معلومات عن جامعة الملك فيصل
 

السلام عليكم ورحمة الله وبركاته
يا اخوان أنا عظو جديد في المنتدى ودي اكمل دراستي في جامعة الملك فيصل ( التعليم من بعد ) أنا خريج الكلية التقنية بارياض ( يعني شهادتي دبلوم بعد الثانوية)
عندي بعض الاسئلة ممكن :mh318:
1- كيف اقدم على الجامعة؟
2- كيف اعادل المواد الي درستها في الكلية التقنية؟
3- كيف التعليم من بعد ؟
ارجوكم ساعدوني ,,,,,,,,,,,,,,,,,,,,,

رد: معلومات عن جامعة الملك فيصل
 

وعليكم آلسلآم ..

1- كيف اقدم على الجامعة؟

- تقدم عن طريق هآلرآبط { http://www3.kfu.edu.sa/EDEAdmission3233/ }

2- كيف اعادل المواد الي درستها في الكلية التقنية؟

- > هالسؤآل مآفهمته أنا

3- كيف التعليم من بعد ؟

- آلتعليم عن بعد هو أن تشوف المحآظرآت في موقع الجامعه .. يعني مآيحتآج تروح للجآمعه تدآوم ..
والدوآم بس إيآم الأختبارات تروح عشآن تختبر ..

هذا اللي اعرفه .. :119:

رد: معلومات عن جامعة الملك فيصل
 

بالنسبه لمعادلة المواد

راح يعادلون لك 14 ساعه فقط

اما بالنسبه لنظام التعليم عن بعد

فهو نظام جميل ,,
درجة المقرر الكامله 100 درجه موزعه على ثلاثة اجزاء
70 درجه على اسئلة الإمتحان النهائي
10 درجات للمشاركه
10 درجات للواجبات
10 درجات لحضور المحاضرات المباشره

فيه برنامج خاص بالتعليم عن بعد على موقع الجامعه اسمه البلاك بورد
تدخله برقمك الاكاديمي والرقم السري الخاص فيك
وتطلع لك موادك ومناقشاتك والمحاضرات المسجله والواجبات

تسمع المحاضرات المسجله مره وثنتين وثلاث وكل اسبوع ينزلون لك محاضره وكل مقرر 14 محاضره
حتى تكتمل المحاضرات جميعها ,, وتبقى عندك متى مااحتجت ترجع للمحاضره تقدر تسمعها مره اخر


اما الواجبات ففيه 3 واجبات في السنه

والمشاركه .. فيه قسم اسمه منتدى الحوار . على حسب مشاركتك في هالقسم تلاقي درجتك .. يعني من 14 مشاركه بالترم الواحد وفوق تاخذ الدرجه كامله ان شاء الله

اما المحاضرات المباشرة
كل مقرر له 3 محاضرات مباشره مع الدكتور ,, بالصوت والصورة
اذا قدرت وحضرت المحاضرة في وقتها ,, وناقشت الدكتور ,, فهذا الشئ هو المطلوب وراح تاخذ درجة الحظور وانت بعد تستفيد اكثر بمناقشتك للدكتور في كل مايعقدك من المقرر
.. صار عندك شغل وماقدرت تدخل في نفس الوقت على المحاضرة المباشره ,, ,, الجامعه راح تنزل لك المحاضره مسجله وانت تسمعها مره ثانيه وتحصل على الدرجه الكاملة ايضاً

رد: معلومات عن جامعة الملك فيصل
 

الله يجزاكم الف خير ويجعلة في موازين حسناتكم
المعلومات مره ممتازة

رد: معلومات عن جامعة الملك فيصل
 

معليش كيف دفع الرسوم ؟وكم ؟

رد: معلومات عن جامعة الملك فيصل
 

عندي سؤال ايش الفرق بين جامعة فيصل و جامعة الدمام !