ملتقى طلاب وطالبات جامعة الملك فيصل,جامعة الدمام - فضفضة مع رجعة الإختبارات... حياكم

السلام عليكم ورحمة الله وبركاته

حيا الله الجميع كل باسمه طالب وطالبه
حيا الله زملائنا من المستوى الأول الي انتقلوا معانا الى المستوى الثاني واصدقائنا من المستوى الثاني الي فحطوا فيه وما قدروا يوصلون للثالث
واخويانا من المستوى الثالث الي رجعو للثاني <<< ولا ما تجي ذي؟!!:(107):

المــــــــــــــــــــــــــوهم ......

كالعادة إذا وصلت الاختبارات فجأه نحس أن الوقت مشى بسرعه وأننا ضيعنا الوقت بعيد عن المذاكره ونتحسف ونقول الله يسهلها
هالترم والترم الجاي بنشد حيلنا من بدري ... وما عندك أحد
يجي الترم الي بعده وعلى نفس الموال ....

الترم الماضي ما تذكرت إني مسجل في الجامعه إلا في الأسبوع الي قبل الإختبارات :000: ما أدري وين كان عقلي؟!!

بس ما قصرو الأعضاء
بفضل الله ثم بفضلهم قدرت اتلاحق وأحل الواجبات وأنزل المحاضرات وأشارك في منتديات الحوار وأنزل الملخصات ... وكل شيء :tongue:

والجامعه بعد ما قصروا
اعطونا 30 درجة بارده مبرده وليتني فلحت
نجحوني بالطق ورسموا صورة جزمة وانتوا بكرامه جنب المعدل :biggrin:
..... يعني ترانا نجحناك بالشوت والا مانت يم النجاح

وطبعاً ماهو لعيوني لكن دفونا عشان نعدي معدل 2.5 ونقدر الترم الثاني ننزل 19 ساعه وتزيد غلتهم الله يبارك لهم فيها

وجلست معى نفسي جلسه مطوله

..يمكن دقيقتين :tongue:

وقلت الترم الجاي راح اتفادى كل الي صار
وباشارك في منتديات الحوار قبل يصير ظغط اخر اسبوع
وبانزل المحاضرات قبل يصير ظغط على الـــهلاك بورد واتوهق
وقلت .. وقلت.. وقل... بس خلصت الدقيقتين :tongue:

ولكن... نفس الكلام تكرر وكأن عجلة الزمان تدور بنفس الأحداث

كنت جالس مع احد الأصدقاء وفجأه صدمني بييييييييييييييييب
<< بالخبر طبعاً مو سياره :wink:

قال لي الأسبوع الجاي اختبارات :bawling:
قلت من جدك؟
قال جاك العلم

قمت احوس بمكاني وافتح قوقل واقفله وافتح فيس بوك واقفله حتى موقع جريدة سبق فتحته
<<< وش يبي ذا
قال لي وش فيك
قلت والله ما ادري بس حاس ان ودي اسوي شيء :biggrin:

لحظتها تذكرت كلمة القذافي يوم يقول
ستندمون يوم لا ينفع الندم

قلت في نفسي
الحين فهمتكوا :hahahahahah:

واستعنت بالله
وسريت ذيك الليله على موقع الجامعه
وقمت بفضل الله وحليت الواجبات كلها
وشاركت في منتديات الحوار ونزلت المحاضرات
وما بقى الا حاجات بسيطه

والله يسهل الأمور لنا ولكم ونعديها على خير ان شاء الله

صحيح اننا مقصرين مع الأعضاء في المنتدى وما نجي الا وقت المصلحه لكن اعتذر منهم جميعاً واتمنى يتقبلونا معهم بصدر رحب

خلاصة الموضوع
تتوقعون يقدر يفوز الهلال على الإتحاد بكره ولا تنتهي بالتعادل؟<<< اذلف :lllolll: