|
استفسارات
السلام عليكم
عندي استفسارت وياليت الي عنده علم اكيد يجاوبني انا طالبه في ثالث ثانوي وتخرجي قرب ومحتاره بالتخصص الجامعي انا ودي بتربيه خاصه بس سمعت كثير يقولون ان كليه التربيه ماتقبل طالبات العلمي هل هذا الكلام صحيح وش التخصصات المتاحه لطالبات القسم لعلمي وهل في تخصصات جديده بيفتحونها لطالبات العلمي انا احب الحاسب بس كثير خوفوني وقالوا لي انه صعب كثير علشان كذا قالت اما حاسب او تربيه خاصه ووش هي اقل نسبه في القدرات والتحصيلي الي ممكن تقبلها كليه الحاسب واعذروني على الاطاله والكلام الي مو مرتب |
رد: استفسارات
وعليكم السلام ورحمه الله وبركاته
كليه التربيه تقبل طالبات علمي واطمنك صدقتي تدرس في كليه تربيه بجامعه الفيصل وتخصص الحاسب حلوه وانا احبه بعد بس ما دام حابه الشيء اكيد راح تنجحين فيه توكلي على الله وستخيري والله يوفقك تحياتي |
رد: استفسارات
اقتباس:
يسلموووو خيتو على الرد بس حبيت أسألك هل صديقتك علمي لاني سمعت ان طالبات العلمي ما يقبلونهم إلا بواسطه او تدرس سنه في كليه علميه ثم تحول لكليه التربيه |
رد: استفسارات
لا ي اختي
اول ما يقبلون بنات العلمي الا بالتحويل بعد سنه دراسه اما الحين من العام بدوا يقبلون بنات العلمي تطمني وشدي حيلك حتى تجبين شيء كويس مووفقه |
رد: استفسارات
اقتباس:
يسلمووووووووووو خيتو الله يريحك مثل ماريحتيني |
رد: استفسارات
السلام عليكم ورحمة الله وبركاته
انتي ميولك للحاسب ادخلي وماعليك من اي احد لان كل واحد وقدرته وميوله واقل نسبة موزونة مطلوبه الفصل الماضي 79 انتي سجلي وخلي اعتمادك على الله واذا جيتي تضيفين الرغبات اضيفي الحاسب وبعده تربية خاصة وبعده كلية العلوم الادارية هذا بالنسبة لي وهذا المطلوب الان بسوق العمل وبالتوفيق ان شاء الله للجميع وان شاء الله تشرفون عندنا بالكلية :biggrin: |
رد: استفسارات
اقتباس:
كيف يعني موزونه قصدك نسبه ثاني وثالث ثانوي؟؟؟ والحاسب الي مخليني اتردد ان الدراسه فيه باالانجليزي وانا مومره في الانجليزي . وكليه العلوم الاداريه هل هي متاحه للبنات في جامعه الملك فيصل بالاحساء لاني سألت قالوا لي مو متاحه واذا كانت متاحه وش التخصصات الي موجوده فيها؟؟؟؟ ومشكور مقدما :106: |
رد: استفسارات
النسبه الموزونه ياخذون نسبه ثالث ونسبه ثاني ويجمعونها ويقسمونها على 2 و= نسبه الثانويه
النسبه الموزونه = نسبه الثانويه 30%+نسبه القدرات 30%+ نسبه التحصيلي 40% والنسبه الموزونه هي اللي تعتمدها الجامعه في القبول طبعا تختلف من جامعه لجامعه بس جامعتنا جامعه فيصل تعتمد هالنسبه اذا حابه تعرفين اكثر اقدر افيدك اسالي اكثر وفقتي |
رد: استفسارات
اقتباس:
يسلمووووو خيتوو احس تعبتك معي كثير الله لا يحرمك الاجر انا من زمااان وانا حلمي ادخل تخصص حاسب آلي بس اذا قلت للناس يقولون صعب مره كله رياضيات ومدري ايش علشان كذا احس اني ترددت كثير في دخوله مع اني ودي ادخله بس كلام الناس خوفني وانا مو مره في الانجليزي وهو دراسه بالانجليزي هذا الي مخوفني زياده فحابه اسألك انتي تعرفين بنات دخلوه وهم مو مره في الانجليزي ومشو فيه لاني ما ابغى ادخله بعدين احول من صعوبته, وحابه اسالك وش هي التخصصات المتاحه للبنات في جامعه الملك فيصل سوا تخصصات علميه او ادبيه بس اهم شئ تقبل بنات العلمي ؟؟ واعذريني على الاسئله الكثير ومشكوره مقدما :106: |
| All times are GMT +3. الوقت الآن حسب توقيت السعودية: 02:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه