ملتقى طلاب وطالبات جامعة الملك فيصل,جامعة الدمام - لو سمحتو ابي احد يشرح لي قانونين للمحاسبه مره مهمين

حظك حلو ،،، توني كنت اشوف المحاضرة

<-- توه يبدا يذاكر

عندي لك طريقة سهله ،،، سويتها ومشت معي زي الورد . .

الوارد اخيرا صادر اولا

نقول :
في 1-1 شرينا 14 كرتون بيبسي بـ 10 ريال
في 2-1 شرينا 16 كرتون بيبسي بـ12 ريال
في 5-1 شرينا 13 كرتون بيبسي بـ 11 ريال
في 9-1 شرينا 7 كراتين بيبسي بـ 14 ريال

حلو ؟
في 7-1 بعنا 17 كرتون بيبسي ، بنظام ( الوارد أخيرا صادر أولاً )

كم بعنا ؟ 12 كرتون
متى بعناها ؟؟ في ( 7-1 ) بمعنى أن أخر دفعة شريناها في 9-1 مالها شغل بالموضوع لان بعنا قبل نشتريها ، يعني اخر شي شريناه قبل نبيع كان في ( 5-1 )

طيب نجي نحسب

بعنا 17 كرتون بظريقة ( الوارد أخيرا صادر أولاً ) شلوووون ؟؟؟
نقول يا زميلي
عندنا ( 13 ) كرتون من تاريخ 1-5 قيمتها ( 11 ريال ) بناخذها
13 في 5 = 143 ريال ( نخليها على جنب )
طيب هذي 13 بس الزبون يبي 17 ،،،،،، نروح ناخذ 4 كراتين من التاريخ اللي قبله
التاريخ اللي قبله شريناهم بـ 12 ريال .
4 كراتين في 12 = 48 ريال .

يطلع عطينا الزبون 17 كرتون تكلفتها ( 143 + 48 = 191 ريال ) وبس خلاص .

يعني بعطيه أخر شي شريتيه وسعره واضح لي ، وبشوف كم باقي ناقص على طلبيتيه واروح اخذ من اللي فوقه بسعره واجمعهم وخلصنا .

طيب الطريقة الثاني نفس الشي .

لطريقه الوارد اولا صادر اولا

نرجع نجيب الكراتين حقتنا :tongue:

نقول :
في 1-1 شرينا 14 كرتون بيبسي بـ 10 ريال
في 2-1 شرينا 16 كرتون بيبسي بـ12 ريال
في 5-1 شرينا 13 كرتون بيبسي بـ 11 ريال
في 9-1 شرينا 7 كراتين بيبسي بـ 14 ريال

حلو ؟
في 7-1 بعنا 17 كرتون بيبسي ، بنظام ( الوارد أولاً صادر أولاً )

طيب بسم الله

العميل يبي 17 كرتون

ناخذ الوارد أولاً عندنا اول شي 14 كرتون شريناهم بـ10 ريال ،، نحسبهم

14 في 10 = 140 ريال (( نخليها الحين ))

الزبون يبي 17 ، يعني بقى له 3 كراتين ، نروح ناخذها من الدفعه الثانية .

الدفعه الثانية قيمة الكرتون 12 ريال
يعني
3 في 12 = 36 ريال .

خلاص نجمعهم الحين

140 + 36 = 176 رياال .
وبس خلاص !!

اتمنى يكون الشرح واضح

لاني أول مرة أشرح ،، إذا انفع بكرة ابدأ خصوصي

بالتوووفيق لكم ،،، ودعووواتكم لي ولوالدي