|
تعتذر الجامعة عن قبولك لوجود سجل دراسي سابق لك بالجامعة !!!
مساء الخير للجميع في البداية أنا كنت طالب في جامعة فيصل السنه الماضيه ودرست الفصل الأول كامل وشوي من الفصل الثاني بعدين سحبت ملفي لأمور طارئة جاتني مشكلتي الحين أني قبل ما أسحب ملفي سألت عمادة القبول والتزييف قصدي والتسجيل وقلت لهم أقدر السنه الجاية أسجل كطالب مستجد مع أقربائي علشان نصير دفعه وحده قالولي : أيه بس ما راح تحسب لك ولا مادة .. قلت لهم : أوكي موافق وقبلها رحت للكلية وسألت نفس السؤال وجاوبوني نفس الجواب : أيه تقدر تسجل ولا فيه أي مشكلة وسجلت يوم بدأ التسجيل وانصدمت بصراحه بالنتيجة : " تعتذر الجامعة عن قبولك لوجود سجل دراسي سابق لك بالجامعة " لييييييييييييييييييييش طيب ؟؟؟ كان قلتوا لنا ؟ شلون يعني الحين نقعد في بيوتنا ؟؟ لا دراسة ولا شغله ولا مشغله ؟؟ هذا السؤال أوجهه لأدمن ولمرجانه وللكل الأعضاء والمشرفين اللي يعرفون الإجابه ملاحظة : نسبتي المركبة فوق 85 والكلية اللي سجلت فيها قابله ناس نسبهم حوالي 79 !!!!!! والحين وش أسوي بعد ما وهقونا ونكبونا ؟؟؟ وحبيت أسأل إذا فيه دفعات غير هالدفعه الأولى هل ممكن أطلع من ضمن المقبولين ولا لا ؟؟؟ ردوا علي لو سمحتوا |
رد: تعتذر الجامعة عن قبولك لوجود سجل دراسي سابق لك بالجامعة !!!
يا اخوي أنصحك
لو ما ضيعت الفرصة عليك كنت سجلت بجامعة ثانية مثل البترول أو سعوود هذول فيهم تخصصات أكثـــــــــر .. أو يمكن المفروض أنك تحول ما تسجل من جديد يعني تحويل من كلية إلى كلية أخرى |
رد: تعتذر الجامعة عن قبولك لوجود سجل دراسي سابق لك بالجامعة !!!
الموضوع للرفع ........... |
رد: تعتذر الجامعة عن قبولك لوجود سجل دراسي سابق لك بالجامعة !!!
هل توجد فرصة ثانية لمن تم رفضه في الدفع القادمة أولا .؟؟؟؟؟ |
رد: تعتذر الجامعة عن قبولك لوجود سجل دراسي سابق لك بالجامعة !!!
الـمـظـلـوم
مدام كتبوا لك كذا " تعتذر الجامعة عن قبولك لوجود سجل دراسي سابق لك بالجامعة " ما أعتقد فيه فرصة ثانية للقبول :011: حاول أنك تسجل في جامعات و كليات ثانية .. |
رد: تعتذر الجامعة عن قبولك لوجود سجل دراسي سابق لك بالجامعة !!!
هلا اخوي المضلوم .... صراحة جامعة الفيصل لا تقبل طلاب سبق ودرسوا فيها ... إلا في حالة كانوا انتساب ... والعذر اللامنطقي <<<أخاف أقول لك إياه وتنصدم ... بدعوى أنهم أخذوا فرصتهم ... دعني أنبهك للأخطاء التي ارتكبتها<<< لتجنب إعادتها سحبك للملف خطيئة كبرى وإجرام بحق النفس كان عليك التحويل<<< إذا لم يعجبك التخصص ... كان عليك طلب الإعتذار عن الدراسة <<<إذا واجهت ضروف كان عليك عدم سؤال الموضفين<<< فهم لا يعلمون بهذه الأمور بإمكانك سؤال عميد كليتك<<< فهذا من حقك وسوف يقدم لك النصيحة لن ينفعك ذكري للأخطاء هنا <<<دعني أعطيك الحلول المقترحة نسبتك مرتفعة وتستطيع المنافسة فيها السنة القادمة ... إحذر أن تقع في نفس الخطأ لا تقترب من الفيصل ... بإمكانك التسجيل في جامعة أهلية أو خاصة ... دع عندك أمل أن الفيصل قد تجد لكم حل ... لكن لا تبني عليه أحلام لأن حتى لو وجدوا بيحطونكم في تخصصات لا تشبع طموحكم ... ترقب جديد الجامعات والكليات والبعثات والمنح ... فكر خطط واستغل فالمستقبل مستقبلك ... أختك : مرجـــــانة ... |
| All times are GMT +3. الوقت الآن حسب توقيت السعودية: 03:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام