ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى الكلية الجامعية بالجبيل (https://vb.ckfu.org/forumdisplay.php?f=85)
-   -   تكفون محتاج معلومات مهمة عن الجبيل الجامعية (https://vb.ckfu.org/showthread.php?t=202032)

SNAP 2011- 7- 16 08:07 AM

تكفون محتاج معلومات مهمة عن الجبيل الجامعية
 

السلام عليكم ورحمة الله وبركاتة

اول شي اصبح عليكم بالخيير واحب اشكر المنتدى الي يساعد كثير من التائهين مثلي

مابي اطوول عليكم ابدخل بالزبده

انا خريج ثانوي علمي معدلي قوي مقبول في جامعة البترول ودامي انقبلت بالبترول ان شاء الله قبولي بجامعة الملك سعود والجبيل مجرد وقت

اول شي انا رافض البترول تطبيقا لمقولة ( رحم الله امرئ عرف قدر نفسه )

انا الحين محتار بين جامعة الملك سعود والجبيل الجامعية

طبعن انا ميولي وطموحي ان شاء الله هندسة .. واحتاج معرفة الفررق بين الجبيل وسعود وماذا تنصحووووون ؟

بس فييه نقاط حاب استفسر عنها

اهمها اني سمعت ان الجبيل غير معترف بها دوليا !! وغير مصنفه على انها جامعة حكومية في موقع وزارة التعليم العالي يعني لو ابي اكمل ماستر عن طريق البعثه وش وضعي ؟

ثاني شي هل صحيح ان شهادة الجبيل بكالوريوس تقني اما سعود والبترول والجامعات الاخرى بكالوريوس اكاديمي !! ولا ذا كلام شوارع ؟.


وبالاخير مثل ما قلت لكم ابي نصيحتكم سعود ولا الجبيل والي يقول الجبيل ليه والي يقول سعود ليه واتمنى البعد عن التعصب

ادرري ثقلت عليكم بس تحملووني .. وشكرن ( باقة ورد جووري )



لحظه صمت ! 2011- 7- 16 05:08 PM

رد: تكفون محتاج معلومات مهمة عن الجبيل الجامعية
 
عيد التفكير بخصوص البترول

انا مانقبلت فيها لفارق مع الاسف لايذكر وكانت الدرجه تدخلني

لكن الحمد لله على كل حال املنا بـ السي بي سي

احب اقولك فيه الي سيء وخش البترول ومشى السالفه كلها مذاكره يوميه

ولاتضيع افضل جامعة بالمملكه عشان " مخاوف " من الصعوبة بالاخير .. بتندم !

غلآكمـ 2011- 7- 16 07:52 PM

رد: تكفون محتاج معلومات مهمة عن الجبيل الجامعية
 
^
^

صادق و الله ..

يعني انت ماشاء الله عليك تفكر انك تبتعث مستقبلا ..

و ما اعتقد ان الدراسه بالخارج بتكون اسهل من جامعه الملك فهد ..

و تخصص الهندسه بجامعه الملك فهد .. تصنف الاولى ان ماخاب ظني ..

على مستوى المملكه ..

و بالتوفيق ..

و الله يكتب لك اللي فيه خير لكـ :119:

جـُلـّنار 2011- 7- 16 08:14 PM

رد: تكفون محتاج معلومات مهمة عن الجبيل الجامعية
 
الله يوفقك أخوي

نصيحتي انك تصلي استخاره


وبالنسبه للهندسه ترا اهي موجوده بالجامعيه والصناعيه
واذا انت خلاص انقبلت بالبترول توكل اذا مرتاح لها

بالنسبه للاعتراف فجامعتنا قويه
وفي ناس الي هم طلاب وطالبات الدفعه الاولى
بيكملون الماستر في الخارج
من برنامج خادم الحرمين
ولاحد قالهم جامعتكم مو معترفه ولا البكالريوس حقكم تقني :oao:

بعدين تقول :رحم الله ...
ترا حتى الجامعيه ماهي هينه
يبي لها جهد جهيد
لاسيما ان مناهجنا مشابهه للبترول اذا ماكانت مطابقه لها..

موفق ان شالله..:106:

لحظه صمت ! 2011- 7- 17 08:27 AM

رد: تكفون محتاج معلومات مهمة عن الجبيل الجامعية
 
^
^
^

مطابقه لها مع فرق شاسع بالسمعه

عشان اكون واضح معاك

ولد خالتي جاب نسبه عاليه جدا بالقياس وخش البترول

صحيح انكرف كرف مو طبيعي بس انه الان عنده صيفي :)

يعني الجامعه مو هينه وصعبه وخذها مني اصعب من الدراسه بالخارج

" صديق راسب بالفيزكس بالبترول اخذ الاول على الدفعه برى بالفيزكس معقول ! هذا الي حصل "

صعبه ايه لكن بالاخير تكون كينج

SNAP 2011- 7- 20 10:39 PM

رد: تكفون محتاج معلومات مهمة عن الجبيل الجامعية
 
اجمممعت الامة العربي والاسلامي والعالمية على قووة جامعة البترول .. بس تحتاج قدرات خااصه غير الذكاء تحتاج لصبر وهمه وقووة قللب

تقريبن ٣ اعرفهم دخلو السنه الماضيه ثنين تشوتوا وواحد ماخذ صيفي وثنين منهم عندهم التووفل قبل ما يدخلون الجامعه !!! وناس كانو بالدسمس ف البترول حولو للجبيل يقولون ندرس نص دراساتنا وماخذين درجات عااليه

وولد خالي مطرود من البترول والحين هو ف مرتبة الششرف في جامعة سسسلطان لييه امرمط نفسسي ادخل من البدايه جامعه حلووه ومش ذييك الصعوبة .. واعرف خريجين واجد من البترول مستقبلهم الوظيفي حالهم حال خريجين الجامعات الثانيه


طيب انا الحين عندي سؤؤال عن كلية الجبيل .. عندكم عللم متى يفتحون التخصصات الهندسيه الثانيه وبالاخص الكهررب ؟


وششكرا ،،


All times are GMT +3. الوقت الآن حسب توقيت السعودية: 07:44 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه