|
بأتخذ قرار وابيكم تساعدوني
السلام عليكم ورحمة الله وبركاته
لما دخلت لهذا المنتدى عشان اتعرف ع الكلية اللي انقبلت فيها وطريقة دراستها عجبتني المواد وانها 5 مواد كل سمستر لكن جاني تحطيم بهذي الاشياء ان مافيها مكفاءة مما خفف حماسي للدراسه فيها وشكل الكلية لما رحت لها يعني مبناها كانه بيت كنت حاطه اني لما ادخل للكلية راح يكون مجتمع كبير يعني حياة ثانيه بس شكلها حطمني واخيرا الزي الا وهو ابيض واسود يعني احس حرام انا من بنات بقيق شوفو كيف 2000 ريال كل ترم ادفعها للباص قولوا اهلي بيدفعونها طيب الزي ابيض واسود وانا ماعندي هاللونين منقرضين في دولابي يعني يبقا لي اتقضى للكلية وغير المصروف اليومي احس حرام ادرس واخسر اهلي مع انهم مقتدرين بالنهاية الشهادة مش مطلوبه لانها دبلوم مصتصعبه القرار ابيكم تساعدوني هل اتركها وانتظر السنه الجايه اقدم قدرات واقدم من جديد لاني حاطه المجتمع الرغبة الاولى وحطيت التربيه اللي بالجامعه الرغبه الثانيه وتم تجاهلها مع ان نسبتي تقبل الجامعه بس ماكنت اعرف بهالشيء يعني لو كان فيها مكفاءت كان من مكفاءتي اصرف ع لبسي وجوالي والزي متواجد لو كان غير الابيض والاسود ياليت احد يسال يمكن يوم صارت تبع الجامعه تغير الزي وصار عادي لوكانت مثل الدمام اسود والبلوزه اي لبس اهون تعبت وخااايفه مو عارفه اتخذ قرار ساااعدوني خاصه اني عندي وضيفه بمدرسة براتب 900 ريال شهريا مع التأمين تبع شركة كاكو حقت المقاصف مابين اضيعها ووانا اشتغل فيها سنتين يعني مابي اضيع ساااعدوني اتركها واسجل السنه الجايه واروح اسحب اوراقي قبل تبدأ الدراسه اتمنى تفيدوني اختكم خايفه ادرس |
رد: بأتخذ قرار وابيكم تساعدوني
هلا يالغاليه
انا نفسش تحطمت من سمعت انها مافيها مكافئة لأن خفت انها تكون اقل مستوى وزيها ابيض اسود وانا اكرة هالشي يعني هاللبس اصلا ماعندي .....يعني يبي لي اقضي ملابس للكلية بس يومني جيت هنا بالمنتدى وبهالقسم وشفت البنات ويتكلمون عنها انها تشرح الصدر واساتذتها طيبين وخلوقين وشرحهم حلو وطالبتها عليهم اخلاق صراحة هذا حفزني اني اروح واقدم اوراقي وادرس:mh19: وبالنسبة للشهادة راح اقدر اخذ بكالوريس وبعدها ماجستير بالحاسب وهذا هوايتي....اني ادرس الحاسب وانا انصحش انش تقدمين مدام الله وفقش وقبلوش فيها ادرسي فيها وتعرفي على ناس جدد وراح تحبينها وانا اليوم رحت وقدمت اوراقي وانشالله اشوفش هناك تحيتي تقبلي مروري يالغلا |
رد: بأتخذ قرار وابيكم تساعدوني
والله نفسيتي تعبت من التفكير
واجد يقولون لي دام عندش وظيفه لاتخلينها لان بالنهايه الوظيفه افضل من الدراسه واللي يقول قدمي السنه الجايه تعبت انصحووووني مشكووورة اختي ع الرد بس انتي في الاحساء يعني يمكن ماتكلفك المشوار حق الكليه 200 للسواق او 100 بالشهر بس انا 2000 لكل ترم يعني 8000 للسنتااااان وغير مصروف اليومي ومصروف الجوال واللبس اللي غير متوفر |
رد: بأتخذ قرار وابيكم تساعدوني
هلا اختي خايفة ادرس
انا متخرجة السنة من الكلية وبالرقم من انها صغيرة مثل ما قلتي كانها بيت هي كانت بيت بس والله احس كنا مرتاحين بس ما اقدر اقولك لا تتركينها ولا اقدر اقولك تركية الا اقدر اقول لك الله يوفقك وهذا قرار انتي تتخذينة |
رد: بأتخذ قرار وابيكم تساعدوني
السلام عليكم اختي خايفة ادرس القرار قرارك اول شي تهدين نفسك وتحطين ظروفك كلها بميزان وتشوفين كفة الميزان لايش ترجح للوظيفة او الدراسة :mh19: حطي الحسنات والسيئات وراح تتخذين قرار بعقلك وقلبك وراح تكونين واثقة من اختيارك بس الاهم تحطين في بالك انه مهما كان قرارك راح تحترمينه بمامعناه لو واجهتك اي مشكلة او عقبة ماتطيحين على الارض وتقولين بطلت ومو قادرة اكمل تكونين قوية وتكملين :Cry111: الي بديتيه والي اخترتيه بقناعة وممكن تستشيرين الي حوالينك وتقولين لاهلك على مخاوفك بمامعناه تجسين نبضهم هل عندهم القدرة يساندونك بقرارك مهما كان والا هم شايفين ان ماعندهم هذي القدرة او رافضين الفكرة من الاساس والله يكتب لك الي فيه الخير والله يعينك على حيرتك :s12: :s12: :s12: |
رد: بأتخذ قرار وابيكم تساعدوني
مساء الخير
أختى خايفه ادرس وعليكم السلام قريت ردك وحزنت شوي على وضعك:Cry111: بس صدقيني هي فرصه صارت لك ولم تصير لغيركـ غيرك يتمنى يدخل اي مكان حتى بالواسطه يعني لو بنتنظرين السنه الجايه يمكن الحال تتغير والقاونين تتغير وتندمى زي ماندم غيرك على ها الفرصه حاولى تستغليه وخلى أملك بالله كبير وفعلا كل سنه تظهر قوانين جديده وانا كذالك من خريجات المجتمع والحمد الله صح المبنى صغير لما تدرس تحسى انك في بيت واحد وتقارب مع البنات بش كل شي حلو وراح تعرفى اغلب البنات على الزي تقريبا جميع الكليات لها لون موحد الابيض والاسود فقط كليه المجتمع له في الصيف ابيض واسود والبيج والشتاء راح ينزل لك 5 الوان تقريبا وراح اقولك ان الكليه الوحيده التى لاتلتزم فقط بالابيض او البيج الساده يعني لما تدوامى راح تعرفى ان مسموح لك كذا شي يعني انتى بكل حاله راح تنبسطى غير الدراسه الممتعه وغير المنهج الخفيف وعلى المكافئه كان اول تشرتى الكتب على حسابك ام الان موفره لك جاهزه وللعلم سعر الكتاب (( مرتفع )) لو تروحي للمكتب وتسالى عن الكتاب نفسه (( قولى الحمد الله انه متوفر مجانا )) غير الكليات الاخرى بس تسلم المكافاه راح يصرف في الكتب وكمان عندك فرصه رررررائعه جدا فيوجد هناك دورات تدربيه تنفعك في المعاهد تجديه ب1500 ولدى الكليه مجانا وفوق ذالك ختم الجامعه عليه بعدها راح تعرفى ان الحق معاك وان الحمد الله حتى لو في مكافاه في اشياء ثانيه غيرك يحلمك فيه مثلا الدورات والمسابقات والاختبارات المريحه لك مع تواجد بنات من مختلف المناطق البعيده وا القريبه (( أطلبو العلم لو من الصين )) فوق ذلك مراعااااااه من المدرسات وشرح ممتاااااااااز من قبلهم ومساعده على تطوير المهارات واكتساب مهارات جديده لو قررتى راح تشوفى كل حاجه رائع فقط اتبعى القوانين لتعيشى في كليه براحه نفسيه وكمان ذكرتى وظيفه تنتظرك اوكي اول يوم على الاقل داومي شوفى دوام صباحي مسائي ,. بعدها قررى استخيري في صلاتك ثم مشوره الاهل والاصدقاء وثم قلبك ماذا اختار والله يوفقك |
رد: بأتخذ قرار وابيكم تساعدوني
مرحبا
اشكركم ع تفاعلكم وفعلا كل وحده ردها يحيرني وانا مو عارفه شنو اسوي اختي سمارت كلامك فيه من الصحه لكن مثل ماقلت قبل انا حاطه اني راح اقدم قدرات السنه الجايه احس حرام ادخل واخسر اهلي بالنهايه اكون حاطه اني بقدم قدرات واختي كيف يعني صباحي او مسائي يعني احتمال يكون دوامي مسائي |
رد: بأتخذ قرار وابيكم تساعدوني
الله يوفقك حبيبتى
ايو اكيد على حسب نسبتك راح يتم التوزيع الدوام المسائي او الصباحي كانكـ تدرسى معهد اول يوم روح تاكدي وين اسمك والاثنين رائعين وحظك اذا طلعك لك مسائي راح تتوظفى الصباحي بالوظيفه اللى تتنتظرك والمساء تدرسى مع امكانيه التحويل من الفتره الصباحيه الى المسائيه والعكس وبالتوفيق لك |
رد: بأتخذ قرار وابيكم تساعدوني
مرحبا اختي
مسااائي يعني من الساعه كم يبدأ الدوام خبريني اختي |
رد: بأتخذ قرار وابيكم تساعدوني
مسائي تبداء المحاضرو الاولى الساعه وحدة
|
| All times are GMT +3. الوقت الآن حسب توقيت السعودية: 06:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه