ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية العلوم بالدمام (https://vb.ckfu.org/forumdisplay.php?f=62)
-   -   كلية العلوم قسم علم الحيوان(استفسار) (https://vb.ckfu.org/showthread.php?t=18893)

Candy Doll 2008- 9- 3 05:25 PM
كلية العلوم قسم علم الحيوان(استفسار)
 
هلا شلونكم؟
كل عام وانتم بخير
عندي استفسار عن هذا القسم
انا سجلت في كلية العلوم قسم علم حيوانات طبعاً هذا ما كان رغبتي الاولى بس الحمدلله على كل حال
استفساري هو ما هي المواد اللي ندرسها في هذا القسم واذا تخرجت شنو هي الشغلات اللي ممكن اشتغلها غير التدريس لاني ما ابي اصير مدرسة
ارجوا منكم تردون على موضوعي لاني كم مرة اكتب بس ما حد يرد

moon14 2008- 9- 4 05:20 AM
رد: كلية العلوم قسم علم الحيوان(استفسار)
 
مرحبا فيك اختي انا مثلك بعد بنفس القسم واذا حابتي تتعرفين على بنات بعد بنفس قسمك ادخلي منتدى المستجدين
بالنسبة للمواد لسه ماحددوها راح يكون في رابع العيد ان شاء الله

عطر الكون 2008- 9- 6 03:22 AM
رد: كلية العلوم قسم علم الحيوان(استفسار)
 
http://www.ckfu.org/vb/showthread.php?t=17749

تعــــــــــاآليـ هونــاآ :cheese:

ولا تستعجلين الخيـــر جــــــاآيـ ~


=)

άŇ3m 3яbjeά 2008- 9- 6 05:53 AM
رد: كلية العلوم قسم علم الحيوان(استفسار)
 
يسلموو طموحه

Candy Doll 2008- 9- 6 01:32 PM
رد: كلية العلوم قسم علم الحيوان(استفسار)
 
شكراً لردودكم
انا بس بغيت اتطمن على مستقبلي

WINGS 2008- 9- 7 10:24 PM
رد: كلية العلوم قسم علم الحيوان(استفسار)
 
طبعا الترم الأول راح تدرسين مواد عامه رياضيات عامه وفيزياء عامه وعلم نبات عام وعلم حيوان عام وكيمياء عضويه وو عربي وثقافه اسلاميه ولغه انجليزيه .. يعني بالضبط كأنك في مدرسه مافيه شي جديد بالمنهج ولا فيه شي ينخاف منه ..

أما الترم الثاني راح تدرسين مواد اكثر تخصص مثل علم الأوليات وتقنيه المجهر والكيمياء الحيويه وعلم الخليه واحصاء ودين وانجليزي وعربي ..

السنوات اللي بعدها راح تدرسين مواد مررة حلوة وسهله مثل فسيولوجيا جسم الانسان وعلم الانسجه وعن الزواحف والطيور وغيرها من المواد المتخصصه اكثر بهالعلم ..

اما عن المستقبل . انتي ان شاء الله راح تتخرجين بشهاده بكالوريوس بالعلوم تخصص أحياء علم الحيوان .
يعني لو اخذتي دبلوم تقنيه مختبرات طبيه ممكن انك تتوظفين بمستشفى . لأنو المستشفيات مايوفضون الا الجامعيات اللي عندهم خبرة .. وانتي بكذا راح تكونين جامعيه وعندك خبرة : )

كمان تقدرين تتوظفين بمركز الامير سلطان للعلوم والتقنيه ( سايتك ) وتصيرين مرشدة علميه وحركات ..

كمان ممكن تحضرين ماجستير في البيئه وتشتغلين في ارامكو وتصيرين عالمه بيولوجيه .

التفكير في الوظيفه مو مهم اهم شي انك تبدعين بقسمك ..

بالتوفيق :119:

//خزامى// 2008- 9- 14 11:00 PM
رد: كلية العلوم قسم علم الحيوان(استفسار)
 
أسعد الله مساءكم :119:

<< خريجة علم حيوان سابقاً :cheese:

كان الله في عونكم
فهي سنوات ممتعة مملة متعبة :t1:

آلا ليت الزمان ...

ودمتم سالمين

غداً آجمل 2008- 9- 15 10:08 AM
رد: كلية العلوم قسم علم الحيوان(استفسار)
 
هلآ بنآت آخباركم .؟؟

انا طالبهـ بقسم علم الحيـوااان

سنه ثالثه ان شاء الله ..

وترى القسم مرره حلووو وممتع ..

واذا على الصعوبه كل الاقسام صعبهـ لازم شدة حيـل ..

انا زيكم قبل دخلته بدون رغبه ..بس مع الوقت حبيته وتعودت عليـهـ ..

والحمدلله ماتدرون يمكن في الامر خيـرهـ لكم ..


آممممممممممم انتي حابه تعرفين عن المواد اللي درسناهـاا

<<<< راحت تجيب اشعار النتيجه حق سنه اولى

عشآن اقولكم وش المواد اللي درستها..

آمممممممم شوفي ياقلبي سنه اولى ..

طبعآ بكتب لك كل مواد سنه اولى يعني مواد الترمين مع بعض اوكيشن

شوفي اول ترم ماتدرسين تخصص الا ماده وحده والباقي كلللللله مواد عامه ..

يلا خليك معاي


حيوان عام ..
نبات عام..
كيمياء عامه..
فيزياء عامه..
رياضيات عامه..
اللغه الانجليزيه..
اللغه العربيه..
علم خليه..
بيئه الاحياء الارضيه..
اوليات..
كيمياء فيزيائيه وتحليله..
ثقافه اسلاميه..

هذي المواد مقسمه على ترمين..


ادري تغير وجهك من اسماء المواد :000:

بس ترى سهل وممتع بإذن الله اذا شديتي حيلك ..


وأي سؤال من بنـااات القسمـ انا حاضرهـ ..


All times are GMT +3. الوقت الآن حسب توقيت السعودية: 09:05 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه