|
مواقف فترة الامتياز
السلام عليكم ورحمة الله وبركاته ......
ممكن الكثير هنا مايعرفوني لاني كنت هنا من فتره واحس اني مره غريبه عنكم لاني ماشوف احد من اللي كانو هنا ... ممكن ماحد يعرف طبعي وحبي لكل خير لاي كان حابه احكي كلم عن فترة امتيازي مواقف فيها واشياء ندمت عليها كثير ماتتصورون وش قد فترة العملي هي الفتره اللي ماستوعبت بالنظري ممكن تتفوق بالعملي ..وفتره صراحه انا باذات خسرت فيه الشي الكثير لاني بطبعي في خجل واحس بالقرف بسرعه ..وخوافه كثير نفسي ترجع واغير من هالطباع لجل اتعلم اشياء ماستوعبتها .. كنت الف المستشفى غرفه اي مريضه ادخل عليبها واقيس الضغط والحراره والعلامات الحيويه كامله ..عادي كثير نطرد من غرف المرضى وخاصه من المريضات السعوديات ..... مره دخلت مع طبيبه لجل اشوف علامات مريضه زفتني ذيك الزفه حلف بالله مالمسها تقول مو عايفه نفسي والله انكسر خاطري بس تعودنا ...ونموت بالعجائز يحبي لهم مايقولون اي شي ..بس الله يعافية يابنتي.. فيه منا اللي انهت الامتياز تعرف انجلش وضرب الابر وفيه اللي متحسفه الان ومتعرف وضعيات وزوايا ضرب الاب وماتعرف تركب مغذي ...واللي بقوله للي قرب امتياز او في يوم امتياز لا تغيبين او تتسلين بهالفتره ...لانك مره راح تتعبين وقت الوظيفه .... دعواتكم لي بالتوفيق اختكم مزن لعوب |
رد: مواقف فترة الامتياز
موفقه أختي الغالية ...:106::106:
|
رد: مواقف فترة الامتياز
مزن لعوب ..
عجبني كلآمك بآلحيل بآلحيل بآلحيل:mh318: تخيلت نفسي كذآ وآنآ أطبق :( بس بدري علي توني بروح مستوى ثآلث :mad: << آلمشوآر طويل بآلتووفيق يـآرب |
رد: مواقف فترة الامتياز
موضوع حلوو كثيييير ياليت الكل يتفاعل ويكتب موقف
من فتره امتياز او فتره التدريب علشاان نستفيد .. يسلموو مزن لعووب ..:119: |
رد: مواقف فترة الامتياز
اممممم احد المواقف اللي صارتلي
جهاز الضغط الاكتروني ... كان مشبوك بالفيش المهم مسويه حالي واثقة بنفسي ....وسحبته ولادريت انه مشبوك واسحبه بسرعه وصلت يمكن 3او4 امتار ....إلا وهو طرنق بوجهي ....طبعا السلك مشبوك ماانتبهت تدرون وش سويت ...أقرب لفه رحت ولارجعت للقسم ذآك :mh318: |
رد: مواقف فترة الامتياز
وبخصوص الاستفادة والله يابتكلون بردات وجه الى ماتتطفشون
بس لازم تتعلمي لاتقولين زي استحي والله العظيم اني نادمة الثلاثة شهور اللي ماتعلمت فيه شي والسبب الحياء ..بكرة لاتوظفت ماحد نافعني :(107): فكل وحدة تحاول تتعلم :119: طبعا اغلبيه المرضى مايحبون سعودية ولامتدربه تشتغل عليهم فآذا احد سألك قولي منقوله ..او وحدة غايبة وجاي مكانه يعني صرفي ..:biggrin: |
رد: مواقف فترة الامتياز
يوووووووووووووووووه
تحمسسست أبي آططططبق آبي آطططبق |
رد: مواقف فترة الامتياز
أبي اطبق .......أبي اطبق .........
أبي امي ......أبي ابوي ........ لا جد حمستوننننننننا واحنا لسى بدري علينااااااااا تسلمون على التجارب الحلوة..بالذات مزن مشكووووورة خيوه . |
رد: مواقف فترة الامتياز
جزاكم الله خير و الله يوفقكم و نشوف الكادر السعودي يملأ المستشفيات و المراكز و ما ذلك على الله بعزيز مزن لعوب :: رجاء خاص لا تقطعينا نبغى نستفيد من خبرتك و لو بالقليل بارك الله في جهودك و مسعاك :d5: |
رد: مواقف فترة الامتياز
أقول مزن ماينفع آطالب بآجازة برمضان ...:(107):
على الاقل اول اسبوع ....؟؟؟ |
| All times are GMT +3. الوقت الآن حسب توقيت السعودية: 09:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه