انكم تنوروني قبل استمر في التسجيل
الله يعطيك العافيه بصراحه الادارة يبيلها فهم وصعبه واذا انت موظف اختار قسم سهل وبالتوفيق
|
رد: ارجو انكم تنوروني قبل استمر في التسجيل
والله اخوي انا لسا جديد بس انا اؤمن بانه مافيه شي صعب بحول الله . اذا انت تبي التخصص هذا وراغبه كل ما عليك انك ترتب وقتك واهم شي انك لازم تقنع نفسك انه عندك شي زياده بحياتك لازم تعطيه وقت يوميا او كل يومين , اما اذا كنت تبي بس شهاده وماتفرق معك التخصص انصحك انك تشوف تخصص سهل بحيث انك تصل لمرادك وبدون اي مشاكل دراسيه قد تواجهها لا سمح الله .
|
رد: ارجو انكم تنوروني قبل استمر في التسجيل
اقتباس:
بالنسبة للتخصص ماهو صعب وماهو سهل تحتاج شوية التزام وتعطي كل مادة حقها يعني يبدى السمستر وما تفتح ولا شي وتبي تذاكر وقت الاختبارات بس ما اتوقع تمشي ابدا طبيعة الدراسة صدقني سهلة واللي سبقوك مو احسن منك لو تعطي نفسك كل يوم ساعة انا اشوف انه حلوة . اذا ما خانتني الذاكرة بتاخذ في اول سمستر : مبادئ ادارة الاعمال << سهلة واغلبها حفظ مبادئ القانون << حتى هذي سهلة الاقتصاد الجزئي << حليوة المادة محاسبة 1 << يبيلها شوية شغل وتفتح في المحاضرات رياضيات 1 << نفس حق الثانوي تقريبا بس على اسهل واخف شوي باقي مادة الظاهر انها الثقافة الاسلامية بس مو متأكد اتمنى اني افدتك وبالتوفيق ان شاء الله |
رد: ارجو انكم تنوروني قبل استمر في التسجيل
يارب يسعدك طمنتني كنت خايفة ان مايمشي وضعي بالدراسة
|
| All times are GMT +3. الوقت الآن حسب توقيت السعودية: 12:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام