|
الله الله بدعاء المذاكره .. ثم الكمدينه وجسر الحمار ..
السلام عليكم جميعا ..
بما انه مذاكره تايم طرح هذا الموضوع البسيط :(269):.. نبذه عن جزء من يومياتي ..لما قررت اذاكر واشد حيلي قررت ابدا بماده المحاسبه بس لقيت استيعابي تحت الصفر قلت شكل مخي ناسي السالفه اببدا بشي اسهل مسكت الاداره قريت صفحتين ودي احلف كاني اقرا اردو مو عربي جتني حاله احباط وبديت كل يوم ابذاكر بكرا :(177)::(177): مو حاله هذي طبعا والامتحانات قربت :(177):...مسكت الشيخ قوقل قلت له يا قوقل ابي حل ... وحبيت افيدكم باستنتاجاتي البسيطه ... اولا دعا المذاكره.. ((اللهم إني أسألك فهم النبيين، و حفظ المرسلين، و الملائكة المقربين، اللهم اجعل ألسنتنا عامرة بذكرك، و قلوبنا بخشيتك، و أسرارنا بطاعتك، إنك على كل شيء قدير، حسبنا الله و نعم الوكيل)) ثانيا ..استنتاجاتي :(269): اولا عرفت انه فيه شي اسمه الخرائط الذهنيه حاولت اطبقه بس اخذ مني شويه وقت بس فكرته حلوه ونفعتني وحلو تطبيقه ببعض المواضيع مو كلها وهذا رابط يشرح الفكره .. :biggrin: http://youtu.be/s_5mOqMxxwk استنتاج ثاني ..:biggrin: كل ما حسيت بخمول يقولك خذ اكسجين خمس مرات دخل الهوا لييين ينتفخ بطنك وخله ثواني بعدين طلعه >> :24_asmilies-com: تفيد لاعاده النشاط الذهني .. الاستنتاج الثالث فيه طرقتين حلوات للمذاكره .. الاولى طريقه الالوان والمسح الشامل .. :(269): معناها اول شي امسك الملزمه قرائه سريعه كانها جريده والهدف عشان يكون بينك وبين اللي تقراه الفه هههه .. وبعدن اعيد القراءه مع تحديد بالوان العنواين الرئيسيه والاشياء المهمه وهي قراءه سريعه للتعريف بالمحتوى بشكل بسيط قراءه لا تزيد عن 10 دقايق للصفحه .. بعدها مرحله الاستيعاب السريع اقراها بتمعن وما اقعد بالصفحه نص ساعه او ساعه ..حد الصفحه 7 دقايق واللي ما افهمه اخليه لاني مع التعمق بالمنهج بيتوضح لي ... اخر شي امسك الملزمه مثل اول ما مسكتها قراءه سريعه لمده قصيره .. نجي للطريقه الثانيه .. هذي رهيبه تتمثل في شغلتين ( الكمدينه و جسر الحمار ) :(269): الكمدينه .. الطريقه هذي تساعد على حفظ الرسومات والرموز مثل حقت الاقتصاد ..الرسوم البيانيه وهي انكم ترسمون كل رسم بياني على ورقه بيضا وتحطون رمز يذكركم الرسم البياني هذا يتعلق باي موضوع .. وبالنسبه للرموز رسمه بسيطه تعبر عن الرمز تعتبر مفتاح لتذكر الحل ..وبعدين تحطونها بالكمدينه اللي جنب فراشك وقبل ما تنامون تراجعونهها مراجعه سريعه لان الذاكره وقتالنوم تكون قويه.. ملاحظه : تعتمد هذه الطريقة على وقت ماقبل النوم حيث تكون الذاكرة والإستيعاب أعلى مايمكن ولو لم يتم بذل مجهود كبير فى التركيز كما يقول علماء النفس . جسر الحمار .. :biggrin: الطرقه هذي تنفع في حاله العناصر الكثيره وهذي موجوده عندنا كثير مثلا ما هي العوامل المؤثره بكذا .. عدد العوامل كثيره اجي امسك من كل عنصر حرف يذكرني فيه وتكون مفتاح لباقي العناصر وتوصلني لها بسهوله ( عشان كذا اسمها جسر الحمار ) واجمع الحروف اكون منها جمله بايخه محششه تذكرني بالعوامل واحد واحد .. واخيرا دعاء بعد الذاكره (( اللهم اني استودعتك ا حفظتني اياه فالهمني اياه وقت الحاجه )) وبس .. الله يوفقنا جميعا .. :119: كيبوردي ما فيه حروف عربي اسفه على الاخطاء ونقص الحروف :(177): |
رد: الله الله بدعاء المذاكره .. ثم الكمدينه وجسر الحمار ..
نفس حالتي انتي, صعبه للغايه الله لايبلى مسلم
قريت موضوعك "بتركيز" وبطبقه بس ياويلتس اذا ماجابت نتيجه :biggrin: |
رد: الله الله بدعاء المذاكره .. ثم الكمدينه وجسر الحمار ..
الله يجزاك خييير :106::106:
افكار مررره مفيده بجربها ان شاء الله.. |
رد: الله الله بدعاء المذاكره .. ثم الكمدينه وجسر الحمار ..
:biggrin: تشتيت جامعي .. بما ان التششت جامعنا انشاءالله بيفيدك لانه لملم شوي من التشتت اللي فيني :biggrin:
نايس 90 اتمنى لك التوفيق :love080: |
رد: الله الله بدعاء المذاكره .. ثم الكمدينه وجسر الحمار ..
الله يعطيك العافية وجعلها في موازين حسناتك |
رد: الله الله بدعاء المذاكره .. ثم الكمدينه وجسر الحمار ..
يعطيك العافيه والله نفس حالتك ماسكه محاسبه لي اسبوعين على الفاضي مشكلتي ماركز اذا مسكت الماده اسرح كثييييير :(269):
|
رد: الله الله بدعاء المذاكره .. ثم الكمدينه وجسر الحمار ..
الله يعطيك العافيه
بس ممكن سوآل الاختبارات متى <~ وربي متنح ماني فآهم شي بالادرآه الاعمآل :(269)::lllolll: ابي اذاكر بس متكيسل <~ سودآني كبير :(177): مافي ملزمآت نذاكر منهآ ^^ آفضل و آحسن و اريح <~ :24_asmilies-com::mh12: |
رد: الله الله بدعاء المذاكره .. ثم الكمدينه وجسر الحمار ..
اقتباس:
اقتباس:
اقتباس:
وبالنسب للكسل بالهوا سواااااااااااااااا :24_asmilies-com: يعافك ربي .. |
رد: الله الله بدعاء المذاكره .. ثم الكمدينه وجسر الحمار ..
الله يجزاك خيير
موضوع جدا رائع (( تنبيه/ ما ورد شيء اسمه دعاء المذاكره)) |
رد: الله الله بدعاء المذاكره .. ثم الكمدينه وجسر الحمار ..
ثـــآانك you .. الله يوفقك لمــآا يحبه ويرضــآاه .. ابدعتـــي "\\ الاقتصاد الجزئي و القانوون مسويه لهم (( حظر )) ., لان ولا معلومه خشت مخيخي .. الله يعيني ع الاختبارااات << هههع اسكتي احسن لكـ:41jg: |
| All times are GMT +3. الوقت الآن حسب توقيت السعودية: 12:11 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه