طالبة بالاداب اتمنى منكم المساعده والاجابه على استفساراتي =s
 

السلام عليكم :smile:

والله مدري كيف ابدا فاشله بالمقدمات :biggrin:

بس بغيت اسأل كم سؤال ..

بصراحه انا كانت نسبتي الموزونه 86 يعني عاليه الحمدلله ..

وكنت اقدر انقبل بالتربيه من الدفعه الاولى لكن شفت ان تخصصاتها مافيه انقلش واانا حلمي ادخله ..

عشان كذا حطيت اداب وانقبلت من الدفعه الاولى :smile:

بس لما دخلت هنا المنتدى شفت ان الاغلب مايبغى هذي الكليه وحط فيها عيوب كثيره وانها تفرق عن التربيه ووو الخ
بصراحه بديت اشك واندم مدري خايفه اني استعجلت ودخلتها وانا نسبتي كانت تقدر تدخلني غيرها بسهوله :s

بس حابه تطمنوني هل مستواها مثل مستوى الكليات اللي داخل الجامعه ؟
اول اني استعجلت والله خايفه كثير :s

وحابه اسأل عن النظام هل يفرق عن نظام الجامعه من حيث التعامل وغيره ؟

ولله مدري حتى مو عارفه شنو اسأل طيب هي لها مستقبل انا حاطه ببالي الانقلش

ايه واهم سؤال هم يختاروني لهذا التخصص يعتمدون على كم جبت فيه بثانوي والا بس يعتمدون على اختبار القبول ؟؟

واللي دخلت انقلش هل ذاكرتي شي قبل الاختبار او لا

واتمنى تجاوبوني وتطمنوني لاني بجد محتاره :icon9:

رد: طالبة بالاداب اتمنى منكم المساعده والاجابه على استفساراتي =s
 

هلا اختي اذا كتن حلمك اداب ضلي عليه وحققي طموحك
انا صديقتي زيك نسبتها كانت تدخلها تربيه وحطت الرغبه الاولى اداب
بس لاانها حابه الانجليزي وهو طموحها امشي على طموحك والي تبينه

انا اجل عكسك ابي تربيه وانقبلت اداب
بس لايهمك الكلام انا سمعت انها زينه واذا حبيتيها بتصير حلوه وسهله

وبالعكس لها مستقبل والله يوفقك
ومبروووك القبوول وبس هذا الي اعرفه :biggrin:

رد: طالبة بالاداب اتمنى منكم المساعده والاجابه على استفساراتي =s
 

رد: طالبة بالاداب اتمنى منكم المساعده والاجابه على استفساراتي =s
 

دعآء تسلمين الله يبارك فيك ويكتب اللي فيه الخير :119:


جوهره .. يعني مالها علاقه بدرجتي بالثانوي لان شفت بكلية العلوم النظام كذا مثلا لو وحده تبغى كيميا ياخذوها على حسب كم جابت بثانوي
طيب كيف اتدرب على هذا الاختبار اخاف يروح كل هالتعب وماادخله بسبب الاختبار :icon9:

رد: طالبة بالاداب اتمنى منكم المساعده والاجابه على استفساراتي =s
 

كل التخصصات تعمد على نسبة الثانوي الا الانجليزي, ولحسن الحظ يعتمد على الاختبار
وأنا قبل الاختبار باسبوع كنت حيل احاتي ومااعرف انام بالليل وبعدين ذاكرت كتاب قرامر متييييييييييين... بس صراحة ماكان في داعي اذاكر ومااحتجت شي... والاختبار سهل ويعتمد على مخزونج اللغوي مهما ذاكرتي قبل الامتحان ماراح يفيدج الا الاشيا اللي تعرفينها ومخزنة بعقلج من زمان
وبالتوفيق يارب

رد: طالبة بالاداب اتمنى منكم المساعده والاجابه على استفساراتي =s
 

زين الحمدلله طمنتيني :119:

يعني تقريبا من اللي درسنا مافيه شي خارجي ؟؟

وياليت احد يجاوب على اسئلتي اللي فوق يعني عن طريقة تعامل الكليه وو :s

رد: طالبة بالاداب اتمنى منكم المساعده والاجابه على استفساراتي =s
 

يب المسستوى نفسسسه ومن نآحية التعامل

دكآترتنآ آفضل من جآمعة فيصل لأنهم صآرمييين ششوي

,,

من نآحية دخولك للـإنقلش يعتمد ع إختبآر القبول

ولا يحتآج مذآكره بس آهم حآجه تتدربين ع الكويزآت إلي بمواقع الأنقلش

وصدقيني مآدامك دخلتي الأداب عششان الأنقلش , مآراح تتحسفين ثآنيه وحده

ولآتسسمعين آي كلآم سسلبي وخليك مع إلي يمدحون آما إلي تذم

تأكدي مآوراها فلحه آبد :biggrin: , والله يوفقك وتنقبلين بآللي تبينه بس شدي حييلك :mh318:

رد: طالبة بالاداب اتمنى منكم المساعده والاجابه على استفساراتي =s
 

زيين الله يطمنك يا آرق :love080:

طيب سؤال الحين اول يوم نروح وش الاجراءات اللي بتصير ووش بنسوي وبنداوم الاسبوع الاول والا بس نروح اول يوم ؟:000:

رد: طالبة بالاداب اتمنى منكم المساعده والاجابه على استفساراتي =s
 

الدكاترة لا احسن ولا أسوأ, كل دكتور ومميزاته وبعضهم يدرسون هنا وهناك

رد: طالبة بالاداب اتمنى منكم المساعده والاجابه على استفساراتي =s
 

مآفيه لآ إجرآءات ولاشيء , مُجرد تآخذين فكره عن الكليه بس

وبس تروحين آول يوم , لأن المحاضرات تبدآء من الأسبوع إلي بعده