|
نصائح عامة ,اللبس , الاستايل ..الخ للمستجدات
بنات ياليت يكون هذا موضوع للمستجدات في كلية الاداب ...
بأي قسم ... انا ابي استفسر عن اللبس .. يعني طبيعته بكلية الاداب و بالضبط ايش الالوان المسموحة و متى ناخذ (( خزانه )) و شلون طريقتها .. يعني رسومها و من عند مين ...!!! و نتبادل النصايح هنا بالذات عن الاستايلات .. و نستفيد من خبرات بعض و ندل عن الاماكن المتوفر عندها البضايع اللي نحتاجها ... و أنا عندي حاجااااااااااااااات كثيرة بقولكم عليها لو شفت تفاعل ... بس ياليت تردون على استفساري و بعدها اسألوا "" متل منتوا عايزين """ و ياليت أصحاب الخبرات ينورونا ... طبعا مو بس باللبس .. حتى عن الصداقات داخ الكلية و القوانين و الانظمة .. و طبيعة تعامل السكورتيات .. يعني ما نبي ننصدم بالواقع المر على طول ... نورونا الله ينور عليكم دنيا و اخرة ..................... و ياليت نشوف تفاعلكم ... |
رد: نصائح عامة ,اللبس , الاستايل ..الخ للمستجدات
انا برضوا مستجده الي سمعته ان اللبس يكون للتنانير اسود وجينز والبلايز اي شي بس تكون 3 ارباع الكم مو جبنيز
او يكون جبنيز نازل اشوي الخزانه الله يسلمك تاخذينها لما تبدين الدراسه من مسؤله تلقينها بالكليه الزرقا عاد اذا كان قسمك هناك ولا الله يعينك طقي مشوار وفلوس الخزانه ياخذونها من مكآفتك وطبعا كل هذا اشياء سمعت عنها يعني مو متأكده فياليت احد يجي ياكد كلامي بس ما حبيت امر على الموضوع بدون ما اشارك وانا على فكره طالبه بقسم اللغه الانجليزيه تمنولي التوفيق:119: |
رد: نصائح عامة ,اللبس , الاستايل ..الخ للمستجدات
بس حبيت انبهكم بنات لازم تلبسو تنانير سوداء
لانة اذا شافتك الامن وانت لابسة تنورة جينز بتعطيك مخالفة وممكن ما تدخلك القسم لانة الجينز بس للعلوم |
رد: نصائح عامة ,اللبس , الاستايل ..الخ للمستجدات
اقتباس:
صرنا في الكليه آداب ومازالوا العلوم لهم مميزات علينا :bngo12: |
رد: نصائح عامة ,اللبس , الاستايل ..الخ للمستجدات
اي معاملة غير عنكم والله بنات الآداب فالينها فللللللللللللله ولا عليهم من مخالفه ولا شي>>>>بس احسن لك اتبعي الأنظمة
واحنا في العلوم البنات ودهم يلبسون تنانير سوداء ويلبسون ويمسكونهم يعني كلنا زي بعض صح والا انا غلطانه:119: |
رد: نصائح عامة ,اللبس , الاستايل ..الخ للمستجدات
صح كلام الاخت الجادة
احس فى العلوم صارمين اكثر لدرجة انة فى قسمى مايدخلو البنت اذا كانت لابسة تنورة سوداء:s11: |
رد: نصائح عامة ,اللبس , الاستايل ..الخ للمستجدات
يسلموووو على ردودكم .. الله يوفقكم دنيا و آخرة ..
بعدين سويت انجل صدقتي ... دايم للعلمي الأفضلية ... أنا خفت أشتري .. جنز و اتورط فيه .. بس نصيحة للبنات الأمورات .. أنا تعجبني البلايز من فينيسيا مول مااااااااااااااااارة حلوة .. << و سعر مناسب بس أنا أنصحكم تشترون ألحين و بسررررعة قبل يجي رمضان .. ترتفع الأسعار .. و مايبقى إلا الموديلات اللي مش ولا بد .. و استفدت من كثر ما أقرأ مواضيع المستجدات عن المكياج لا ترهقون بشرتكم بالمكياج .. اللي بشرتها في عيوب تشتغل الفرصة و تستخدم كريم تفية للبشرة وقدامك أكثر من شهر تعالجين بشرتك و تزيلين عيوبها و منها تستغلين فرصة عدم خروجك النهاري في شهر رمضان .. و تسخدمين خلطات مضمونة و طبية .. ودايم خلي لبسك سبور .. الكعب بتتعبين منه يعني كثري جزم .. و الصنادل أنا أشوف إنها مو حلوة لأن لما تكون تنورتك طويلة تلم الوسخ من الأرض و تطبع برجلك ... << مو شي إلا إذا بتلبسين ميدي .. و بعدين بتسبب لك جفاف .. وانتبهي لأغراضك من السرقة لا تستأمنين .. ودايم عبايتك بالخزنة .. و خلي شنطتك دايم معك .. و ايش بعد .. :mh19: أهم الحاجات اللي لازم تكون معك .. كريم مرطب و مرايه و مشط وقلوس و عطر و الاهم نظارة .. ترى مو حلوة تطلبين من أحد حتى لو كنتي ماااااااارة مضطرة .. أيوووه وحده الله يجزاها بالخير قالت لنا .. لو تعبتي و ذبحك التعب لا تاخذين من أحد حبوب و لو كانت مغلفة بغلافها الحقيقي حتى لو أعز صديقاتك ترى بعض النفوس يتمكن منها الشيطان .. و انتي ما تدرين عن خفايا أي شخص .. في عيادة .. روحي لها .. و يقولون حتى من الفراشات لا تاخذين شي .. امممممممممممم و الله باقي ما خلصت .. بس يلا عطونا من عندكم شوي و جزاكم الله خير على الردود ..... |
رد: نصائح عامة ,اللبس , الاستايل ..الخ للمستجدات
صراحه موضوعكم مره حلو
وللاسف انا مو من الدمام بس احس استفدت من كلام ريم الخبر الله يسعدك وابي اسال ما فيه طالبه علمي انقبلت بقسم الانجليزي؟؟ |
رد: نصائح عامة ,اللبس , الاستايل ..الخ للمستجدات
هآآآآي الموضوع مآآآآرآآآآ حلووو يعني كلية الآدآب ممنوع يلبسون جينز ولا وش السالفه ؟ :hahaha_2008: مرآآآ ثآآآآآنكس ريوومه ع الموضوع النآآآآيس .. |
رد: نصائح عامة ,اللبس , الاستايل ..الخ للمستجدات
هااااااااااااااااااي
موضوعك مره حلو يعطيج العافيه انا بقول الا عندي صديتي الله يجزاها خير سألت عن اللبس وقالت لها القسم الأدبي تنوره سودا وبلايز اي لون والأكمام لين النص والعلمي تنوره جينز والبلايز نفس الشي وصح كلام الي ماتاخذين حبوب واي شي من اي احد في هناك قسم خاص زي الصحه اللي في المدرسه أما الصناديق اختي تقول كنت وانا وصديقاتي نجمع فلوس مع بعض ونحط عباياتنا بصندوق واحد اما الشناط تكون معانا وبالنسبه للكشخه طبعا اول اسبوع بتحطين مكياج:g4: وكأنك وحده متخرعه بس بعدين تبدين تملين واهم شي يكون لبسك مريح وبالنفس الوقت حلو امممممممم :g2: وايش بعد ويقولون البنات اللي هناك مش ولابد يعني لوتعرفين احد من قبل احسن هذا اللي عندي اللحن واذا في شي زياده بقولكم |
| All times are GMT +3. الوقت الآن حسب توقيت السعودية: 10:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه