|
هل يوجد ملخصات للكتب المققره علينا في هذا المستوى
السلام عليكم اخواني واخواتي الكتب بصراحه احسها تتوه وكثير الكلام فيها وتاخذ وقت في القراءه بتركيز واولها كتاب الإداره:119: فهل يوجد ملخصات لكتاب الإداره وكتاب المحاسبه وكتاب القانون وكتاب الاقتصاد وهل يوجد نماذج لأسئلة الترم الاول للي اختبرو قبلنا وعارفين اسلوب الدكاتره في الأسئله يااااااااااريت ماتبخلون علينا وهل الأسئلة اللي بالكتب نهاية كل فصل داخله معانا بالاختبارات النهايه يعني يجيبون منها ولا لا:mh12: يااااااااااااااريت تردون علي والله يوفقنا يااااااااارب جميع ونجيب اعلى معدل:(204): تقبلو تحياتي |
رد: هل يوجد ملخصات للكتب المققره علينا في هذا المستوى
هذا نصائح من المستوى لي فات بالتوفيق بسم الله الرحمن الرحيم السلام عليكم ورحمة الله وبركاته اقدم لكم المعلومات لمادة مبادئ الادرة مادة سهله جداً اختبارة كان سهل وواضح لا تشتري الكتاب المقرر ... غير مهم اعتمد على محتوى المقرر الموجود في البلاك بورد واستمع للمحاضرات المسجله ودون المعلومات المهمه في المحتوى ... احياناً يكون المحتوى رؤس اقلام وشرحها يكون في المحاضرة المسجله .. مبادئ الاقتصاد ماده سهله يبي لها تركيز قوي تعتمد على الفهم اعتماد كلي المدرس لكم عليه شوي خاصه من بعد المحاضرة 4 حاول تركز على الماده هذي اول بأول لا تترك المحاضرات تتراكم عليك اعتمد على المحتوى والكتاب وشرح المدرس .. اذا كنت تبي درجه عاليه فيه ملخص للأخ ابو موزه . لكن نااقص .. طبعا ابو موزه سبقنا بترم .. كان حاذف الدكتور لهم اشياء كثيره لكن حنا ماحذف لنا ولا شي .. في وحده اسمها سيدة الاسئله كملت لنا الاجزاء المحذوفه من ملخص ابو موزه .. انا ذاكرت من الملخصين .. الملخصين مرتبه مع شرح الدكتور تقدر تسمع وتقرى في نفس الوقت اسم الكتاب في المحاضرة التمهيدية مبادئ الرياضيات مادة سهله .. كل مواضيعها سهله .. اكثر المواضيع الصعبه تستطيع حلها بالاله الحاسبه اطبع المحتوى من البلاك بورد لا تشتري الكتاب المقرر ... غير مهم اعتمد على المحتوى وشرح المدرس لازم تكون ملم بالماده قبل الاختبار بوقت كافي قبل الاختبار بيومين مايمديك تخلصها يمديك تخلص مذاكرتها كامله في اسبوع واحد كل يوم محاضرتين نصحيه مني لا تهتم بالماده هذي ابداً .. قبل الاختبارات بشهر خصص اسبوع وذاكرها ... بيكون عندك ثلاثه اياما تقريباً قبل الاختبار يمديك تراجع فيها مبادئ القانون الكتاب مهم جدا .. ملخص ابو موزه مهم .. المحتوى والمحاضرات المسجله ... غير مهمه كلها كلام فاضي ماده فيها دش كلام كثير الاختبار كان سهل لكن المشكله كانت في الاجابات المتاحه اجابات متشابه صعب تختار لازم تحفظ وتركز .. لكن الدرجات كانت عاليه لأكثر الطلاب اللي اعتمد على الكتاب في المذاكره كان الاختبار سهل بالنسبه له يوجد ملخص للأخ ابو موزه بنزله لكم انا اعتمدت على الملخص وجبت درجه عاليه لكن لا تنسون تمرون على الكتاب ... الكتاب مهم جداً اذا كنت تطمح في درجة عاليه مبادئ المحاسبة : لا تشتري الكتاب المقرر.. غير مهم لا تطبع المحتوى ولا تشتريه .. فيه ملخص بنزله لكم شامل للمحتوى والكتاب منظم بطريقه ممتازه .. ملخص ابو موزه لكل محاضرة ملخص الله يجزاه خير ابو موزه ماخلى شي ماحطه في الملخص تقدر تطبع الملخص .. مدرس ممتاز وشرح رائع ماده سهله جداً .. لكن مواضيعها كثير وتحتاج متابعة ودراسه اول بأول ... تابع شرح المحاضرة مع الملخص .. ابتعد عن الكتاب وعن المحتوى تعتمد على الفهم ... زبدة الموضوع في المحاضرات السبع الاولى .. مستحيل تفهم المحاضرات الاخيرة وانت مو فاهم المحاضرات الاولى لا تطلع من المحاضرة الا وانت فاهمها .... المواضيع مترابطه اكثر الطلاب جابو فيها درجات عاليه اتوقع مافيه احد حمل الماده.. الدكتور سهل الاختبار على الاخر زبدة الماده في المحاضرة 14 وهي مراجعه عااامه مهمه جداً جداً |
رد: هل يوجد ملخصات للكتب المققره علينا في هذا المستوى
بيض الله وجهك كفيتي ووفيتي |
رد: هل يوجد ملخصات للكتب المققره علينا في هذا المستوى
شكرا لك يا أختي (Queen Girl) .. ما قصرتي هونتيها علينا. |
رد: هل يوجد ملخصات للكتب المققره علينا في هذا المستوى
الله يعطيك الف عافيه يارب وان شاءالله فالك التوفيق يارب والنجاح |
| All times are GMT +3. الوقت الآن حسب توقيت السعودية: 01:07 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه