ملتقى طلاب وطالبات جامعة الملك فيصل,جامعة الدمام - عامة معلــومــات عـن الــ toefl ( التوفل ) .. واي استفسـار انا بالخدمـه

السلااام عليييكم ورحمه الله ..

شفت معظمكم يسأل عن التوفل وبما اني مسوته مرتيين قلت افيديكم ..
الصراااحه وبالنسبه لي سهل جداً جداً.. وبما ان الدرجه المطلوبه لكم هي 30 .. وهذي اللي انا جبتها اول ما طلعت من ثنوي .. فأتوقع انتو ياطلبه الدبلوم تقدروا على ابووها بعد ان شااء الله :)

طبعاً التسجيل يصير من موقع التوفل TOEFL .. والتسجيل اون لاين .. مده الامتحان 3 ساعات ونص .. ولازم يكون التسجيل قبل وقت الامتحان بمده .. بس ما اذكر يا شهر ياشهر ونص .. وانا سويته في لبنان فكانت الرسوم ب 170 دولار بس في السعوديه اغلي شكله ب 215 دولار يعني بـ806 وربع ريال :biggrin::biggrin: ..

TOEFL اختصار لـ : test of English as foreign language ... والامتحان يكون اما ع الورق (pBT (paper base test او انترنت (iBT (internet base test
ولكن المتعارف الحين والمتوفر اكثر في الدول هو الانترنت .. حيث انك تسوي الامتحان ع النت مو من بيتكم طبعااً .. تروح المركز اللي سجلت فيه ويطخوونك صوره بعد :biggrin: ..

الامتحان مقسم لـ 4 اقسام .. وكل قسم عليه 30 درجه .. يعني الامتحان من 120 درجه
1- Reading >> يجيبون لكم من 3 الى 5 قطع طويله تقرها في مده معينه محطووطه فووق الشاشه .. وحسب الطول يعطونه الوقت .. يعني بين ال5 الي 7 دقايق.. وبعدها تجييك اسئله ع القطع .. مثل وش يقصدون بذي الكلمه. . والضمير يعود لمن في هذي الكلمه .. و وو
2- Listing >> يجيبون لك من 3 الي 5 محاداثات سهله .. اما بين طالب ومدرس .. او طالبيين .. او محاضرة في كلاس وبعدين يجونك اسئله ع اللي سمعته ..

طبعاً بعد كل قطعه يجيك السوال .. وهكذا ع الاستماع .. وفي الامتحان اذا جاك 3 ريدنق .. بيجيك 5 لسنقنق والعكس صحيح

3- Speaking >> يعطونك كذا فقره .. أما سؤال أو عبر عن رايك في شي في مده دقيقه .. ويعطونك مده تفكر فيها 15 او20 ثانيه .. الاسئله مثل .. اذا بغيت تنقل سكن .. تفكر في تاخذ سياره صاحبك او تاكسي .. وليش ؟ ؟؟ او وش رايك في الانترنت هالمده ..
4- Writing >> ويعطونك سؤال واحد .. ويطلبون منك انك تكتب رايك في شي معين .. مثل هل تؤيد ان يعطون كلاسات الاقتصاد في الثانوي .. هل تتوقع ان يفيد او لا ؟؟ .. وبارت الكتابه دايما يجيك اخر شي .. وطبعا لازم تراعي الكتابه الصحيح .. من مقدمه و الكلام وخاتمه introduction, body and conclusion .. والسبلنق والقرمرر

جامعات امريكا تطلب التوفل لدارسه البكالوريس حسب قوتها .. اضعف جامعه تطلب 60 ... وتزيد ليين ما شفت بعضهم يطلبون 100 .. و110 من 120
انا عدته مرتيين لان اول مره اشوف حالي اول ماتخرجت من ثنوي وجبت 30 .. والمره الثانيه حق احول لجامعه امريكيه ثانيه .. ولما عدته خلصت 4 سنوات دراسه في لبنان ودارسه في جامعه امريكيه .. وجبت فيه 88

وفي بارت التحدث والكتابه .. الاجابه والدرجه لاتحتمل صحه الجواب .. يعني في هذا النوع من الامتحانات ما يجيك سوال اما صح او خطأ .. يعني يسالونك ايش تفضل الطبخ المنزلي او المطاعم .. مافي اجابه صحيحه .. ولا تفكر تقول بيت لان اكل صحي وبيعطوك درجات .. قوول رأيك بس المهم والمهم انك تتنبه للوقت وتركز ع القرمر والسبلنق ونبره الصوت

اما في بارت الاستماع والقراءة .. فالاسئله تجيك على نمط اختر الاجابه الصحيحه .. يعني جوابك يحتمل الصحه .. ومنها يقيمون درجتك ..

[gdwl]نسيت اقوول ان الامتحان ماله دخل بالطب او تخصص معيين .. تختلف مواضيع الامتحان بين الاحياء والفلك والاقتصاد وو و و ..[/gdwl]

بس احب انووه اللي يبي يسوي الامتحان .. لما يقدم طلب .. يكون عنده 4 جامعات يقدر يرسل لها الدرجات ببلاش .. وانت تختار الجامعات .. بس كلية الغد مش من ضمنهم .. بس في جامعات كثير بالسعوديه منها الفيصل والدمام والبترجي و وو
ففي هذي الحاله تطلب منهم انهم يرسلون لك درجه الامتحان لعنوانك بـ 17$ .. يعني بـ 64 ريال الا ربع ريال :biggrin:

هذا لنك الموقع http://www.ets.org/toefl/

ومن هنا تفتح لك حساب حتى تتطلب امتحان https://toefl-registration.ets.org/T...LogonPrompt.do

وهنا امكان الامتحان في السعوديه http://www.ets.org/Media/Tests/TOEFL/tclists/IBT_s.html

واللي عنده اييي استفسار عن التقديم للامتحاان او اي شي انا برأس الخدمه ..
وإذا شفت احد يحتاج طريقه التسجيل .. بسوي له الطريقه بالصور .. وراح احاول ادور لكم اختبار مثال

ومووفقين ان شاء الله
:love080: