ملتقى طلاب وطالبات جامعة الملك فيصل,جامعة الدمام

مفارقات عجيبه جدا بصراحه تحدث للبعض منا في حياته
اليوميه مما يشد انتباهه وراح اضربلكم مثالين:

المثال الاول:
الواحد منا اذا جاء بينزل موضوع بعض الاحيان يجتهد ويرجع
لكتب علميه ويفتش في مكتبته وياخذ جهد كبير ويتفاجا ان
الردود الي وصلت على موضوعه ماتعدت العشره ردود
( مع كل هذا الجهد ؟؟)

المثال الثاني:
عكس الاول تماما احيان تكون جالس على النت وتخطر في
بالك فكره وتروح على طول للمنتدى وتنزل الموضوع بدون
اي جهد يذكر وانت خايف ان موضوعك انه لايرتقي الى ذائقة
الاعضاء وتتفاجا باانه ردود موضوعك تعدت الثلاثين رد
وان الاعضاء اعجبوا في موضوعك !!!!.

وايضا في حياتنا اليوميه احيان تكون في مجلس وتقول
كلمه انت ماتقصد معناها ويفهمونها صح ويثنون عليك
واحيان تكون مخطط للكلام الي بتقوله وراجعته بينك وبين
نفسك كثير ويوم تقوله تفاجا باانك اغضبت من في المجلس
وربما توصلت الى طردك من المجلس.

س/ هل سبق لكم وجربتوا المثالين الي طرحتهم