|
بخصوص مكافئات دفعة 2008> انقلوا لبقية الكليات هالخبر
السلام عليكم ورحمة الله وبركاته
ادري الكل مشتط على التسجيل وانا منكم ولكن امر المكافئة مهم للأغلبيه " واللي ما يهمها تكرمنا بسكوتها" . . اليوم اتصلت على مسئول المكافئات و رد علي السكرتير الله يفرج همه كان متعاون جداً طبعاً انا شرحت الوضع وقلت له بقى لي سنة والمكافئة انقطعت من وين اوفر الكتب والمواصلات و انت عارف ان المكافئة حق للطالب اللي يدرس ومحافظ على معدل اكثر من 2 قال لي قرار قطع المكافئة توه جديد والسبب رسوب الطالبات قلت له تعاقبون الكل بسبب " البعض" قال هذا القرار ونزل انا مالي شغل وانتِ معك حق وعطاني رقم فاكس الدكتور عبدالله با موسى عميد قسم القبول والتسجيل بجامع الدمام رقم فاكسه /8577605 وقال ارسلي له انك من طالبات دفعة 2008 والقسم حقك والمعدل ان امكن وتذكرين اهمية المكافئة لك كـ طالبة " بـ اسلوب لبق" وتختمين الخطاب ب جملة " و لايخفي على سعادتكم أهمية المكافئة للطالب ونأمل النظر مجدداً بالموضوع " وتكتبين التاريخ بالفاكس ثم تتصلين عليهم لما ترسلين الفاكس وتقولين ابي رقم الصادر للفاكس عشان اتابع موضوع المكافئة ويصير اسهل عليك لما تتصلين وتقولين انا ارسلت خطاب رقم كذا بخصوص المكافئة وش صار على الموضوع وتخلين ولي الأمر يتابع عند الرجال أفضل ... واخر الفاكس تكتبين ايميلك لأن ممكن يكون الرد عن طريق الايميل والله ييسر الأمر وقوم تعاونوا ما ذلوا انشروه لكل الكليات التابعه لجامعة الدمام ولاتحرموننا من دعواتكم الجميلة :106::106::106: |
رد: بخصوص مكافئات دفعة 2008> انقلوا لبقية الكليات هالخبر
صحيح الكلام
وانا من دفعه 2009 وباقي لي سنتين بالكليه صعب ندرس بدون مكافات مهمه للكتب وباقي مصاريف الكليه :d5: ياليت يقدرون الوضع :(269): |
رد: بخصوص مكافئات دفعة 2008> انقلوا لبقية الكليات هالخبر
بنات الهمة الهمة
وللعلم ترى القرار مو من وزارة التعليم العالي يعني من راس العميد :biggrin: خلونا نتكاتف وترجع الفلوس لصرافاتنا احسن من تروح لصرافات غيرنا :tongue: وبعدين المفروض يعطوننا خبر بأنهم بيوقفون المكافئة عشان نضبط امورنا من بدري بس هم ما سووا هالشئ ويتحملون خطاهم |
رد: بخصوص مكافئات دفعة 2008> انقلوا لبقية الكليات هالخبر
هم قطعو مكـآفئة دفعه 2008 لـآنهم تخرجو خلـآص بس توقعنـآ ينزل لشـهر 8 او 9 لـآن مـآ كملنـآ 4 سنوات نكمل 4 سنوات اذا خلصنـآ شهر 8 لـآن احنـآ اول سنه درسنـآ برمضـآن |
رد: بخصوص مكافئات دفعة 2008> انقلوا لبقية الكليات هالخبر
أنتِ تخرجتي والله يوفقك
بس انتِ عارفه ان بنات البانر كان فيه مجموعه منهم قاسمين مواد سنة رابع وانا منهم وبندرس مع الدارسين فهمتي يا حلوتي :106: |
رد: بخصوص مكافئات دفعة 2008> انقلوا لبقية الكليات هالخبر
اسطورة الوقت
يعني انتم بتكون دراستكم 5 سنين ؟؟ لأنكم قسمتم مواد رابع لو ما قسمتم الحين تخرجتوا ؟ انا اذكر من زمان كانوا يقولون انه كان فيه كثيررر يجلسون يحملون مواد بس عشان يطولون في الكليات و ياخذون المكافئة بس عباطة بعدين سمعت ان الي يزيد عن 4 سنوات ماله ما ادري والله هذا كلام مر علي في يوم من الأيام اقصد فيه انو مو غريب تنقطع لأنكم عديتوا 4 سنوات لأنه على كذا كثير بيسوونها :cheese: صح انتوا وضعكم غير مو عباطة او حمل مواد بس شيء مو غريب يقطعونها دامكم ما مشيتوا على الخطة الي هي اربع سنوات فهميني لو ما فهمت :hahahahahah: مع اني حاسه كذا :biggrin: |
رد: بخصوص مكافئات دفعة 2008> انقلوا لبقية الكليات هالخبر
اقتباس:
اهـآ فهمت يـ حلوهـ :106: كـآن تخرجتي معنـآ من زين قعدة الكليـه :biggrin: المهم الله يوفقكـ :119: |
رد: بخصوص مكافئات دفعة 2008> انقلوا لبقية الكليات هالخبر
انا ارسلت فاكس والله ييسر
|
رد: بخصوص مكافئات دفعة 2008> انقلوا لبقية الكليات هالخبر
طيب انا دفعة 2009 وش رح يصير علي بيقطعونها بعد :000:
|
رد: بخصوص مكافئات دفعة 2008> انقلوا لبقية الكليات هالخبر
:d5: اسطورت الوقت جزاك الله خير وجاري النشر
|
| All times are GMT +3. الوقت الآن حسب توقيت السعودية: 03:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام