ملتقى طلاب وطالبات جامعة الملك فيصل,جامعة الدمام - ابغى احد يعلمني شنو الاحسن؟؟؟ الله يوفقكم.

ابغى احد يعلمني شنو الاحسن؟؟؟ الله يوفقكم.

الســلام عـلـيـكـم ورحـمـه الـلـه وبـركـاتـه...
لو ســمحــــــتو ابغى مساعدتكم انا السنه هاااذي ان شاء الله امخلصه الثاانوي وحاابه اكمل دراسه الجااامعه ؛؛؛ بس ابغى اعرف شغلات وش الفرق بين الانتساب المطور والتعليم عن بعد؟؟ وايهم احسن من حيث الدراسه؟؟؟
ثانيا:. انا حاابه اكمل علم اجتماع بس هو صعب والا وسط والا سهل ؟؟؟
وشلون اعرف الدكاتره واتوصل معهم ؟؟؟ وشلون اعرف شنو الي معي بالاختبار النهائي وشنوالي مو معي؟؟؟
ادرس بكتاب والا تجيني المحاضرات ع الايميل وانا اطبعهم واذاكر منهم ؟؟؟
هل اقدر اخذ ارقام الدكاتره والالا؟؟
هل يطلبون بحوث او مشااركات او حل وااجبات ؟؟؟
اااسفـه اسالتي كثيره بس لاني مو عاارفه شي اعذروني ..
بليز لاتبخلون علي سااااعدوني الله ييسر اموركم ابغى اعرف ..
الله يوفقكم...

رد: ابغى احد يعلمني شنو الاحسن؟؟؟ الله يوفقكم.

وعليكم السلام اخت بشاير
اولاً اعتقد ان الشهادة راح تكون التعليم المطور للإنتساب وهذا افضل من التعليم عن بعد ولاحد الآن واحنا لانعرف مسمى الشهاده اهم شي نواصل دراسه وبس
ثانيا مافيه شي صعب إذا انتي تابعين المحاضرات من بداية الترم الدراسي كل شي انشالله سهل وعلم الإجتماع تخصص مو صعب
ثالثاُ اذا سجلتي وانقبلتي راح يرسلون على جوالك الرقم الجامعي والرقم السري تقدرين تدخلين على نظام البلاك بورد وعلى جدولك الدراسي وكل دكتور مسجل بياناته عند كل ماده راح يقوم بتدريسها وتقدرين تتواصلين معاه عن طريق البريد الألكتروني او عن طريق الجوال وراح ينزلك كل اسبوع محاضرة في كل مادة لغاية 14 محاضره لكل ماده يكون الدكتور يشرح بالفيديو ويبين شرحه على شرايح عروض تقديميه بيور بونت ومطلوب منك تدخلين عليها او تحملينها عندك وتحسب لك عليها 7درجات كأعمال سنه لكل ماده حسب ماينزل في جدولك ومن المفروض ينزلك 8 مواد كمستوى أول
رابعاً كل محاضرة راح ينزل لها محتوى مقرر وهو ماتم شرحه في المحاضرة وهو المطلوب معاك في الإمتحان
خامساً راح ينزل كل شهر محاضرة مباشرة لكل مادة مع الدكتور اللذي يدرس المادة ويحسب على كل حضور المحاضرة المباشرة درجه بمعدل ثلاث محاضرات مباشرة لكل ماده طبعاً مو لازم تدخلين على المحاضرة المباشرة لأنها راح تتسجل في البلاك بورد في ايقونة المحاضرات المباشرة عند كل مادة
سادساً راح ينزل ثلاث واجبات لكل مادة وعليها عشر درجات كأعمل سنه وراح تنزل عن طريق نظام البلاك بورد وتحلينها وترسلينها عن طريق النظام .
سابعاً كل مادة لها منتدى حوار راح ينزل فيه اسئلة من الدكتور كل اسبوع لكل مادة مطلوب منك ان تشاركين في الرد طبعاً اهم شي تكوني ارسلتي 14 مشاركه على مدى الترم الدراسي لكل مادة وراح تحصلين على 10 درجات كأعمل سنه
ثامنا راح ينزل محتوى المقرر على شكل ملزمه لكل مادة وراح ينزل في المنتدى راح يكون الإختبار منه ويكون فيه اجتهادات من الطلبه راح تتوزع في المكتبات حسب كل منطقة مطبوعه وجاهزه وبإمكانك تحميلها في جهازك وطباعتها من قبلكم .وراح يكون الإمتحان فيها
هذا كل مو مطلوب الجامعة ارجوا اني وضحت كل شي وتقبلوا تحياتي
:106::106::106::106::106::106::106::106::106::106: :106::106::106::106::106::106::106:

رد: ابغى احد يعلمني شنو الاحسن؟؟؟ الله يوفقكم.

أختي الإنتساب المطور هو نفسه التعليم عن بعد ، أما بالنسبة لعلم الإجتماع فما أعتقد إنه صعب ، أما بالنسبة للدكاترة فعند قبولك في الجامعة يتم إعطائك رقم جامعي ورقم سري يمكنك من الدخول عن طريق الإنترنت على بياناتك والمواد الموجودة معك ومعلومات الدكاترة وأرقامهم ، المحاضرات يتم إنزالها كل سبت ومن خلال رقمك الجامعي تدخلين على المواد اللي معاك وتحملين المحاضرات وتستمعين لها ، يوجد ثلاث واجبات في الفصل الواحد ، أما بالنسبة للدارسة فكل دكتور له طريقة ، بعضهم يكتفي بالمحاضرات ويقول ذاكروا منها ، وبعضهم ينزل ملخص ويقول يكفي ، وبعضهم يحدد مرجع أو كتاب يتم شراءه والمتابعة مع الدكتور عن طريقة ....

أتمنى إني أفدتك وأي إستفسار أنا جاهز :g2:.....

رد: ابغى احد يعلمني شنو الاحسن؟؟؟ الله يوفقكم.

تسلم يامحمد الشلاحي مااقصرت الله لايقصر بعمرك و يعطيك الف عاااافيه يااارب ويفتح لك ابواب رزقه...

رد: ابغى احد يعلمني شنو الاحسن؟؟؟ الله يوفقكم.

تسلم يامتخصص انجليزي الله يعطيك العاافيه ويوفقك ياارب وييسر امرك...

رد: ابغى احد يعلمني شنو الاحسن؟؟؟ الله يوفقكم.

ابغى اعرف شغله لم تطلع النتائج ونفترض ناجحه بكل المواد بعد كم يوم او بعد اسبوع يصير تغيير بالنتيجه والالا واذا صار تغيير بالادرجات من اكلم او اقوله عن التغيير الي صاار؟؟؟؟

رد: ابغى احد يعلمني شنو الاحسن؟؟؟ الله يوفقكم.

العميد عميد الانتساب (عبدالله النجار :119:

رد: ابغى احد يعلمني شنو الاحسن؟؟؟ الله يوفقكم.

تسلمين سمااجه الله يوفقك وييسر امرك وينور دربك...

رد: ابغى احد يعلمني شنو الاحسن؟؟؟ الله يوفقكم.

http://www.kfu.edu.sa/ar/Deans/elear...fice_hours.pdf

اختي بشاير هنا تحصلين ارقام الدكاترة
كان احتجتي شي منهم وانشأالله ما تحتاجينهم
شدي حيلك الله يوفقنا وياك