مستوحـش مـن غـيبتك قـد لي اسبوع
 

مرحبآآآ ’’’’
شلونكم عسآآكم طيبين



ويآآكم قصيده للمبدع وشآعر الإحسآس والحب [ حمد البريدي ] ..عجبتني وقلت اسمعكم




http://www.wata.cc/up/2011/6/files/w-210498edb5.mp3



مستوحش ..



مستوحش من غيبتك قد لي اسبوع
يا حيف تنساني وانا مـــا اقدر انساك

وكل القضيه صوت ( دافي) ومسموع
من عبر جـوالك ../ وانا اسمع حكاك


كني مابين اضلاعي العـوج ملسوع
كل ما آتذكر يا المقفي ســـــــــواياك

الهجر في سلم الاجـــاويد ممنوع
لكن صغــير وعاذرك .. ويش دراك !!

قلبي لا كنه يا اريش العــين ممزوع
من عقب مالوحت وقفت مطاياك

شهيتني صـــوتك .. وجوعـتني جوع
ويا حالة محــــــبك .. ويا شين فرقاك

تحدني لقصاي واجـــــي لك بطوع
وانا ما آحــب اني احدك ع/ اقصاك


وش ذنب من حــــبك يلاقيك دلوع
تخـطي عليه وكل مااخطيت مشاك

ما للخطايا منك ناتج ومجـــــــموع
سوى العذاب بخـــافق اللي تمناك


لكن ع/ الله والامل غـــير مقطوع
في شوفت عـيونك وفي لمس يمناك

من يوم غـــبت وكل ليله لي شموع
تذوب لين الفجر ../ حتى تحــــراك

ابكي بدمـــع اللي لقى آخيه مصروع
ويصـــــيح كنه يوم ../ اناديك ناداك

فيني لحبك ارض واشجــار وفروع
تشبها بالطـــــيش ../ وآنا اتدفاك

باتقول لي وشفيك باقول موجـــــوع
.( باتسبني من ../ ( خــــــاطرك باتفداك



الله خــلقني انسان لكن لي طـــبوع
بس الوكاد انه عطاني ولا اعطاك


اني احس بغيبتك طول ) الاسبوع )
وانك على بالي ولا اقــــــدر انساك


:wink:

رد: مستوحـش مـن غـيبتك قـد لي اسبوع
 

صح لسان الشااااعر
وسلمت أناملك
على هذا الأختيار

قصيده جزله

رد: مستوحـش مـن غـيبتك قـد لي اسبوع
 

الله خــلقني انسان لكن لي طـــبوع
بس الوكاد انه عطاني ولا اعطاك

الله الله صح لسانك وسلم يمناك من ذوقك .

رد: مستوحـش مـن غـيبتك قـد لي اسبوع
 

تســـــــــــــلم على المرور الطيب
من ذوقك :106:

رد: مستوحـش مـن غـيبتك قـد لي اسبوع
 

ياهلا وغلا ’’’
صح بدنج يالغاليه
الذوق مرورج ورورحج:wink:

رد: مستوحـش مـن غـيبتك قـد لي اسبوع
 

الله خــلقني انسان لكن لي طـــبوع
بس الوكاد انه عطاني ولا اعطاك



صح لسانه ولاهنتي
:smile:

رد: مستوحـش مـن غـيبتك قـد لي اسبوع
 

يسلموو يابعدي ع المرور الحلوو:wink: