|
يالله مشاركاتكم ياشباب ويابنات
السلام عليكم ورحمة الله وبركاته كيف حالكم انشالله بخير وطيبين انا اخوكم بالله حسين ناصر حبيت اتاكد لانه انا تخرجت من الكليه التقنيةبالدمام_قسم التقنية الاداريه_تخصص تسويق الدبلوم (الشهادة النصف جامعيه) فحبيت اسال هل استطيع تكملت البكالريوس في جامعة الملك فيصل بالأحساء عن طريق الانتساب المطور علما انه المعدل التراكمي لي عند التخرج هو(2,84)والمعدل الفصلي لي هو(5,5)وارجوا منكم اخواني بالله انكم تساعدوني بالمعلومات القيمه والشرح الوافي وهل ادارة الاعمال صعبه ام سهله وماهي المواد المدرسة في هذا القسم وكيفية معادلة الساعات وكم سنه تقريباً لكي آخذ شهادة البكالريوس وعلى كم السمستر (كم فلوس) :53: .
تحياتي: حسين ناصر ملاحظة(انا بدأت دراستي في الكلية التقنية من عام 1429هــ وانتهيت عام 1432هــ ) |
رد: يالله مشاركاتكم ياشباب ويابنات
افيدوني الله يجزاكم خير ومتى التسجيل وكيف اسجل عن طريق الانترنت لا تنسوني يااصدقائي.
تحياتي: حسين ناصر |
رد: يالله مشاركاتكم ياشباب ويابنات
والله ماعندي علم بهالشي ىن شاء الله الاخوان يفيدونك ماقدرت ادخل وما آرد بالتوفيق |
رد: يالله مشاركاتكم ياشباب ويابنات
مشكورة وماقصرتي يابنت الداود على هالطله الجميله لاهنتي على المرور.
تحياتي: حسين ناصر |
رد: يالله مشاركاتكم ياشباب ويابنات
راح اشرحلك يا اخوي
عند التسجيل المطلوب هو شهادة الثانوي والنسبه غير ضروريه الا في ادارة الاعمال يمكن يقبلون 70 وفوق يمكن لان نسبه القبول تختلف وغير معلنه والقبول على مراحل يمكن ثلاث مراحل يعلنون اسماء يعني باذن الله مقبول الدراسه عباره عن 8 مستويات كل مستوى يعني ترم يعني 4 سنوات المستوى الاول المواد اجباريه وهي 5 مواد اقتصاد محاسبه رياضيات اداره قانون عدد الساعات للمستوى الاول 15 ساعه والمبلغ 2475 لان طريقة حساب المبلغ هي عدد ساعات جميع المواد ضرب 165 = 2475 ريال اما من المستوى الثاني تقدر تعادل مواد اللي درستها في التقنيه بشرط معادلة اقصى شئ 15 ساعه ويكون تقديرك جيد في الماده احيان يشددون في المعادله يعني لازم يكون نفس محتوى المقرر اللي ندرسه ولازم تجيب وصف للمقررات للي ناوي تعادلها طبعا عدد المواد المستوى الثاني الى الثامن يعتمد على معدلك في المستوى اللي قبله لان كل معدل له عدد ساعات محدد المبلغ عدد الساعات اللي تنزلها ضرب 165 = المبلغ المستحق دفعه طريقة الدراسه تحمل محاضرات وتحل واجبات وتشارك في منتدى حوار تابع للجامعه هذه عليها درجات 30 درجه وغالبا مضمونه والاختبار 70 درجه وكلها اختياري درجة النجاح 60 من 100 مكان الاختبار بالمدينه اللي تختارها موعد التسجيل يمكن في رمضان بس انت تابع موقع الجامعه اتمنى افدك والله يوفقك |
رد: يالله مشاركاتكم ياشباب ويابنات
الله يجزاك خير وماقصرت يالغالي بيض الله وجهك على الشرح الوافي الكافي لكن عندي سؤالين(1-السمستر اربع شهور او اربع سنوات؟ 2- هل فيه رسوب في نظام الانتساب المطور او لا) اتمنى الاجابه عليها والله لا يحرمك من تحب يارب والله يفيدك انشاءالله دنيا وآخره.
تحياتي: حسين ناصر |
رد: يالله مشاركاتكم ياشباب ويابنات
اقتباس:
ايه فيه رسوب عادي زي اي جامعه بس شد حيلك وتعدي تهمل اكيد ترسب بس ان شاء الله النجاح اكثر بس الاهم مش النجاح والرسوب من الافضل تحرص على انك تجيب معدل حلو لان بالمعدل هو اللي يخليك تحدد عدد الساعات المسوح انك تنزلها لكن اذا جبت معدل قليل اكيد راح تسجل ساعات اقل لكن الطلاب هنا بالمنتدى جدا جدا جدا متعاونين اول ماينزل واجب يحلونه وفيه ملخصات وكل شئ يعني بس عليك انك تذاكر وبسس العيب الوحيد اللي بتخصص ادارة اعمال انك ما تعرف ايش المواد اللي راح تدرسها من مستوى رابع الى ثامن لان مافيه خطه دراسيه للقسم والقسم مفتوح له 3 سنوات يعني اول دفعه سجلوا هم الحين بمستوى ثالث وبالرابط الموقع الرسمي للجامعه وفيه على اليمين مكتوب المقررات بامكانك معرفة اسماءمواد مستوى اول وثاني وثالث http://www.kfu.edu.sa/ar/Deans/elearning/Pages/Home.aspx وهنا موضوع يمكن يفيدك مبدئيا http://www.ckfu.org/vb/t156538.html واي سؤال في بالك اسأل يالغالي |
رد: يالله مشاركاتكم ياشباب ويابنات
هذا موضوع اليوم قريته
السلام عليكم الخطة الدراسية المعتمدة : قسم إدارة الأعمال تتطلب الخطة الدراسية لبرنامج البكالوريوس إنجازعدد 136 ساعة معتمدة، مقسمة على ثمان مستويات، الثلاثة الأولى منها عامة يدرس الطالب فيها متطلبات الجامعة ومتطلبات الكلية، وفي المستوى الرابع يتخصص الطالب، ويقسمالبرنامج على المستويات الثمانية حسب التالي: http://front1.monsterup.com/upload/1297385336842.png الله يسهل علي وعليكم وبالتوفيق للجميع |
رد: يالله مشاركاتكم ياشباب ويابنات
جمعه مباركه ياشباب
|
| All times are GMT +3. الوقت الآن حسب توقيت السعودية: 01:01 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه