ملتقى طلاب وطالبات جامعة الملك فيصل,جامعة الدمام

- منتدى معهد التنمية العربي (https://vb.ckfu.org/forumdisplay.php?f=123)

- - التخصصات المطلوبه (https://vb.ckfu.org/showthread.php?t=203500)

التخصصات المطلوبه

السلام عليكم ورحمة الله وبركاته
عندي استفسار عن التخصصات الصحيه
الحين انا قدمت على معهد صحي وكنت أبي تمريض وقالو لي التخصصات المتاحه هي:
1/ نظم معلومات
2/ مراقبه صحيه
3/ صحه وسلامه مهنيه
4/ تأمين صحي
وبس
المهم ماني عارفه ولا تخصص فيها اش هو؟ا وكيف دراسته؟ وطبعآ الأهم كيف الوظيفه ياترى زي التمريض مضمونه وتخصص مطلوب ولا مكتفين منها وممكن يكون تعيينها برى مكه أو مالها تعيين أصلآ
وكم سنه دراستها؟ وياترى صعبه أولا؟ وكيف الأمتياز تبعها وأش هوا طبيعة الوظيفه؟
وياريت كل من عنده خبره بالتخصصات هذه لايبخل علي بأي معلومه
وياريت كمان نصيحه أش اختار تخصص منها وأذا كانت غير مرغوبه جميعها ياريت أعرف لانو ممكن أقدم في جده لانو فيه كذا معهد في جده فيها تمريض بكالريوس بس تبع التعليم العالي يعني حلوه ولا لا وش فرقها عن المعاهد اللي تبع الهيئه وصعبه دراستها ومضمونه وظيفتها؟
أتمنى ماتبخلو علي بالأجابات الكافيه لأني بجد أحترت على ماذا أقدم
وأتمنى أشوف الردود بسرعه لأنو هالأسبوعين التقديم ومابي يروح علي

رد: التخصصات المطلوبه

لو كان فيه فرصه انك تكملين بكلريوس

كملي وانتي مرتاحه .

رد: التخصصات المطلوبه

يعطيك العافيه بس ماقلتلي اش هوا الفرق بين الكليه اللي تكون تبع التعليم العالي والمعاهد الصحيه اللي تبع الهيئه يعني اش الأفضل والأضمن من ناحية التوظيف لان فيه كليه في جده قدمت فيها بكالريوس تمريض بس لمن سألت عنها قالو لي تبع التعليم العالي طيب ماني عارفه اش الفرق يعني ادرس فيها معتمده ولا لا
وكمان قالو لي فيه أختبار أول ماقدم اش هوا دا الأختبار عن الثانويه ولا معلومات عامه وعربي ولا أنقلش
وصعب ولا سهل
وياترى لو لغتي الأنقلش مو تمام الأفضل اني ماقدم ولا عادي مو مهم اللغه؟؟

رد: التخصصات المطلوبه

الفرق بين الكليه والمعهد : ان الكليه بكلريوس يعني والمعاهد دبلوم يعني سنتين او سنتين ونص وفيه

دبلومات على حسب علمي من سته شهور الى ثلاث سنين هاذا الدبلوم ..

طبعا الكليه احسن من المعهد والتوظيف فيها مظمون ..

الاختبار يمكن انقليزي والانقليزي مهم ..

رد: التخصصات المطلوبه

ما يلفظ من قول إلا لديه رقيب عتيد