السلام عليكم

اخواني حبيت استفسر عن الدكتورين لمادة نظم معلومات ولغات حاسب
من ناحية الشرح والاسئلة وياليت تعطوني فكرة عن المادتين

والدكاترهـ هم :
د. خالد خليل
د. احمد الشريف

و حبيت استفسر عن مادة ادارة الموارد البشرية

عند الدكتور يحضية سملالي

كيف الشرح والاسئلة والماده عامه لاني بنزلها ويا علم السياسه ونظم ؟


اتمنى الي يعرف اي معلومه يقولي

وشكرا

عليكم السلام

حياك اخوي



خالد خليل ، نظم معلومات :
محاضره ممله ومع كامل احترامي ما تحتاج لشرح لانه اللي يقوله هو المكتوب بالملخص !
اسئلته اختياري متوسطة الصعوبة تقريباً ، فيه له اسئله منتشره حق طول السنين
موجوده أعتقد بمكتبة "الرواد" ، يجيب منها كثير لان اصلاً الاسئله شامله الملخص كامل
من النوع اللي تختبر الحين وبعد ساعتين يطلع لك درجاتك كيف مدري ؟
طبعاً الدكتور مو من النوع اللي تاخذ وتعطي معه ، يعني رسمي بزياده


احمد الشريف ، لغات حاسب :
والله مادرستها للأسف وخايف منها بس يقولون هي الماده صعبه مره يعني مو من الدكتور
بس احمد الشريف افضل من زايدي سحنون
حاول تجمّع درجات بالعملي علشان بالنظري راح تتوهق شويه !
مع العلم بأنه احياناً يجيب اسئله بالنص بس من صعوبتها ماتعرف تحلها



يحضيه سملالي ، موارد بشريه :
من أفضل دكاترة الجامعة للأمانه من ناحية الشرح والتعامل مع الطلاب
الماده شوي يبغالها حفظ وهو يحب البحوث كثير ، بس على قد تعبك بالبحث على قد ماراح تاخذ درجات
يعطي الطالب أكثر من حقه وما يظلمه ويساوي كل الطلاب
واسئلته للي يذاكر تنحل ، يجيب صح وخطأ واختياري وسؤال متعلق باللي درسته