|
ياليت تنصحوني وش اسوي بخصوص الدراسه
السلام عليكم
انا على حافة الطرد من الجامعه انا كنت اتمنى احصل تخصصي الي احبه وعارف اني بنجح فيه وهو الحاسب الألي بس لأسف مافي جامعه تدرس انتساب هذا التخصص دخلت الجامعه المفتوحه وحسافه ال 5000 الاف الي قطيتها بدون فايده كشفت انه كله دراستهم انغليزي وطلعت منهم والحين اذ سجلو السجل تبع الترم الماضي اتوقع الانذار الثالث راح يجيني ولا ادري وش اسوي قلت انزل المواد الي رسبت فيهم بس اغليزي وقتصاد الجزئي و اساسيات المحاسبه الاداريه ولا لازم انزل اكثر من ماده علشان يرتفع المعدل تخصصي اداره اعمال |
رد: ياليت تنصحوني وش اسوي بخصوص الدراسه
سؤالك حير العلماء وأنا من ضمنهم لعدة أسباب
ذكرت انك درست في الجامعة المفتوحة وتقول رسبت في مواد لا أعلم هل تقصد الجامعة المفتوحة اما أفضل جامعة في الكون ( جامعة الملك فيصل ) + أنت أي مستوى ؟؟ وكم معدلك ؟؟ |
رد: ياليت تنصحوني وش اسوي بخصوص الدراسه
اخـي العزيز
للاسـف حيرتني انت تقول درسـت فـي الجامــعه المفتوحـه ولكــن لم توفـق بها هــل درسـة فـي جامعه الملك فيصل اتمنى تووضح بالتوفيــق |
رد: ياليت تنصحوني وش اسوي بخصوص الدراسه
مرآحب والله يآخي مادري وش اقولك نزل 5 موآد كويس لك على شـان ترفع معدلك حسب علمي ان بعد الانذآر الثآلث تطرد من الجآمعه لاكن كلم الجآمعه واذا عندك ظروف اشرحه لهم احتمآل كبير يراعون ظروفك وترى آدآرة الاعمال افضـل من الحاسب الحآسب مالها مستقبل وفرص التوظيف فيهـاا قليلة جدآ للمنتظمين فآكيف الانتسـااب شد حيلك من الترم القادم والله يوفقنـاا ويوفقك |
رد: ياليت تنصحوني وش اسوي بخصوص الدراسه
شكرا لك اخوي خلف الشمري ع المساعده
واخواني الي فوق انا درست في الجامعه العربيه المفتوحه وبعدين طلعت منها لانه شفتها صعبه وكمان شفت انا التخصص كله انغليزي فعلطول طلعت منها عرفت مرح افلح فيها وبعدها دخلت الجامعه الملك فيصل والحين بالمستوى الثالث وعندي مواد من المستوى الاول الى الثالث حاملها الي هي ( الاقتصاد الجزئي - اللغه الانغليزيه - اساسيات المحاسبه) اخر مادتين بقى ع النجوح عليها 4 والثانيه 3 درجات لاسف ماعندوم شي اسمه مساعده بالطلاب مع اني حرام نفسي من كل شي في الاختبارات وراص ع عمري ماقول اله الله يعين لانه التخصص ماحسبه ما احبه ابدا والمعدل في المستوى الثاني 1.97 وحسبت المعدل في الترم الثالث طلع اقل 1.94 |
رد: ياليت تنصحوني وش اسوي بخصوص الدراسه
اقتباس:
اخي الكريم لاتضيع سنين عمرك تلهث خلف حلم انت اصلا لا تريده ولست تهواه ليس الواجب ان يكون الناس كلهم علماء وكذلك ليس من المفروض ان يكونوا كلهم جامعيين واخشى ما اخشاه ان تظل على هذه النفسيات المحبطه وتكون كمن يلهث وراء السراب واجه نفسك وانا اخوك وتوجه الى الرغبة التي تحب . قد اكون قد قسوت عليك اخي الكريم لكن من واقع ما ذكرت انت حكمت انا واتمنى ان اكون مخطئا وفقك الله ونفع بك . بالنسبة لدراستك في ادارة الاعمال خذ الحد الادني من الساعات 12 ساعة فقط واجتهد وذاكر واعلم انك اذا حصلت في الترم القادم على معدل 2 فاعلى راح تحذف جميع الانذرات التي بحوزتك وهذه ايجابية بحقك يعني سيتم الغاء كافة الانذارات التي في سجلك وسيبقى نظيفا كما كان واعلم ان النجاح يبدا من رفض السقوط والفشل . |
رد: ياليت تنصحوني وش اسوي بخصوص الدراسه
اقتباس:
الله يجزاك الف خير صراحه ردك عطاني شحنه قويه للدراسه انا بمشي ع نصيحتك الصراحه بنزل 12 ساعه وبشد حيلي فيها واذ ما صار لي نصيب بحول للمعاهد اخذ لي دبلوم شبكات وياليت ترسل لي رساله خاص او هنا المعاهد المعتمده او الدبلومات واكون شاكر لك وربي يكثر من امثالكم |
رد: ياليت تنصحوني وش اسوي بخصوص الدراسه
ماقصر اخوي ابو عبدالعزيز كفــى ووفــى
الله يعطيه العافيــه |
| All times are GMT +3. الوقت الآن حسب توقيت السعودية: 08:57 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه