وش السواة يالربع ؟؟؟؟ ما ذاكرت
 

يسعد لي جميع اوقاتكم بالخير والمسرات

مثل ما أنتم خابرين ان الاختبارات ع الابواب
واخوكم للحين مفهي و لا يدري وش الطبخه
لا محاضرات ولا ملخصات ولا مشاركات ولا ولا ولا ..الخ):Cry111:
كل اللي سويته اني حليت الواجبات حددت الاختبار بالمجمعة واللي بيختبر عني مسامحه دنيا واخره ومن طيبه خاطر
ابي شوركم ونصايحكم لا تبخلون علينا ,, الله يجزاكم الجنه ,,
دمتم سالمين

رد: وش السواة يالربع ؟؟؟؟ ما ذاكرت
 

رد: وش السواة يالربع ؟؟؟؟ ما ذاكرت
 

أنا للحين مآبديت باقي لنآ شهر إن شاءالله بيمدينآ :(204):

سو لك جدول بحيث إنك من بكره تبدا .. وكل مآده لهآ أربع أيام , :oao:

رد: وش السواة يالربع ؟؟؟؟ ما ذاكرت
 

وش السواة ماذاكرت ؟ :017:

طيب ذاااااااكر وشوله قاعد للحين وش تحتري هاااااااااااه "

ترى وراك حفظ وفهم "

زين انه باقي شهر يعني يمديك ان شاااء الله "

استهدي بالله وتوكل عليه "

وابدآ حبه حبه ماده مااده

الي يبغآ له حفظ اطبعه واحفظه والي يبغاله فهم زي الرياضيات والمحاسبه افهمه وشوف كيف تذاكرهم " :106:

ماعليه في وقت ان شاء الله " :love080:

رد: وش السواة يالربع ؟؟؟؟ ما ذاكرت
 

لآ تخآف ولآ تشِيل هَمْ كِلنآ مِثلكْ بيمدِيكْ إن شآء الله توكلْ على ربِكْ ومآيخِيبكْ إن شآء الله :119:
إطبعْ المُلخصآت والمحتَويآت آو آشترِيهآ مآتكلِف مِثل الطِبآعهْ
آنآ تَو بدِيت قبِل كَمْ يُوم آهمْ شَي تسَوِي لِكْ جدولْ خصِص آسبُوعْ لكِلْ مُقرر
شِد على نفسكْ وحِطْ برآسِكْ آنِكْ لآزِمْ تخلِصْ هآلمُقررْ بـ الآسبُوعْ المخصص لهْ
شِد حِيلِكْ الله يقوِيكْ ويوفقِكْ ويِسهل علِيييكْ كِل صعبْ :love080:
فآلِك النجآحْ :love080:
دعوآتِكْ :mh318:

رد: وش السواة يالربع ؟؟؟؟ ما ذاكرت
 

عبر الاثير ...


شرهتك عن اللي درا عنها ...


يعني ببالك ما نطلع الا العصر ونروح ننام ونصحي ونشوف المباريات وبعدين نروح للديوانية ونرجع ننام

والعودة من نفس الاتجاة .. :biggrin:

ما فيه وقت اصلا نذاكر ... بس قبل الاختبارات فض نفسك شوي وذاكر كل مادة لها يومين

وصلى الله وبارك

رد: وش السواة يالربع ؟؟؟؟ ما ذاكرت
 

اله فيه وقت للمذاكرة لو شد حيله واستغل كل ثانيه باليوم وبالنسبة للمحاضرات ممكن ماتحضرها كلها يعني على الاقل افتح جزء منها على اساس يحسب لك مشاركه وبالنسبة للذاكرة نفس ماقالو خصص لكل ماده اربع. ايام وتدرس من الملخصات والمحتوى. والمشاركات في المنتدى الحوار سهله جداً تقدر تاخذ عشره كامله بنفس اليوم يعني حط لك اكثر من رد وبكل رد يحسب لك مشاركه وكذا خلصنا من للمشكله وتوته خلصت الحتوته :biggrin:

رد: وش السواة يالربع ؟؟؟؟ ما ذاكرت
 

الله يعطيكم العافية كلامكم محفز ويعطي دافع ويرفع المعنويات

وإن شاء الله ببدأ بأقرب وقت وما نستغني عنكم أبد عساكم بالوجود دائماً ,, الله يوفقنا واياكم
شاكر لكم فرد فرد على دعمكم اللا محدود والله لا يحطنا بزنقه زنقه .:lllolll:


فالنا وفالكم جميعاً النجاح إن شاء الله

رد: وش السواة يالربع ؟؟؟؟ ما ذاكرت
 

شاكر لك شرف تواجدك ولا حرمنا الله من دعمكم أنتم وبقية الزملاء

رد: وش السواة يالربع ؟؟؟؟ ما ذاكرت
 

انا مثلك بالتمام
بس واجبات وتحميل ملفات وملخصات ومحاضرات !!

لكن لو نبدا من الحين فقدامنا وقت
وتقريبا الواحد جمع بين 25-30 درجه وبقى له من الـ70 درجة 30 ثانية تنجحه ان شاء الله
لكن طبعا لو الواحد بس يفكر بالـ30 بيروح فيها

شد حيلك والله يوفقك