الجداول ونظام الساعات فهموني؟؟
 

سلااام بنات....

ابي اسألكم عن الجداول والساعات


انا سمعت ان فيه ناس مايداومون بالكليه الا يومين او ثلاثه بالاسبوع وطبعا انتظام

يعني هم يسوون جدولهم كذا

انا بالدمام وابي اسأل اذا انقبلت بالحسا اقدر اجي بس يومين واكون انتظام مو انتساب ...؟؟؟


وشلون اسوي كذا ومتى ؟؟؟؟


وشكرااا.....

رد: الجداول ونظام الساعات فهموني؟؟
 

اب

اب.......

رد: الجداول ونظام الساعات فهموني؟؟
 

العفو، إن شاء الله بس فهمتي عليّ :000: أحس اني خبصت ولا بتفهمين عليّ :(269):
بالتوفيق

رد: الجداول ونظام الساعات فهموني؟؟
 

مشكوووره ياأشجان انا لأني كنت ابي كلية الاداب بالدمام بس بالغلط سجلت بالحسا

والحين مالي الا اني ادرس سنه بالحسا وبعدها انقل للدمام

ومأقدر اروح واجي كل يوم صعبه

بس اربع ايام يعني من السبت الى الثلاثاء يبقى بس يوم مأداوم صعبه مره اجي كل يوم

يعني لو يومين بالاسبوع اهون او بالكثير ثلاث ايام

وفي ناس متأكده مسوين كذا بالكليه بس مأدري لها شروط ولا عادي اول مايقبلوني احط ايامي اللي ابيها وخلاص

وجزاك الله خييييير

رد: الجداول ونظام الساعات فهموني؟؟
 

ايوا تقدري تسوي كذا بس بتأخذين أكثر من محاضرتين في اليوم يعني ثلاث محاضرات عشان تخلصين كمية من المواد لان ّاذا تأخرتي فيهم بيتراكمون عليك وبيصير ضغط عليك .
كل شخص يقدر يسجل جدوله بالأوقات والأيام اللي تناسبه عادي
"
بالتوفيق

رد: الجداول ونظام الساعات فهموني؟؟
 

انا اقولك مثلاً بتروحي ثلاث أيام
ضبطي جدولك كذا
مثلاً سجلي سبع مواد وبترتبيها على 3 أيام
اليوم الأول 3 مواد
الثاني مادتين
الثالث مادتين
وبكذا :oao:

بس إذا صارت وسجلوا لكم هم الجدول أول ترم فمارح تقدري تغيري
لان حنا العام الماضي مو مثل السنوات الماضيه كل وحدة تسجل جدولها لا
هم سجلوا لنا جدولنا الترم الأول .
بس سمعت ان السنة هذه بيرجعون البنات يسجلون جداولهم والله اعلم

آسفة عالاطالة، إن شاء الله افدتك :119:

رد: الجداول ونظام الساعات فهموني؟؟
 

اي كذا تمام هذا اللي ابيه


بس جامعة فيصل بالحسا عادي اسوي كذا يعني اول سنه تحضيري مو هم يحطون الجدول والا تخصص ع طوول

رد: الجداول ونظام الساعات فهموني؟؟
 

لا حبيبتي في سنة تحضيري بس أول ترم هم سجلوا لنا، ان شاء الله هالسنة انتوا تسجلون عشان تمشي امورك تمام :biggrin:

رد: الجداول ونظام الساعات فهموني؟؟
 

اها ان شالله يارب يخلوننا حنا نسةيها

طيب شلون اعرف اذا قالو هم يسوونه ولا حنا

من ويييين القاه بموقع الجامعه

وشكرا

رد: الجداول ونظام الساعات فهموني؟؟
 

رح يقولون لكم أول يوم أكيد
والرابط في موقع الجامعة هنا
http://www.kfu.edu.sa/ar/Deans/Admis...ide143120.aspx