ووش الطريقة لإرسال العذر
 

بسم الله الرحمن الرحيم






اخاواني الزملاء في البداية احب ابارك لكم انتهاء الاختبارات
ومبرووك للي حل وعدى الاختباار وحظا موفقا للي ما عدى

انا ما حضرت اختبار المحاسبة لاني كنت مريض وجبت عذر الطبي
واحاول ارسله من ايقونة الاعتذار في تالخدمات الطلابية لكن للأسف
الرابط مو شغاال اتمنى من لدية معلومة او طريقة لإرسال التقرير لا يبخل علي




قرقر .....

رد: ووش الطريقة لإرسال العذر
 

ان شاء الله مايبخلو عليك الاعضاء وراح يفيدونك ان شاء الله :106:

رد: ووش الطريقة لإرسال العذر
 

مشكوووووووور اخي فاررس

رد: ووش الطريقة لإرسال العذر
 

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أحد يفيدنااااااااااااااااااااااااااااااااااااااااااااا ااااااااااااااا

رد: ووش الطريقة لإرسال العذر
 

سلاامتك وماتشوف شر

بالنسبه لاستفسارك ... سهله الشغله
عن طريق الخدمات الطلابيه

اول شي ترفع الصوره حقت العذر بسكينر للجهاز
ثم تفتح ايقونة تقديم العذر للمتغيبين
ثم استعراض وحط الملف من جهازك ثم اختار الماده اللي غايب عنها من الخيارات اللي تحت
ثم ملاحظاتك ثم
ارسال

وفيما بعد تستعلم هل قبلوه او لأ من الأيقونه اللي تحتها استعلام عن الاعذار


ودمت

رد: ووش الطريقة لإرسال العذر
 

1- يتم قبول الأعذار (الطبية من مستشفى حكومي فقط) أو (الأعذار الرسمية من جهات عمل رسمية).

2- إذا تم قبول عذرك في المادة فما تدفع عليها فلوس ولاتعتبر حاملها ، انت متغيب عن اختبارها بعذر.

3- المادة اللي غبت عنها وتم قبول عذرك فيها تختبرها الفصل القادم في موعدها الجديد اللي بيكون في جدول الإختبارات النهائية اللي ينزل الفصل القادم.



الإجابة بالتفصيل :


* إذا غبت عن الإمتحان النهائي لمادة واحدة أو لجميع المواد فيجب أن تحضر عذر من جهة رسمية حكومية (مثلا عذر طبي من مستشفى حكومي أو من جهة عمل رسمية إنك كنت تؤدي واجب وظيفي معين ، أو واجب وطني يستلزم حضورك شخصياً ) في هذه الحالة يتم قبول عذرك .




* تقديم العذر يكون عن طريق الخدمات الطلابية ، تدخل أيقونة لتقديم الأعذار والأيقونة هذي تفتحها لك الجامعة في وقت معين

تحط الورقة الرسمية اللي تثبت عذرك في السكنر وترفعها إلى الأيقونة .




* الجامعة تدرس عذرك هذا ولما توافق الجامعة عليه تفتح لك أيقونة استعلام عن الأعذار ، تدخل على الأيقونة هذي وتشوف جواب الجامعة على سالفة غيابك (يعني هل تم قبول عذرك أم لم يتم قبوله)




* إذا تم قبول عذرك فيجب عليك حضور اختبارات المواد اللي غبت عنها بعذر في مواعيد الإختبارات النهائية للفصل الدراسي التالي ، يعني مثلا إذا افترضنا انك غبت هالفصل هذا؛ تختبر موادك الفصل الجاي .





الآن انتبه لهذي النقطة لأنها مهمة :

* الإختبار يكون في نفس مواعيد الإختبارات النهائية للفصل الدراسي الذي ستختبر فيه وليس مواعيد الإختبارات النهائية للفصل الذي غبت فيه


أشرح لك أكثر :

انت غبت عن إختبارات الفصل هذا ، والجامعة قبلت عذرك ..

انسى مواعيد إختبارات الفصل هذا اللي انت غبت فيه ، لأنك راح تختبر الفصل الجاي وبناءً على مواعيد الإختبارات النهائية للفصل الجاي .

يعني في الفصل القادم تدخل على جدول الأختبارات النهائية وتشوف مواعيد إختبارات موادك اللي انت غبت فيها وتجي تختبرها حسب المواعيد اللي تشوفها .



* إذا غبت عن مادة أو مادتين فممكن انك تسجل مواد جديدة الفصل القادم بس انتبه لايصير فيه تعارض بين مواعيد إختبارات المواد اللي انت غبت فيها ومواعيد المواد الجديدة اللي انت مسجلها .

بس إذا انت غايب في كل المواد وقبلوا عذرك أنصحك إنك ما تسجل مواد جديدة لأنك راح تختبر موادك الجديدة وموادك اللي انت غايب عنها وتتجمع عليك مواد كثير يمكن يصلون إلى 12 أو 14 مادة يعني 28 ساعة !

وهذي مخاطرة بصراحة بالإضافة إلى إنك أكيد راح تلاقي تعارض وراح تدخل في دوامة .


* إذا غبت عن المواد وتم قبول عذرك فلا يترتب عليك دفع رسوم أخرى ، وفلوسك ماتروح عليك لأنك انت مو راسب وتبي تعيد المادة ،

مالك لوى ، انت وضعك يختلف .. انت غبت بعذر والجامعة قبلت عذرك يعني ماتدفع ريال واحد زيادة عن الرسوم اللي دفعتها نظير إختبارك للمواد التي غبت عنها بعذر.

رد: ووش الطريقة لإرسال العذر
 

شرح رائع وشامل كل النقاااط أخي messi الجامعة







المشكلة مشكلة السستم انا دخلت ع ايقونة الاعتذار من أمس وانا أحاول الارسال لكن
لاحياء لمن تنااادي كل ما ارفع الملف يقول لي تعذر الحصول على الملقم ...!
غير المتصفح ما نفع رحت لـ كـفـي نت الاتصال عنده مليوون ما نفع صراحة تعقدت من الجامعة
من موقعهـا الي يجيب الهم .!!




الله يطول لي بعمرك ما قصرت أخوي messi الجامعة وجمل الله حالك
دمت بوودد

رد: ووش الطريقة لإرسال العذر