ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الدراسات العليا و الابتعاث (https://vb.ckfu.org/forumdisplay.php?f=51)
-   -   لو سمحتوا شلون اخذ اشعار قبول من جامعة الدمام ماجستير انجليزي (https://vb.ckfu.org/showthread.php?t=189393)

عزيزة نفس 2011- 6- 4 06:27 PM
لو سمحتوا شلون اخذ اشعار قبول من جامعة الدمام ماجستير انجليزي
 
السلام عليكم
انا كنت بكمل بكالوريوس انجليزي انتساب مطور جامعة فيصل بس كثير من الردود قالوا لي حرام انتي عندج بكالوريوس ليش تدررسسن مره ثانيه بكالوريوس؟؟
انا تخصصي رياض اطفال وانا من الكويت بس مقيمه بالشرقيه وماله هالتخصص مستقبل..
انا معدلي 3.5 من 4 يعني جيد جدا اللي بالموقع شروطهم مطابقه لي مو كاتبين لازم تخصص انجليزي بالبكالوريوس؟؟؟
لكن فيه 2 احبطوني بالموضوع اول شي موظفه هناك :
_تقول انا ماابيج اتعبين نفسج لازم مواد تكميليه قلت شلون 3 .4 سنوات قتلها ماعندي مشكله قالت بس دوريلج جامعه تدرسين فيها المواد التكميليه قلت وين اتقول ماادري؟؟
اجل منو اللي يدري..؟؟
-ثاني شي :
موظف في سفارتنا:
اول كلمه قالها لي مالكم مستقبل اهني ردوا الكويت <<:hhheeeart4: انا متزوجه اهني شلون اسحب الريل على كيفي ؟؟

المهم ان الموضوع صارا احباط باحباط بس لما نزلت موضوع البنات قالوا ماعليج من كلام الموظفين وانا احترت صراحه؟؟
شنو تنصحوني؟؟؟

عزيزة نفس 2011- 6- 4 08:48 PM
رد: لو سمحتوا شلون اخذ اشعار قبول من جامعة الدمام ماجستير انجليزي
 
وينكم ليش محد يرد؟:Cry111:؟؟

فدوكه 2011- 6- 4 10:25 PM
رد: لو سمحتوا شلون اخذ اشعار قبول من جامعة الدمام ماجستير انجليزي
 
اذا حنا يا سعوديون مالنا مقاعد في الجامعه:24_asmilies-com:
بس جربي حظج
بس ماتوقع يقبلونج في جامعة فيصل
جربي حظج في جامعة غير يعني في منطقة غير شرقيه
وان شاء الله يقبلونج

فدوكه 2011- 6- 4 10:26 PM
رد: لو سمحتوا شلون اخذ اشعار قبول من جامعة الدمام ماجستير انجليزي
 
انا اعرف كويتيه تدرس في الجامعه هنا في سعودية
بس مو جامعة فيصل

عزيزة نفس 2011- 6- 4 10:30 PM
رد: لو سمحتوا شلون اخذ اشعار قبول من جامعة الدمام ماجستير انجليزي
 
اقتباس:
المشاركة الأصلية كتبت بواسطة فدوكه (المشاركة 3708231)
اذا حنا يا سعوديون مالنا مقاعد في الجامعه:24_asmilies-com:
بس جربي حظج
بس ماتوقع يقبلونج في جامعة فيصل
جربي حظج في جامعة غير يعني في منطقة غير شرقيه
وان شاء الله يقبلونج
شفتوا سبحان الله مااصادف الا اللي جذي ماعندهم غير الاحباط ؟؟؟؟

حلم ميت 2011- 6- 5 12:23 AM
رد: لو سمحتوا شلون اخذ اشعار قبول من جامعة الدمام ماجستير انجليزي
 
ماشاء الله عليك واضح ان عندك ارادة وطموح استمري وبتوصلين
شوفي اختي العزيزة قبول ماستر انجليزي الاولوية فيه لطالبات انجليزي نادر جدا يقبلون غير هالتخصص
ماابي احبطك مع الاسف هذا هو الواقع
جربي سجلي في تخصص قريب من تخصصك ويهتم بالتربية
مثل ارشاد نفسي
تربية الموهبين
ادارة تربوية
وبتلاقين القبول بالذات ان معدلك يأهلك للدراسة
خليك مكافحة وصبورة وثقي وتأكدي ان الله ماراح يضيع تعبك

عزيزة نفس 2011- 6- 5 11:50 AM
رد: لو سمحتوا شلون اخذ اشعار قبول من جامعة الدمام ماجستير انجليزي
 
اقتباس:
المشاركة الأصلية كتبت بواسطة حلم ميت (المشاركة 3710031)
ماشاء الله عليك واضح ان عندك ارادة وطموح استمري وبتوصلين
شوفي اختي العزيزة قبول ماستر انجليزي الاولوية فيه لطالبات انجليزي نادر جدا يقبلون غير هالتخصص
ماابي احبطك مع الاسف هذا هو الواقع
جربي سجلي في تخصص قريب من تخصصك ويهتم بالتربية
مثل ارشاد نفسي
تربية الموهبين
ادارة تربوية
وبتلاقين القبول بالذات ان معدلك يأهلك للدراسة
خليك مكافحة وصبورة وثقي وتأكدي ان الله ماراح يضيع تعبك

الله يسلمج حبيبتي بس للاسف الطموح وحده مو كافي:Cry111:...
انا ساكنه قريب من الدمام احس الاحساء احس بعيد علي ..
والمواد اللي ذكرتيهم مالهم مستقبل بالنسبه لي انا لاني مو سعوديه علشان اتوظف وظائف حكوميه ؟؟؟
الف شكر اختي الله يعين

candy* 2011- 6- 5 03:19 PM
رد: لو سمحتوا شلون اخذ اشعار قبول من جامعة الدمام ماجستير انجليزي
 
شوفي ياقلبي لا يهمك كلام الموظفات بعضهم مايعرفو شي عن الانظمه جالسين بكراسيهم عالفاضي ..
المواد التكميليه تدرسيه بعد القبول في نفس الجامعه ..
اشعار القبول تأخذيه بعد القبول الحين انتهى التقديم هالسنه انتظري السنه الجايه بداية الترم الثاني ..
وبالنسبه لماستر بالاحساء الدوام يومين فقط بالاسبوع عصرا يبدأ 3 العصر ..

جامعة الدمام كل سنه تغير تخصصات الماستر سنه تفتح كيمياء وسنه لا كذا مثلا واحيانا تفتح عادي ..
بس جامعة الفيصل كل سنه تفتح جميع التخصصات ..
ماشاء الله معدلك عالي راح يؤهلك لماستر ..

ادرسي ماستر تعليم عن بعد ادارة اعمال او انجلش افضل من التخصصات التعليم الي رواتبها منخفضه في القطاع الخاص ..بس عالفكره في مدارس رواتبهم عالي وكل سنه تزيد بس الروضه الرواتب منخفضه ليه مدري ..كمان تقدري تكملي على حسابك الخاص ماستر الجامعات الاهليه ...


الله يوفقك ويكتب الخير ..

عزيزة نفس 2011- 6- 5 08:26 PM
رد: لو سمحتوا شلون اخذ اشعار قبول من جامعة الدمام ماجستير انجليزي
 
اقتباس:
المشاركة الأصلية كتبت بواسطة candy* (المشاركة 3717389)
شوفي ياقلبي لا يهمك كلام الموظفات بعضهم مايعرفو شي عن الانظمه جالسين بكراسيهم عالفاضي ..
المواد التكميليه تدرسيه بعد القبول في نفس الجامعه ..
اشعار القبول تأخذيه بعد القبول الحين انتهى التقديم هالسنه انتظري السنه الجايه بداية الترم الثاني ..
وبالنسبه لماستر بالاحساء الدوام يومين فقط بالاسبوع عصرا يبدأ 3 العصر ..

جامعة الدمام كل سنه تغير تخصصات الماستر سنه تفتح كيمياء وسنه لا كذا مثلا واحيانا تفتح عادي ..
بس جامعة الفيصل كل سنه تفتح جميع التخصصات ..
ماشاء الله معدلك عالي راح يؤهلك لماستر ..

ادرسي ماستر تعليم عن بعد ادارة اعمال او انجلش افضل من التخصصات التعليم الي رواتبها منخفضه في القطاع الخاص ..بس عالفكره في مدارس رواتبهم عالي وكل سنه تزيد بس الروضه الرواتب منخفضه ليه مدري ..كمان تقدري تكملي على حسابك الخاص ماستر الجامعات الاهليه ...


الله يوفقك ويكتب الخير ..
والله ماادري يااختي ماادري شسوي الحالتي لحد الحين متردده مو قادره احدد شي صح ياليت فيه احد حكيم يعطينا رايه:Cry111:..


All times are GMT +3. الوقت الآن حسب توقيت السعودية: 08:39 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه