ملتقى طلاب وطالبات جامعة الملك فيصل,جامعة الدمام - الزيارة الثالثة للسفير الجامعي

السلام عليكم ورحمه الله وبركاته

كيف الجميع انشالله بخير

هذي الزياره الثالثه وانشالله ما تكون الاخيره .... فالبدايه على طول رحت مكتب

الدكتور عبدالحكيم المطر متخصص الصحه واللياقه بس للاسف ما حصلته وترددت اكثر

من اربع مرات على مكتبه واخر شي سألت احد الدكاتره عنه قالي فالمعرض في كليه

العلوم الزراعيه ... المعرض هذا صار افتتاحه للاسف اليوم .. عمووما رحت المعرض هذا

دورته ما حصلته رجعت مره ثانيه ما حصلته للاسف الشديد بس لا تخافون اذا اختبار الصحه

واللياقه بيكون اخر يوم مع الرياضيات مثل ما تفضلتوا يمدي انشالله ارووح له مره ثانيه

واحصله واناقشه وبعده رحت رئيس الدراسات الاسلاميه الدكتور عبدالله السماعيل علشان

اسأله بخصوص الدكتور محمد العقيل وما حصلته سألت احد الاخوان وقالي انتقل لكليه الشريعه

قلت وشلون وهوو يدرسنا وش الحل .. قال ما ادري ما اقدر افيدك قلت طيب الدكتور عبدالله السماعيل

وينه متى يجي يمكن يفيدني قالي ما ادري والله متى يجي .. طلعت منه وقلت لنفسي مالك الا

تمغط السياره لكليه الشريعه بس والله مشوار من جامعه الملك فيصل الى كليه الشريعه عموما

رحت لكليه الشريعه دورته قالوا عنده محاضره جيت مكتبه ما حصلته سألت احد الطلبه اللي هناك

قال اخذ رقمه وفك عمرك من الدوشه والفرفره المهم اخذت رقمه دقيت عليه السلام عليكم

رد عليكم السلام كيفك يا دكتور قالي الحمدلله تمام قلت دكتور انا من طلبه الانتساب بجامعه

الملك فيصل .. قال حياك يا هلا وسهلا قلت دكتور وش سويتوا فينا قال ليش وش المشكله

قلت دكتور انت تدرسنا الماده بالجامعه والحين نكتشف انك موو موجود وبصراحه نبي نعرف

وش السالفه وش مصيرنا واتجاهنا من ناحيه العقيده هل انت اللي بتحط الاسئله والا غيرك

قال لا مشكله ولا شي وليه خايفين بالعكس الامور طيبه انشالله وذاكروا من الملزمه اللي نزلتها

لكم وانشالله كل شي بيمر بسلام وارتياح قلت يعطيك الف عافيه واسف على ازعاجك

قال لا بالعكس لا ازعاج ولا شي حياك تشرفنا ... بصراحه اعجبني اسلوبه وتواضعه

وطيبه نفسه الله يوفقه ويجزاه الف خير ... عكس السوداني الله يهديه اللي يرد علي من طرف

خشمه ولا بعد ما يطالع فيني ... المهم رجعت بعدها جامعه الملك فيصل دورت الدكتور احمد

الشريف حق التقنيه ما حصلته للاسف 7 مرات اتردد على مكتبه بلا جدوى بس انشالله بجيه يوم

الاثنين قبل الاختبار بيوم وانشالله احصله .. رحت للدكتور عبدالمليك مزهوده دكتور مهارات الاتصال

وللاسف كالحاله ما حصلته ترددت عليه اكثر من 5 مرات بلا جدوى بس اتمنى من الاخوان اللي

عندهم مهارات اتصال يفيدووني متى وقت الاختبار علشان انشالله امر عليه اذا حصلت فرصه

وافيدهم بأذن الله كمساعده اخوويه ... لاني ما نزلت الماده هذا المستوى عمووما رحت

اخيرا الى الدكتور مصلح الله يهديه ويسخره لنا قوولووا امين علشان اقوله عن المتظلمين

والناس المقهوورين وللاسف ما حصلته حاولت اجيب رقمه وللاسف ما احد عطاني كلهم يقولون

ما نعرفه جيت ابي الدكتور عبدالله النجار قالوا ما جا اليوم كله .. وش المشكله يا جماعه ما فيه

دكاتره ولا رؤساء اليوم قالوا كلهم بالمعرض ما راح تشوف احد بمكتبه اليوم ...

بالنسبه للدكتور مصلح اللي يعرف رقمه اتمنى يفيد الاخوه ويعطيهم الرقم يمكن يرد على احد فيهم

واسف على التقصير الشديد بس وربي نفسي افيدكم وافيد نفسي كمان بس زي ما انتوا شايفين

ما احصلهم لكن يمدي انشالله لبعض المواد نتلاحق الدكاتره قوولوا انشالله .... ...

حتى والله ان رجيلي وانتوا بكرامه تكسرت من كثر المشي من مبنى الى مبنى تقول مراسل عندهم

لكن الشكوى لله اللي يبي الحاجه يتعب عليها وانشالله تعبنا ما يروح هدر .. جميع الحقوق محفوظه

عند رب العالمين انشالله

تحياتي للجميع وارجوووووووووووا المعذرررررره من الجميع

حززززززززنت لأجلكم