|
إلى عميد وعميدة كلية الآداب
بسم الله الرحمن الرحيم السلام عليكم ورحمة الله وبركاته جميل جداً من يعمل بإخلاص وذمه وضمير دون التلاعب كلامي موجه خص نص إلى عميد وعميدة كلية الآداب بالأحساء أكتب من القهر والظلم اللي حاسه فيه وأدري كلامي ماراح يحرك ساكن فيكم لأنكم بصراحه عدم في الاحساس ربما البعض ينتقد اسلوبي وربما البعض الآخر يقف معي (الفئه التي تشعر انها مظلومه مثلي) بالله عليكم قبلتوني بكلية تبع أدبي ولاهي بقامي صراحه وحمدت ربي وشكرته قلت أحسن من غيري اللي مانقبلو لكن تجون تقبلوني شي مو من اختصاصي ابد (بنت علمي تدرس لغه عربيه) خافو ربكم عاد أنا ماأنكر اني حطيت من رغباتي لغه عربيه لكن حطيتها تعبئة فراغ ليس الا وكنت حاطه رغبتي الاولى لغه انقليزيه وبصراحه ولاشي يناسبني من التخصصات الموجوده كوني طالبة علمي الا اللغه الانقليزيه يعني ماأمدح نفسي لكن الحمدالله معدلي بالثانويه عالي جداً ودرجتي بمادة الانقلش بعد عاليه الحمدالله ومعدلي الفصل الاول بعد الحمدالله لاتجون ألحين تقولون لي عشان الاختبار اللي سويتوه أنا ماأقول اني حليت كل شي تمام لكن بشكل عام حليت الحمدالله تذكرو انه فوقكم رقيب حسيب وحسبي الله ونعم الوكيل وربي على الظالم |
رد: إلى عميد وعميدة كلية الآداب
حبيبتي هو من صار في اختبار قدرات وخرابيط صارت الكسلانة تنقبل والممتازة اللي تتعب هي اللي تتحسر على نفسها
ومثل ماقلتي لاحياة لمن تنادي يعني الواحد يتكلم بس مااحد يحس فيه يابعدي ولاترفعين ضغطك ولاشي بس من جد لغة عربية علطول هذي قوية اشوي لو انهم حاطينك على الاقل انجليزي ممكن تنبلع بالنسبة لك انك تدرسين علمي وربي يوفقك وان شاءالله يكون خير او احد يرد عليك وان كانو ماراح يردوو ان شاءالله احد من المسؤوولين يتطلع على الموضوع وفي كثييير بنات مثلك ربي يوفقك اما انا عن نفسي ماتخصصت لين الحين ولو حطوني بشي ماابيه بترك الكلية لاني ماادرس شي انا ماابيه ومااحبه وناس تدخل بالواسطة وغيره |
رد: إلى عميد وعميدة كلية الآداب
اقتباس:
وياكثرهم عاد اللي تدخل بأصحاب فيتامين واو وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ |
رد: إلى عميد وعميدة كلية الآداب
حبيبتي مقهوره روحي ياماما شغلي الواسطه
مافي شئ ينفع غيرها كل حياتنا وااااو بدال هـ الاختبار الخبل كان سو لنا انترفيو مع الدكتورات يسألونا بالانقلش والدكتوره راح تعرف من الممتازه ومن اللي بس تبي تمشي حالها بالانجليزي في بنااااات يكرهوونه بس انقبلوا فيه وبنااااات يحبوونه وماأنقبلوا ولو تشوفينهم بسم الله ماشاءالله بلبل انجليزي والانجليزي مووهبه من ربي والله مووهبه للأنسان اللي يفهمه بسرعه ويحبه |
رد: إلى عميد وعميدة كلية الآداب
بصرااحه شئ يقهر
بس روحي لقسم الرجال واطلبي تحويل لقسم انجليزي ولاتقعدين كذا لان لو تبين تكتبين من هينا لبكرا مافي امل محد يقراء نصيحتي هو انج تروحين لقسم الرجال احسن للج وهم يحلون هالسالفه |
رد: إلى عميد وعميدة كلية الآداب
يعنى اذ طرشت ابوى قسم الرجال يقدرن يحولون علم اجتماع بدل عربي احس الراغبة الاول ما عبرة ولا روح الي رغبة 2
|
رد: إلى عميد وعميدة كلية الآداب
اه من جد ظلم ظلم
وانا كمان حطيت 1 انجلش 2 علم اجتماع 3 جغرافيا واحاتي يرموني في واحد من هذوووول :sdfgdsf: وانا علمي مابي ألا انجلش ومثل ماقالت مس 2010 الواسطه يبا انا معي كانت بنت وعلمي نسبتها بثانوي ولا شي والقدرات هم بعد ولا شي ودخلت كلية علوم زراعيه إلي ماتقبل إلا 95 وفوووق كله بالواسطه ومن طلع بعد هالقدرااااات وتحصيلي ابو الزفت ويقولون ليش جيلنا ماهو متقدم وصناع والله خلوه يدرس الي يبي عشان يبدع مو تقطوه بأي مكان وقلتو مافي عقول تفكر ولا ابداع:017: |
رد: إلى عميد وعميدة كلية الآداب
حبيبتي روحي قسسسم الرجآل
ولو كـآن معدلك عـآلي هم بيقبلووونك في الـإنجليزي من نفسهم ولو مـآتغير خلـآص روحي قسم الرجـآل وهم يحولوونك من هنـآك والله يوفقك ويريحك |
رد: إلى عميد وعميدة كلية الآداب
طيب ماشي أنا بكره براجع الاداريات الصنم اللي أدري ماراح أطلع منهم بفايده
وكمان الوالد بيراجع قسم الرجال ونشوف تاليتها معاهم لكن والله والله انه دعواتي ماراح تتعداهم ودعوة المظلوم مستجابه |
رد: إلى عميد وعميدة كلية الآداب
يعني لو ابوي راح لقسم الرجال
وقال لهم اني ابي احول انجلش على طول بيحولوني وربي متحطمه نفسيا مابي تاريخ ماااااابيه يعني بس طلب تحويل والامور سهله كذا؟؟؟ :mh12: |
| All times are GMT +3. الوقت الآن حسب توقيت السعودية: 05:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام