|
الدكتور غسان واختبار الانجليزي و (الشد والجذب) وسالفة الينا!!
بدايـــــــة بعد اللغط والشد والجذب حول الدكتور/ غسان نايفة نود ان نعرف فيه احد ماعجبه الاسئلة او ماعبجه شرح الدكتور باقولكم باختصار.. الدكتور قبل الامتحان سوالنا تحديد وهي انه عطانا 100 سؤال فوكبلري و 100 سؤال قرمر وست قطع... أسئلكم بالله هل اسئلة الامتحان خرجت عن اللي عطانا قبل الامتحان (بغض النظر عن قطعة الينا)؟؟؟ موضوع قطة الينا: اولاً: قطعة الينا من اسهل القطع على الاطلاق. ثانياً: الاصل في الاختبارات انه مايكون هناك تحديد ومع ذلك كانت موجودة ضمن القطع. ثالثاً: قطعة الينا كم عليها سؤال 10 او اقل في أسؤ الاحوال لو الشخص مذاكر راح يحل 5 منها وماعتقد ان هي اللي بتسقط المادة اذا كان حال بقية الاسئلة (يكفي 30 درجة اللي عطونا فوق البيعة - مع ان البلاك بورد يرفع الضغط) رابعاً: اللي تم حذفه ماهو قانون في الرياضيات او معلومات معينة بذاتها بمعنى اللي ماقراها مايقدر يحل بالعكس هي قطعة وعليها اسئلة يعني اجوبتها منها وفيها خامساً: لو ان قطعة الينا ما حذفها الدكتور هل كان كل شي تمام وراح نحل الاسئلة وتكون الامور طيبة والا بس شماعة للي مايعرف انجليزي ولا ذاكر انه يحط حرته في الينا المسكينا:cheese:!! بالنسبة للناس اللي تنتقد اسئلة الانجليزي ممكن نعرف وش المشاكل اللي كانت فيها (طبعا غير سالفة الينا)؟؟ يارجل جايب الاسئلة نص مثل ماعطانا قبل الاختبار ومع ذلك ماعجبنا!! قفــــــلة: :love080:شكراً من الاعماق:love080: للدكتور على صدقة معنا وتنويع الاختبار وحرصه يعطيك العافية ماقصرت وياليت ان بقية الدكاترة يحذون حذوه (ترى ماقصد المحاسبة ابداً :064:) |
رد: الدكتور غسان واختبار الانجليزي و (الشد والجذب) وسالفة الينا!!
الله يوفقكم يااارب يااحبي لهالقسم وياااارب اكون معكم السنه الجديده عذرا اخي على مداخلتي بس ماحبيت اطلع من غير مااعلق عالاقل ولو بدعوه بسيطه الله يجعل اختباراتكم كلها سهله وبسيطه موفقين خيرررر.
|
رد: الدكتور غسان واختبار الانجليزي و (الشد والجذب) وسالفة الينا!!
الله يجزاك خير ياجناح الطير
والله من الالم والحزن اللي في قلبي بعد قراءتي لرسالة والدنا الدكتور غسان احس مالي نفس حتى اعلق على الموضوع لكن موضوعك هذا يرفع المعنويات كثيييييييييييرا نقدر نقول عندنا زملاء اهل حق ونرفع روسنا فيهم كثر الله من امثالك والدكتور غسان يعلم الله انه ماقصر الله يجزاه خير الدنيا والاخره وياخذ حقه وحقنا ممن ظلمونا فهم لم يظلموا الدكتور غسان وحده بل ظلمونا جميعا ووشوهوا صورنا وكلنا مع الدكتور غسان ودموعنا وجروح قلوبنا تشهد والله وحده يعلم شكرا يا جناح الطير |
رد: الدكتور غسان واختبار الانجليزي و (الشد والجذب) وسالفة الينا!!
متجنبه جداااا الردود ع المواضيع بخصوص د.غسان الله يحفظه ..
بس انت سالت بالله :017: لاتسال ثاااني مررراا :tongue: اقتباس:
لكن الحاصل عندنا الاداب ان قطعتين كاامله جااات من خااارج المنهج ..بنبلعها ونحلها ..لاكنها منتقاااء صعبه جدا ..بالنسبه للي .. حتى الخارجيه اللي بنقلش قراءه اهوون عندي منهم .. ثم انا مو ماشيه بالانقلش ..اعتمدت اجيب 20 ع القطع و 10 تدبر مع المشاركه 60 تخارجا .. انا ماحمل المسؤليه والدي د.غسان ...لاني ...... لن اطيل .. وفقك الله .. |
رد: الدكتور غسان واختبار الانجليزي و (الشد والجذب) وسالفة الينا!!
الله يوفقه ماقصر مع الطلاب وانا ضد ان يقدم استقالتة ويليته يتراجع عن قرارة وهذا رزقه
والله يعوضه ويجعله احسن مما يضنون |
رد: الدكتور غسان واختبار الانجليزي و (الشد والجذب) وسالفة الينا!!
فعلا انفجار صادقة انا اداب والله العظيم جتنا قطعتين عصرت وجيهنا عصر صعبات جدا ومن خارج المنهج اصلا
حتى كلماتها كمصطلحات طويلة وصعبة مش على مستوى اول يعني .............. وش اقول الله يعطي كلا على نيته ويسامحنا كلنا وياليت يا ليت يتقفل موضوع الدكتور غسان خلاص . اخذ الموضوع كفاية وزايدة |
رد: الدكتور غسان واختبار الانجليزي و (الشد والجذب) وسالفة الينا!!
القطعه اجوبتها واضحه وسهله ماجات في غموض
والدكتور ماقصر الله يوفقه ويوفق عياله |
رد: الدكتور غسان واختبار الانجليزي و (الشد والجذب) وسالفة الينا!!
والله ياخيي هذي حجة اللي مايذاكر ... الفاشل اللي يخلي غيره شماعه يعلق عليها فشل
والله الدكتور ماقصر القطع اللي حاطهم من اسهل القطع وحتى الغبي يعرف يحلهم مع احترامي الشديد للكل حتى القاعدات ماجابمنها المعقد والكلمات جاب كلمات بسيطه وسهله عيب اللي صار فشلونا مع الرجل عشان تفاهتهم ناس ماتذاكر واذا فكروا يفتحون الكتاب قبل الاختبار بيوم وتعال نبي نختم المنهج الله يقول .. اعملوا بالأسباب .. وماذاكر شي طبيعي مابيعرفون يحلون وهذول مالقوا لهم سالفه .. حطوا في الدكتور |
رد: الدكتور غسان واختبار الانجليزي و (الشد والجذب) وسالفة الينا!!
اقتباس:
انا اتكلم عن اختبار الادارة لان هو الاختبار اللي تابعته اما اختبار الاداب فما ادري عنه ومن الظلم اني اعلق على شي ماني مطلع عليه لكن اذا كنت تقولين ان القطع من خارج المنهج فمن وجهة نظري بالنسبة للقطع مافيه شي اسمه من المنهج او من خارج المنهج لان القطع ليست قوانين ولا معادلات لازم تكون موجودة وهذا ليس دفاعاً عن الدكتور غسان. لكن في نفس الوقت يجب ان تكون القطع تناسب المستوى بمعنى مايجيب قطعة عن الذرة ومكوناتها وكلها مصطلحات علمية بحته والشي هذا اعتقد انه لم يحصل عندكم واللي يقدر يقييم هل القطع تناسب المستوى هم الدكاترة وليس الطلاب لسبب بسيط ان الطالب اذا لم يجاويب بكل بساطة راح يقول انها اكبر من مستواي حتى لو كانت عادية هذا اللي ابي اوصله والله يكون في العون. |
| All times are GMT +3. الوقت الآن حسب توقيت السعودية: 08:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه