ملتقى طلاب وطالبات جامعة الملك فيصل,جامعة الدمام - جميع التخصصات تلخيص كامل لمادة "الاخــــــلاق الإســــــلامــــيه" من مجهودي الشخصي

- منتدى كلية الآداب بالدمام (https://vb.ckfu.org/forumdisplay.php?f=63)

تلخيص كامل لمادة "الاخــــــلاق الإســــــلامــــيه" من مجهودي الشخصي

السلام عليكم بنات....

انا سويت ملخص كامل لمادة الاخلاق الاسلاميه.. واليوم الحمدلله .. او بالاحرى الان خلصت منه .. وآخيرا

ومن باب (حب لأخيك ماتحب لنفسك) ولأن اغلب البنات خايفين وشايلين هم هالمادة
فكرت اني انزله لكم باحد المكتبات الي قدام الكليه.. يا فجر او ورق لخدمة الطالب..
والي تبيه تروح تصوره من هناك

بس انتبهوا للاشياء والنقاط بقولها :sdfgdsf: لا احد يقول ماقلتي :

1 - اخترت من كل شي دليل واحد من القرآن.. ودليل واحد من السنه.. وكان اختياري على حسب الي انا شفته انه سريع الحفظ ومار علي كثير.

2- يجب العوده الى الكتاب لقراءة باقي الادله.. لانه اتوقع بتجي اسئله فيها ادله واضحه مواضيعها.. بتقول لك.. هذا دليل عن ايش؟

3- يمكن اني وفقت في تلخيص وشمل وألمام 90% من الكتاب (باذن الله) وليس الكتاب كامل لان فيه بعض الاشياء بديهيه.. يعني لو حطيتي الكتاب قدامك وتتبعتي مع تلخيصي بتمر عليك اشياء بديهيه نعرفها من خلال دينا وحياتنا اليوميه.. ماحسيت فيه حاجه انه اكتبها.
مثل: (ان الكرم .. والصدق .. يعتبر من حسن الخلق) >>حنا ندري بهالشي.. وبديهي اصلا.

4 - فصل ((الخــلق والــتخلق)) مالخصته :(177):
لانه خلااااااص قفلت معاي مره.. وطفشت استغفرالله وكل شي..
وحسيت ان هالفصل يبيلها قراءه بامعان.. احسه يكفي.. >>طبعا هذا بالنسبه لي
فيجب العوده الى الكتاب ومذاكرته.

5 - الاحكام الفقهيه محذوفه.. بواحد من المواضيع قالوا البنات ان دكتورتهم قالت ماراح يجي واساسا هي ما شرحت هالجزئيه المعينه حقت الاحكام الفقهيه.. لذا انا حذفتها..هي اتوقع انها صفحتين او ثلاث

6 - التلخيص كاااامل بخط ايدي .. بحاول اذا وديته الصباح ان شاءالله للمكتبه اني اخليه يطبعه.. عشان يكون احسن لعيونكم :(284):..صدق ان خطي يعتبر واضح الحمدلله.. لكن بحاول (عشان يكون افضل) ..

7 - ادعوا ربي انه يوافق احطها عنده وتجون انتوا تصورونها.. لاني ماعمري جربت اسوي هالشي.

8 - ان اصبت فمن الله وحده.. وان اخطأت فمن نفسي والشيطان

9 - سأرفق باذن الله اسئلة اختبارات لهالماده منزلينها البنات اتوقع للسنوات الماضيه.
يارب اني وفقت بهالشي.. انفع فيه نفسي واياكم.. الله يوفقنا يارب ونعدي هالمادة على خير