اعزائي هل من منقذ في المحاسبه2
 

السلام عليكم
فيني مشكله بمخي ماني بقادر استوعب المحاسبه ابدا وخاصه سالفة المدين والدائن ومن ح/ الى ح/ وغيرها من القوانين

مافي طريقه بالعاميه اقدر استوعب فيها هذي الامور مع امثله مختصر

رد: اعزائي هل من منقذ في المحاسبه2
 

http://www.ckfu.org/vb/t182154.html


شوف هذا الموضوع لسيدة بيفيدك ان شاء الله

وحاول تركز على أسئلة اختبر نفسك

المصطلاحات بالانجليزي نهاية كل محاضره

وعندك محاضره 14 مراجعه

وبالتوفيق :119:

رد: اعزائي هل من منقذ في المحاسبه2
 

هلا اختي

موضوع سيدة الاسئله هو اللي ذاكرت منه بالبدايه لكن ماهو براضي يركز بمخي سالفة المدين والدائن ومن الى

وقلت يمكن في طريقه ترسخ لي المعلومه بطريقه مبسطه
يعني مثلا خذي هالسؤال
عبدالله ذهب الى البقاله ودفع ريالين وبذلك يتم تسجيلها في دفتر اليوميه من حساب البوك الى حساب الكاشير

لو في امثله مثل كذا ياسلاااام واضحه ومافيها اي غموض

لكن شكله مافيش :cool:

اشكرك عموما

رد: اعزائي هل من منقذ في المحاسبه2
 

رد: اعزائي هل من منقذ في المحاسبه2
 

حاول انت تحط هالمثله لنفسك وتشرح لنفسك حتى لو بصوت عالي

وانشاء الله تدخل مخك :biggrin:

رد: اعزائي هل من منقذ في المحاسبه2
 

شكلي بحفظ الاسئله عن ظهر قلب وان شاء الله يجيب مثلها واعدي هالماده الغثيثه

رد: اعزائي هل من منقذ في المحاسبه2
 

رد: اعزائي هل من منقذ في المحاسبه2
 

اذا الشي غير متقبل من النفس بيكون صعب البلع

هي والاقتصاد اكره مادتين عندي

رد: اعزائي هل من منقذ في المحاسبه2
 

مثال زي اللي قلته :

رحت الدكان وأشتريت بـ 10 ريال ..

ودفعت لهم نقدا بيزيد عندهم حساب الصندوق لأنك دفت نقدا ..

ولو دفعت بشيك بيزيد عندهم البنك ..

المهم..

بيطلع القيد المحاسبي اللي يسجله الهندي في دفتره :

10 من حـ / الصندوق
...... 10 الى حـ / مبيعات

ودائما المدين نكتب قبله كلمة من حـ / ..

والدائن الى حـ /


الأصول .. كلها مدينه ( البنك النقديه الصندوق السيارات آلات ومعدات عقارات أدوات مكتبيه ..الخ )

عشان كذا أذا زادت ( زي حساب الصندوق اللي زاد ب10 ريال ) نحطها في الجهه المدينه من حـ /

أذا نقصت نحطها في الجهه الدائنة الى حـ /

مثلا

أفرض أن اللي أشتريته ماعجبك ..

ورجعت للهندي وقلت له : خذ أغراضك وهات فلوسي .. ورجعها لك

فتح الصندوق وأعطاك الـ 10 ريال وأخذ الأغراض ورجعها ..

كيف يصير القيد المحاسبي ؟

يتشقلب القيد اللي فوق ..

10 من حـ / مردودات مبيعات
.......... 10 الى حـ / الصندوق

وطبق هذا المثال على كووووووول القيود المحاسبيه .,.

أهم شي تعرف هذا الشي دائن والا مدين ..



هذا مجرد مثال

وفي النهاية لازم تعرف ان الأصول والخصوم وحقوق الملكيه تنحط في قائمة المركز المالي

والمصروفات والأيرادات في ملخص الدخل ..

وطبعا لاااااازم لااازم تذاكر ..

مافي شي بيدخل لك المعلومه بدون ماتذااكر

رد: اعزائي هل من منقذ في المحاسبه2
 

ركز على اختبر نفسك .

وكل مواضيع المحاسبه واسئلتها .. ااذا فكرت فيها بعقل وركزت شوي راح تحلها

لكن االآهم إنك تفهم السؤال


روح لآسئلة اختبر نفسك .. واقرى السؤال بتركيز .. وشوف الجواب وحاول تقارن وصدقني راح تتسهل الامور بوجهك

لآنها اصلاً سهله .. امور تحصل في حياتنا اليومين


وذا ماقدرت لا تضيع وقت .. احفظ الحفظيات فيها .. مثل الكلمات واسألة اختبر نفسك اللي فيها حفظ


يعني .. لا تقول ماقدرت لآنها بصراحه اتفه من انك تحط موضوع عنها .. بسسييييييييطه جداً

بس سهلها على نفس ك




الله يسهل امورك يارب ويشرح لك صدرك ... ويجعلها اسهل عليك من شرب الماي