ملتقى طلاب وطالبات جامعة الملك فيصل,جامعة الدمام

الشاعر فالح الدهمان

حرام ياشيخ لـو تقرالـى الكرسـى=من طلعة الشمس لين الليـل يدمسهـا
ماشفت بى جن لكنه مـرض نفسـى=العشق حاله ولاعـن جـد خامسهـا
هواى عفريّتـن وعيونهـا الخرسـى=ماشفتهـا لكـن أهواهـا وأقدّسـهـا
حين اهمست لى بكلمه رحت من أمسى=واليوم روحى رهينه فـى محابسهـا
كنى بحبسى وكنـى مانـى بحبسـى=مسجون مطلوق ماخـوذ بوساوسهـا
ان هب ريح الجنوب اهب له عكسـى=واليا اعتلت نجمة الجـوزا أجالسهـا
والبعد قتّـال يابعـدى ويـا حمسـى=كـذا أغنـى ونـار النـار مونسهـا
ليت المدامع دمى ليت الحشا ضرسـى=ماكان كبدى لهيب الشـوق حامسهـا
لا العين تصبح ولا هى بالمسا تمسى=متخالفن مع عيون الخلـق حارسهـا
والله ما أشرقت والا أغربت شمسـى=الا وأنا عبرتـى عبـرات حابسهـا
هو فيه بالناس من لونى ومن جنسـى=ياشيـخ فـى حسهـا والا هواجسهـا
مانى بمجنون ذا عشقـى وذا حسـى=والمعرفه علمهـا عنـدى وأدرّسهـا
فرّاس أقرا عيون النـاس وبحدسـى=أقلّـب قلوبهـا واكشـف دسايسهـا
قليل صادفت مثلى مـن بنـى انسـى=وعقول ماينتمى لـك فكرهـا سسهـا
خاويت حيوانها فى العالـم المنسـى=والجـن ماشفتهـا لـولاى حاسسهـا
أيام صلّت وراى فروضـى الخمسـى=والطير والـداب والنمـل بمتارسهـا
كم ليلتن موترى فـى ليلـى الدمسـى=على دروب السفر نجـم بخرامسهـا
مريت فيه بمضارب عنتـر العبسـى=حتـى تعديتهـا لديـار بطرسـهـا
ومنين مارحت حنا فـى نيوجرسـى=الآرض صارت مساجدهـا كنايسهـا
نذوق مـر الزمـان بعلبـة البيبسـى=ونعيش عصر الهزيمه فى ملابسهـا
ساءلك ياشيـخ بالعبـاس والمرسـى=انك اتغنى معى واليا سهيـت اسهـا

////////////////////////////////////////////////////////

كم ضحك جاهل ٍ من كلمة ٍ صحت به
له بكى شاعر ٍ مثلـي وغنـى بهـا

أنا افصـح كتـاب بهـذي المكتبـه
إن قرأنـي أديـبٍ يفهـم آدابـهـا

إمتلت كل صفحـات الفكـر أتربـه
فـي رجـا مـن يقلبهـا ويقرابهـا

أرفض أكون في جو الشعـر أرنبـه
حلّقت والثمن في مخلـب اعقابهـا

عشت حر ٍ علـى حريـة ٍ أكسبـه
من مواجع قيودي لا من أصحابهـا

كل روح ٍ مثل روحي مهـي مذنبـه
كانهـا خالفـت رب ٍ مـن أربابهـا

يثبت الشاعر العملاق فـي مرقبـه
إن رفع شعلـة الأحـرار وكتابهـا

من رقى بالحيـاه بشيمـة الثعلبـه
تافه ٍ لـو لقـى نفسـه بمرقابهـا