|
مساعدة ابي معلومات عن السنة التحضيرية
السلام عليكم
ان مقبول في كلية علوم الحاسب بس المنتدى حقنا مايرد فقلت بما انا مع بعض سنة تحضيرية وحدة ماهي مواد السنة التحضيرية وكيف دوام السنة التحضيرية ومدى صعوبتها واللي مايجتاز السنة التحضيرية او رسب ومانجح في الترمين يحولونه الى كلية ثانية هو يختارها ولا يقدر يختار كلية علوم |
رد: مساعدة ابي معلومات عن السنة التحضيرية
وعليكم السلام ورحمة الله ..
السنه التحضيريه سهله وممتعه .. التركيز فيها على اللغة الانجليزيه اللي يرسب بمواد يعيدهم ويجلس ترم كامل على المواد اللي رسب فيهم واذا تبي تحول عادي تختار كلية العلوم لازم المعدل عشان تتنقل لكلية الحاسب مايكون اقل من 3 المواد سهله والدوام طوووووويل جداً هذي معلوماتي اللي مبنيه على دراستي للسنه التحضيريه اللي قبل العام فالأفضل تاخذ الكلام الأجدد من دفعة 2011 وموفق اخوي أحمد ... |
رد: مساعدة ابي معلومات عن السنة التحضيرية
مشكورة
بس كي يعني الدواام طويل جداا يعني ينتهي الى الساعة كم |
رد: مساعدة ابي معلومات عن السنة التحضيرية
مساء الخير
بالنسبه للمواد فحنا درسنا انجليزي سمسترين ومثكف جدا وكمبيوترللسمسترين وكيميا وفيزيا سمستر واحد ورياضيات سمسترين اذا كان قسم حاسب اما اذا كان قسم صيدله السمستر الثاني يكون احياء مو رياضيات طبعا كلهم بالانجليزي عدا مهارات التفكير والبحث ،والصحه واللياقه ،و الاتصال<< هذي ثلاث مواد مترابطه بالعربي سمستر وبالنسبه للدوام فهو طويل يعني كل يوم تطلع ٢ ونص ويوم ٤ ونص ويم الاربعا من كل اسبوع يكون اختبار انجليزي تخلص الساعه ١١ ونص وكل يوم تداوم من ٧ ونص الصباح طبعا حنا اشتكينا على التعب هذا وقالو ان راح يخففون المواد على السنه الجايه ،، اذكر كمان انهم قالو بيخففون عدد ساعات الانجليزي لان حنا كنا ندرس ٢٠ ساعه بالاسبوع بس انجليزي بالتوفيق ان شاء الله،، :106: |
رد: مساعدة ابي معلومات عن السنة التحضيرية
هذا اللي قلته انا على دفعتي
وطبعا في تغيرات كثير بتصير متعلقه بالمواد وعدد ساعات الدوام لكن ما اعرفها يالضبظ يالتوفيق،، |
رد: مساعدة ابي معلومات عن السنة التحضيرية
مشكورة ع المعلومات
الله يعطيك العافية طيب وش يصير في اللي مايجتاز السنة التحضيرية يحولونة الى كلية من اختيارة يعني اختار كلية علوم |
رد: مساعدة ابي معلومات عن السنة التحضيرية
بالنسبه للي ما يجتازها اللي اعرفه ان يحولونه على كلية العلوم
لكن اذكر ان اول ما سجلت ببداية السنة مكتوب ان اذا ما اجتزت السنه التحضيريه يحولوني على الرغبه اللي بعدهه ( حسب ترتيب الرغبات اللي انت سويته) ان شاء بتجتازها لا تروح الى هذي الناحيه خل تفكيرك ايجابي ان شاء مع التغيرات اللي بتصير يكون كل شي اسهل عليكم * بس انت كون ايجابي.. تحياتي،،:106: |
رد: مساعدة ابي معلومات عن السنة التحضيرية
عشاني ضعيف في الانجليزي
اول شي قبلوني في العلوم كنت فرحان فيها عشانها بالعربي وسهلة الحين ماابي علوم الحاسب دوامها ضغط وشكلها صعبة يعني اللي مايجتاز يحولونة لكلية هو يختارها ولاهم يحولونة |
رد: مساعدة ابي معلومات عن السنة التحضيرية
لاتحاتي كلنا كنا مو مره بالانجليزي
بس راح تقوى اللغه عندك وتشوف الفرق بنهاية السنه التحضييريه الانجليزي مو صعب كان الصعب علينا ضغط الساعات و كثافة الواجبات بس الي سمعناه انو قالو راح يخففون عليكم واذا ع الاجتياز السنه باذن الله بتجتاز هو مو شي تعجيزي بس شد حيلك والتوفيق ع الله .. |
رد: مساعدة ابي معلومات عن السنة التحضيرية
لا تحاتي
حتى انا كنت ضعيفه بالانجليزي بس هم جايبين مجموعة مدرسين اجانب وحبوبين وبعدين صايرين نجلس بالجامعه اكثر من البيت يعني كل اسبوع تآخذ ٢٠ ساعه انجليزي خلالها ولا كلمه عربي تتعامل مع اجانب كل شي بيتغير بس خل عزيمتك قويه والله انا دخلت ضعيفه بالانجليزي واجد مو شويه ولما عطونا الكتب وربي ارتعت اقول هذول كيف يتعاملون معهم وكله كوم ولما جا السمستر الثاني كوم ثاني عطونا كتب الكمستري والفزكس والبيولوجي ولا كلمه عربي والكتاب الله يسلمك ما اقدر امسكه بيد وحده من ثقله بس درسنا صح وكل شي خلص وجبنا معدلات جيده وبعدين في سمستر ثالث (صيفي )للي ماقدرو يعدونهم *لا يكون تفكيرك كذا من بدايتها انت بس خل عندك عزيمه وان شاء الله نشوفك على السنه الجايه وانت مخلصها وتقول لغيرك هذا الكلام :) بالتوفيق |
| All times are GMT +3. الوقت الآن حسب توقيت السعودية: 05:40 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام