ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 1 (https://vb.ckfu.org/forumdisplay.php?f=310)
-   -   لكل من سأل عن وصف مدارس العبير الاهليه في حي العريجاء ...!! (https://vb.ckfu.org/showthread.php?t=183571)

أبو راكاان 2011- 5- 26 02:22 AM
لكل من سأل عن وصف مدارس العبير الاهليه في حي العريجاء ...!!
 
بخصوص وصف مدارس العبير الاهليه في حي العريجاء


للي يجي من شرق الرياض انزل مع الدايري الشرقي باتجاه الجنوب وادخل الدايري الجنوبي وتعدى الحراج وخلك رايح وادخل بعدين الدايري الغربي الين مخرج 29 مع الاشاره يسار ( انتبهوا هالاشارة عندها ساهر ) بعد ما تروح يسار تجيك اشاره اطلع معها روح معها سيده بعد الاشاره يجيك ممشى بعده بنده ادخل بعد بنده يمين تجيك المدرسه على اليمين .. والبنات يدخلون من قبل بنده يمين تجي المدرسه على اليسار


واللي جاي من شمال الرياض ينزل مع الدايري الشمالي باتجاه الغرب يدخل مع الدايري الجديد المسمى طريق الامير سلمان او امتداد الدايري الغربي وخلك سيده وتعدى الجسر المعلق يجيك بعده مخرج 31 خله ادخل مع مخرج 30 يمين ( هالاشاره ما عندها ساهر هع ) تجيك اشاره روح معها سيده والاشاره الثانيه روح يسار تجيك اسواق القريه الشعبيه خلها يمينك وروح سيده لين تجيك اشاره روح معها يمين يجيك ممشى بعده بنده ادخل بعد بنده يمين تجيك المدرسه على اليمين .. والبنات يدخلون من قبل بنده يمين تجي المدرسه على اليسار

(( انتبهوا ياللي تجون من شمال الرياض ترا مخرج 29 ماله مدخل من جهة الشمال يعني ادخلوا من مخرج 30 لا تتعدون المخرج ))




وهذا الكروكي


[BIMG]http://up.a7bk-a.com/img1/uat52350.jpg[/BIMG]


وان شاء الله الوصف واضح ... لا احد يجي يوم الاختبار يقول ضيعت ترا الوصف من خبرة سنين بالعريجاء



واللي يقول من شرق الرياض بعيد الله يعيننا وياك حاطين المركز عند بيت الوالد وانا ساكن بأقصى شرق الرياض

مع تحياتي

فتى الدخل :lllolll:

عبر الأثير 2011- 5- 26 02:44 AM
رد: لكل من سأل عن وصف مدارس العبير الاهليه في حي العريجاء ...!!
 
اقتباس:
حاطين المركز عند بيت الوالد وانا ساكن بأقصى شرق الرياض


فرصه صله رحم + حضور الاختبارات ( 2 * 1 ) :lllolll:



الله يعطيك العافية ما قصرت


أبو راكاان 2011- 5- 26 02:47 AM
رد: لكل من سأل عن وصف مدارس العبير الاهليه في حي العريجاء ...!!
 
الله يعافيك يالغالي


وعساك فهمت الوصف بس ..؟؟

أبو راكاان 2011- 5- 26 02:47 AM
رد: لكل من سأل عن وصف مدارس العبير الاهليه في حي العريجاء ...!!
 
الله يعافيك يالغالي


وعساك فهمت الوصف بس ..؟؟

@ابو فيصل@ 2011- 5- 26 05:10 AM
رد: لكل من سأل عن وصف مدارس العبير الاهليه في حي العريجاء ...!!
 
الله يعطيك العافيه
بس عندي سؤال نجمع ونقصر في الصلاة والا لا:lllolll:

أبو راكاان 2011- 5- 26 03:16 PM
رد: لكل من سأل عن وصف مدارس العبير الاهليه في حي العريجاء ...!!
 
لا صل الظهر عند بيتكم والعصر فيه مسجد عند المدرسه


اذا طحت بزحمه وانت جاي تحمل عادي لإن كل الطرق زحمه



تحياتي

أبو راكاان 2011- 5- 27 03:00 PM
رد: لكل من سأل عن وصف مدارس العبير الاهليه في حي العريجاء ...!!
 
UP up UP

أبو راكان. 2011- 5- 27 03:08 PM
رد: لكل من سأل عن وصف مدارس العبير الاهليه في حي العريجاء ...!!
 
جزاك الله خير انا ساكن النسيم


لكن مثل ما يقول الشاعر

أرقا درج والحظ ينزل اصنصير

Ranoooosh 2011- 5- 27 03:42 PM
رد: لكل من سأل عن وصف مدارس العبير الاهليه في حي العريجاء ...!!
 
الله يعطيك العافيه وصف واضح والله يعينا على المشوار الاكيد ان مايمدينا نوصل الا معلوماتنا طايره ههههههههههههههههههه

~..هذآ آنآ..~ 2011- 5- 27 05:01 PM
رد: لكل من سأل عن وصف مدارس العبير الاهليه في حي العريجاء ...!!
 
اقتباس:
المشاركة الأصلية كتبت بواسطة أبو راكان. (المشاركة 3590811)
جزاك الله خير انا ساكن النسيم


لكن مثل ما يقول الشاعر

أرقا درج والحظ ينزل اصنصير




هههههههههههههههههههههههههههههههه :hahahahahah:


آلله يعين ويوفق آلجميع يآرب


مشكور آخوي :106:


All times are GMT +3. الوقت الآن حسب توقيت السعودية: 07:18 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه