|
أستفسار جعل والديكم في الجنة ؟
السلام عليكم ورحمة الله وبركاتة ,, أسعد الله أوقاتكم بكل خير ,, أخواني وأخواتي الأعزاء الموضوع أستفسار حول بعض الأمور اللي أجهلهآ .. وأسأل الله أن يوفق ويسعد من يريحني بالجواب , لأني بدائي في أستخدام التقنية ومتصعبة الأمور علي شوي * أولاً بخصوص المحاضرات المباشرة ! اليوم أول مره يرسلون لي رسالة على sms بخصوص المحاضرات المباشرة الثالثة ستبدأ غداً الثلاثاء الموافق 29/5 / 1432هـ طيب المحاضرات الأولى والثانية وين هي ماجاتني ؟ وبخصوص الثالثة هذي ,, في أي وقت بضبط وأي مادة ؟ في الرسالة قالوا يمكنك الاطلاع عبر الأعلانات والأيقونات لكن مدري ما لقيت شيء أو ما عرفت أوصل بضبط ؟ * ثانياً >> أبي أحد يفهمني وش البلاك بورد ؟ أسمعكم تجيبون طاريه وأدري الكثير بيضحك علي لكن ما فيه أحد خلق من بطن أمه فاهم فأرجوا التوضيح ؟ * ثالثاً >> الحين أنا من بداية تسجيلي وأنا أحل فقط الواجبات أما المناقشات مدري ما دخلت عليهآ ولا حليت شيء منها ولا حضرة اي محاضرة مباشرة فهل يمديني على حلها وهل هذا يضر درجاتي وكيف أحل المناقشات ؟ الاخير : أنا أبي مكتبة في الرياض فيهآ جميع الملازم والمقررات لأني شخص تقليدي ما أعرف أذاكر إلا من ورق . وهل وضعي مطمئن ولا ما فيه أمل أنجز وأكمل ؟ أفيدوني رحم الله والديكم عن النار وأسعدكم الله :Cry111: << هذي دعاية على شان تحنون علي شوي ! |
رد: أستفسار جعل والديكم في الجنة ؟
هههههههههههههههههه
هلا اخووي للحين قادر بأذن الله تاخذ الدرجات كامله بس ع قولتهم يبيله تعب شوي في ناس تحل من اول يوم ,, لكن انت متراكم عليك الموضووع اقتباس:
بس الشغله معروفه لهم جدول منزلينه في تواريخ المحاضره وباليوم والساعه عموما هي 3 محاضرات مباشره تنزل نزلن 2 وباقي الثالثه تبدأ من يوم الثلاثاء بس انت سو مثلي دش على البلاك وحملهم ع شان تاخذ درجاتهم اقتباس:
دامك تحل الواجبات فأنت تدخل ع البلاك بورد اتوقع مافي مشكله من هالناحيه اقتباس:
بس مثل ماقلت اول الشغله يبيلها تعب ادخل على البلاك بورد كأنك تبي تحل الواجب لكل ماده اربع اقسام منتدى حوار << تلقى موجود فيه جميع المناقشات والواجبات << من اسمه فيه الواجبات والمحاضرات المسجله والمباشره << تلقى فيه المحاضرات المباشره حملها وراح بإذن الله تنحسب لك الدرجه كأنك شفتها ولمجرد انك تحملها تنحسب الدرجه ,, مو لازم اتابعها << فاهم علي :wink: إذا لك خلق تابع اقتباس:
بصراحه انا من الكويت ولا اعرف شي بالرياض لكن روح لاي مكتبه وادخل ع البلاك بورد وخله بطبعها لك اقتباس:
ههههههههه لا ابد اخوووي باقي اكثر من 3 اساابيع تقدر تعدل اموورك لكن لا تعيدها مره ثانيه :wink: بالتوفيق :106: |
رد: أستفسار جعل والديكم في الجنة ؟
1 مرفق
وعليكم السلام:119:
اولا: اقولك وش بلاك بورد علشان تعرف كل شي البلاك بورد فيه كل شي فيه المحاضرات المباشره والمسجله من وين تدخل من ذا الرابطhttp://lms.kfu.edu.sa/ تكتب فيه رقمك الجامعي ورقم السري وراح تشوف على جنب المحاضرات المباشره والمسجله وفيه واجبات والمنتديات الحوار =اللي فيها المناقشات اما بالنسبه المحاضره المباشره اولى والثانيه اذا دخلت على الايقونه المباشره راح تشوفها مسجله القديمه كل ماعليك انك تنزلها وتسمعها راح تحسبلك درجه وراح انزلك بالمرفق جدول المحاضره وتشوف الوقت المواد يمديك تحل الواجبات الحين وتحل المناقشات ادخل على ايقونه الواجبات وحلها ونفس الشي ادخل على ايقونه منتدى الحووار وحل المناقشات وضعك مطمئن وكمل بس شد حيلك علشان تذاكر:119: والله يوفقك:106: |
رد: أستفسار جعل والديكم في الجنة ؟
ما همني غيرك / جعل والدينك في الجنة ويوفقك ويسعدك وأبد والله ما أعيدهآ ثاني مره هههههههه مع أني من بدايتي وانا أشيك وأحل لكن أخيراً طلع البلاك بورد هو هذا الموقع أنا مسنتر دايم فيه بس ما ادري عن أسمه .. ويالبى الكويت يلموني فيهآ !! وبنسبة لطباعة أحس أنها مشوار الأفضل أشتري وأريح نفسي موو ؟ لا هنت على كل حال ولا خلاء ولا عدم منك ولا من شرواك الطيبين .. دفا الأحساس / جعل والدينك في الجنة يارب ويوفقتس ويسعدتس دنيا وآخره .. ما قصرتي لا خلاء ولا عدم . الله يعطيكم العافيه ولا هنتوا بارك الله فيكم |
رد: أستفسار جعل والديكم في الجنة ؟
رَبِّي يُعِيْنُك شَد حَيْلَك
وَحَاوَل انَّك تَنَجَّزَهَا ع الاقَل هِالَاسْبُوّع عشْششششَان تَتَفَرَّغ لِلْمُذَاكَرَة امّا عَن الْمُلَازِم اغْلْبِيّة الْدَّكَاتِرَة يَقُوْلُوْن انْو الْمُحْتَوَى يَكْفِي رَبِّي يُوَفِّق الْجَمِيْع لِمَا يُحِّب وَيَرْضَى |
رد: أستفسار جعل والديكم في الجنة ؟
[QUOTE=%حصن الزعامهـ%;3400986]
السلام عليكم ورحمة الله وبركاتة ,, أسعد الله أوقاتكم بكل خير ,, أخواني وأخواتي الأعزاء الموضوع أستفسار حول بعض الأمور اللي أجهلهآ .. وأسأل الله أن يوفق ويسعد من يريحني بالجواب , لأني بدائي في أستخدام التقنية ومتصعبة الأمور علي شوي * أولاً بخصوص المحاضرات المباشرة ! اليوم أول مره يرسلون لي رسالة على sms بخصوص المحاضرات المباشرة الثالثة ستبدأ غداً الثلاثاء الموافق 29/5 / 1432هـ طيب المحاضرات الأولى والثانية وين هي ماجاتني ؟ وبخصوص الثالثة هذي ,, في أي وقت بضبط وأي مادة ؟ في الرسالة قالوا يمكنك الاطلاع عبر الأعلانات والأيقونات لكن مدري ما لقيت شيء أو ما عرفت أوصل بضبط ؟ هلا اخوي المحاضرات الأولى والثانية راح تلاقيها مسجلة لبعض المواد ادخل على البلاك بورد ورح على المقرر الي تبي ومن ثم ادخل على المحاضرات المباشرة وضغط على المحاضرة الي تبي تسمعها بالنسبة للمحاضرة الثالثة صحيح راح تكون من بكرة لكن حنا راح نبتدأ من يوم الأربعاء اخوي انا نزلت الجدول كامل لكل المقررات بالتاريخ واليوم ووقت بثه لكل من الطلاب والطالبات راح تلاقية في مواضيع مستوى اول * ثانياً >> أبي أحد يفهمني وش البلاك بورد ؟ أسمعكم تجيبون طاريه وأدري الكثير بيضحك علي لكن ما فيه أحد خلق من بطن أمه فاهم فأرجوا التوضيح ؟ صادق ماحد خلق متعلم البلاك بورد هو عبارة عن نظام يمكنك من الدخول على البيانات الخاصة فيك من خلال الرقم الجامعي وكلمة المرور وكل ماتحتاجة من محاضرات او واجبات او مناقشات راح تلاقيه في هالنظام الحين انت الحق على منتدى الحوار في البلاك وسجل لك 14 مشاركة وحاول تحل المناقشات اسهل عليك حل المناقشات افتح اي اجابة من الطلاب وحط نسخ ولصق وراح تطلع بإسمك والحق على حل الواجبات للآن نزل واجبين لبعض المواد النحو نزل 3 * ثالثاً >> الحين أنا من بداية تسجيلي وأنا أحل فقط الواجبات أما المناقشات مدري ما دخلت عليهآ ولا حليت شيء منها ولا حضرة اي محاضرة مباشرة فهل يمديني على حلها وهل هذا يضر درجاتي وكيف أحل المناقشات ؟ اخوي يمديك من اليوم ادخل وحل المناقشات وراح تلاقي اغلب حل المناقشات هنا ماعليك الانسخ ولصق حتى لايروح عليك الوقت بالنسبة للمحاضرات المباشرة مثلما قلتلك انها راح تنزل مسجلة في ايقونة المحاضرات المباشرة البعض تم نزولها والبعض للآن انت حاول تتابع البث المباشر الثالث حتى لايفوتك الوقت الاخير : أنا أبي مكتبة في الرياض فيهآ جميع الملازم والمقررات لأني شخص تقليدي ما أعرف أذاكر إلا من ورق . ندأ موجهة لأهل الرياض الرجاء ثم الرجاء مساعدة الأخ الحقوا عليه دلوه على مكتبة وهل وضعي مطمئن ولا ما فيه أمل أنجز وأكمل ؟ تفأل بكل خير انت صر من اليوم وحل المناقشات وحل الواجبات الي ماقد حليتها وشارك في منتدى الحوار ب14 مشاركة نصيحتي لك انت لما تجي تفتح على سماع محاضرة اسمع وحل في نفس الوقت على شان وقتك أفيدوني رحم الله والديكم عن النار وأسعدكم الله هذا مالدي من أفادة وان شاء الله ماحد يقصر بجد كسرت خاطري :Cry111: << هذي دعاية على شان تحنون علي شوي ! [/الله يوفقك يارب وفالك النجاح والتفوق |
رد: أستفسار جعل والديكم في الجنة ؟
الاخ / حصن الزعآمه .... جعل بوك في الجنه هذا اول شيء قبل الدرووس وقبل كل شيء ثانيا وربي اني اقرأ وانا فاطس عليك من الضحك .. شكل الابل الهتك وانا خووك عن الدرووس خخخخخخخخخخخخخخخخخخ بالتوفيق لك شد حيلك واانآ خووك ... ماهمني غيرك والجوري ودفآ الاحساس .. نايس شرح وربي مآشآء الله . شد حيلك والله الله .... اعتكف على الدرووس وخل عنك الهجوووله بالتوفيق للجميع |
رد: أستفسار جعل والديكم في الجنة ؟
طموح / الله يجزاك خير ويجعل مثواك الجنة بارك الله فيك .
|
رد: أستفسار جعل والديكم في الجنة ؟
الجوري / أجارك الله من النار ربي يوفقك ويسعدك .. كلام طيب ومحفز بصرآحة .. شرحط وآضح الله يبارك فيك ويرزقك من حيث لا تحتسبين .. وأهم شيء كسرة خاطرك :106: خفت ما حد يفيدني وأقعد أطقطق أصابعي ..! لازم نكسب القلوب الطيبة إللي مثلك وشرواك .. ودي وأحترامي لسموكم الكريم . |
رد: أستفسار جعل والديكم في الجنة ؟
هجولة / أول شيء جزاك الله خير ولك بالمثل ..
ثاني شيء : أنت ذكر ولا أنثى << حدد موقفك ؟ ثالثاً والأهم / والله العظيم شاد حيلي رغم ظروفي ومتابع بس الغشامة ماخذه دورهآ شوي >> ولا أبل ولا بقر ملهيتني .. أنا موظف وعندي أبوي وأمي كبار في السن وأعول البيت وحمله كله على راسي يعني يالله أفضى بعض الأحيان ما أرجع البيت إلا المغرب . ولا عندي أحد يرشدني لأن النت قليل دخولي فيه .. عموماً ربي يسعدكم ياللي ما قصرتوا معي وتنجحون قبلي كلكم .. ربي أجزهم خير الجزاء فأنهم فرجوا عني ففرج عنهم .. |
| All times are GMT +3. الوقت الآن حسب توقيت السعودية: 12:06 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه