|
طلب من ولد البحرين لا تردونه
السلام عليكم ورحمة الله وبركاته أشلونكم يا أخوانا و خاوتنا في السعودية عساكم بخير و صحة وسلامة يا أخوان انا متخرج من الثانوية من كذا سنة والحين الله يسلمكم بقيت أدرس شريعة أسلامية و المشكلة ماعندنا دراسة الشريعة في البحرين الا جامعة البحرين فقط وجامعة البحرين ما تقبل الخريجين اللي طاف على تخرجهم أكثر من سنتين فقررت أدرس في السعودية ولكن في نفس الوقت انا الان أعمل يعني بقيت أدرس جريب من البحرين في المنطقة الشرقية و تكون الدراسة يومين في الاسبوع او عن طريق الانتساب وانا ما عندي فكره كلش عن اي جامعة في الشرقية تدرس الشريعة فيا جماعة الخير اذا ما عليكم أمر تخبروني في الجامعات اللي في الشرقية اللي تدرس الشريعة الاسلامية و تكون الشهادة معترف بها في البحرين و تعطوني التفاصيل و أكون لكم شاكر ويزاكم الله الف الف خير . |
رد: طلب من ولد البحرين لا تردونه
ادا انت تشتغل وش حاجتك للدراسه
بس ادا انت تبي تدرس هدا شي ثااني بالنسبه للجامعاات اتوقع ما فيه الا الفيصل لانه باقي الجامعات الي في الشرقيه بترول وتقنيه ان شاء الله يدخل احد يرد على سؤالك تحيااتي.. رووز |
رد: طلب من ولد البحرين لا تردونه
هلا والله باهل البحرين
الله يوفقك اخوي بصراحه ماعندي معلومات عن هالكليه:cheese: |
رد: طلب من ولد البحرين لا تردونه
ولد البحرين
هلا وغلا خيووو بالنسبه لموضوعك مافي اتوقع الا جامعه الفيصل وفي انتساب تاريخ 18/10 بس ماعندي علم اكيد اذا فيه للطلاب لان بالاعلان مكتوب للطالبات :119: موفق \\ \\ \\ ৲৴ƷـآلنرٍجسيـهـƸ৴৲ |
رد: طلب من ولد البحرين لا تردونه
يزاكم الله خير
ويا أخوان هل عندكم فكرة عن كلية الشريعة في الاحساء بالنسبة عن الانتساب بارك الله فيكم |
رد: طلب من ولد البحرين لا تردونه
ولد البحرين
كل الكليات اصبحت ضمن جامعه الفصيل واي مستجدات بيتم الاعلان عنها بموقع الجامعه وهنا دمت بحفظ الله \\ \\ \\ ৲৴ƷـآلنرٍجسيـهـƸ৴৲ |
رد: طلب من ولد البحرين لا تردونه
أختي النرجسيه هل أفهم من كلامج أن كلية الشريعة اللي في الاحساء صارت ضمن جامعة فيصل في الشرقية يعني هل يتم تدريس الشريعة في الشرقية في نفس الجامعة واذا نعم أشلون أعرف التفاصيل اذا حاب ادرس بارك الله فيج |
رد: طلب من ولد البحرين لا تردونه
ولد البحرين
والله ياخوي ماعندي خلفيه كبيره عن الموضوع بس اللي اعرفه ان تقريبا الكليات كلها انضمت للفيصل وكان التقديم هالسنه لجميع الكليات بالشرقيه عن طريق جامعه الفيصل بمافيها كليات الفيصل نفسها والكليات بالمناطق الثانيه الجبيل _ الدمام _ الاحساء _ القطيف اذا ودك بمعلومات اكيده راسل الاخ ادمن وهو ما بيقصر اذا عنده خبر او معلومه بتفيدك موفق يارب:119: \\ \\ \\ ৲৴ƷـآلنرٍجسيـهـƸ৴৲ |
رد: طلب من ولد البحرين لا تردونه
يؤؤؤؤؤؤؤؤؤؤؤؤؤؤؤه اسف لاني ماكنت موجود قبل ولا كان افدتك بهالشي اخوي كلية الشريعه الاسلاميه منعزله عن كل الجامعات وهي بالحالها اذا تبي تتأكد كلمهم وتأكد منهم
هذا موضوع بملتقى كلية الشريعه وفيه ارقامها اتصل وتأكد احسن اكتب موضوعك وهم بيردون عليك http://www.ckfu.org/vb/showthread.php?t=15316:119: |
رد: طلب من ولد البحرين لا تردونه
اقتباس:
ولد-البحرين كلية الشريعة و الدراسات الإسلامية الموجودة في الحسا هي تبع جامعة الإمام مش تبع جامعة الملك فيصل أحنا هنا في الملتقى حبينا يكون الملتقى جامع للكل .. يجمع كل طلاب و طالبات الشرقية بمختلف جامعاتهم و كلياتهم و معاهدهم الموجودة في المنطقة الشرقية |
| All times are GMT +3. الوقت الآن حسب توقيت السعودية: 03:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام