ملتقى طلاب وطالبات جامعة الملك فيصل,جامعة الدمام - قربت الامتحانات ، اذاً الجميع مدعوا هنا للأهمية

اهلاً وسهلاً بالجميع*
الملتقى صاير مرعب من كثر مااشوف كلمة قربت الاختبارات او لمن احد يسأل عن تاريخ الأختبارات والبعض يردد مابقى شي ومابعد افتح ولا ماده :/
كلامي موجهه لاعضاء الي يرددون ( مايمدي ) خاصه وللجميع للتذكير والتشجيع (:*
اولاً مافي شي اسمه صعب تدرون ليش تقولون صعب لاانكم ماتعرفون طبيعة الماده وحتى عناوينها الرئيسة كذا بداية المذاكره كلاً يواجهه خوف بس صدقوني من تمسكون الملزمه وتتعرفون على طبيعة الماده وقراءة سريعه ملمه راح يزول الخوف والرعب*
ثانياً موضوع المواد الي فيها ملازم كبار مثل العقيده والاداره و كتاب التقنيات و ومبادئ البحث*
ممكن افهم وين الدسومه اعتقد ان ثلاث ارباع الي يخافون من مجرد شكلها مافكرو يقرونها قراءه سريعه قراءه بالعين*
ثالثاً كلمة ( مافهمت ماقدرت استوعب رغي خرابيط طلاسم ) وغيرها*
اذا شفت نفسك نطقت من شاكلة هالكلامات على طول اعرف انك تحتاج لقراءة مره ومرتين وثلاث وفتح المحاضره واعادتها مره ومرتين وثلاث حتى تجد نفسك تغلبت على هالكلمات
رابعاً وهذا الأهم كلمة ( مايمدي مابقى شي على الاختبارات) في معلومه صحيحه فقط ان مابقى شي على الاختبارات فبالتالي اعمل بهالكلمه وابدأ الآن مو بكره او السبت او باللليل او لمن افضى او او او الآن تبدأ
ومابقى شي على الاختبارات جملة مرعبة وحماسية في نفس الوقت تيقظك من غفلتك وتقصيرك وتحمسك باانقضاء ترم وسنه دراسية*
مابقى شي على الاختبارات جملة لازم تعمل فيها الآن وليس بعد الساعه 12 او بعد العشاء او او الآن*
شوف معي هالمعادله الي راح تفك ازمه*
انا موادي على حسب الخطه 9 مواد ، قيس انت وانتِ على حسب مواد سواء كانت اكثر او اقل بتعديل بسيط على معادلتي :
كل أسبوع ختم مادتين*
حيث كل يوم تاخذ 3 إلى 4 محاضرات من ماده معينه مثلاً*
حدد الاسبوع الأول بتأخذ التذوق والعقيده*
في ثلاث ايام ختم العقيده والثلاث الاخرى ختم التذوق واليوم السابع في وقتها راح تحدد ان قصرت في شي من هالمادتين*
وبكذا إلى قرب الاختبارات بااسبوع راح تشوف نفسك ختمت جميع المواد تبقى في الاسبوع الاخير ماده وافضل جعلها اسهل وايسر ماده بالنسبة لك*
بالاضافه عدم اهمال الواجبات والمناقشات هذول تابعهم اول بااول

طرق تزيد من استيعابك بعد الاستعانه بالله من وجهة نظري :*
الألوان لون العناوين الرئيسة باالوان زاهية وفرحه عشان تفتح نفسك*
اكثروا من الخرائط الذهنية وعن تجربة مفيده مفيده جداً ولاابعد درجه
غير مكان المذاكره من فتره لفتره عشان ماتنصاب بالملل وعطر المكان والبس ملابس مريحه وافتح انوار مناسبه للقراءه وابتعد عن غرفة النوم قدر المستطاع*
ارفع صوتك وانت تذاكر خل اهلك يشكون ان في احد معك بالغرفه (:
حط دوائر ومربعات على الكلامات المميزه أو اعد كتابتها مثل اصغر اكبر اهم اطول اقصر ومن هالشاكلة*
خذ معك الي مقرر تذاكرها ابتعد عن حوسة الاوراق والكتب*
ابعد طبعاً عن البي بي والتلفزيون واصوات الاطفال وغيرها من الامور الي ماتقدر تقاومها

خلاصة موضوعي :*
مافي شي اسمه صعب ( مو قصدي كل المواد سهله وتتطنش )*
مافي شي اسمه مافهمت بعد اليوم
مافي شي اسمه مايمدي بعد الآن لاانك راح تبدأ الآن*
والواحد لازم يرص على نفسه شوي ومايعطي النفس هواها لاحقين على العطله وطفشها موقصدي سمتروا على الدروس اقصد ركزا وافيقوا من غفلتكم وتقصيركم بشوية اجتهاد وتذكروا ان الله مايضيع تعب أحد*
*
( عذراً اذا تكلمت مره بااسلوب انثى ومره بااسلوب ذكر *او مره بفصحى ومره بعاميه لان المقصد واحد )
دعواتي لكم بالتوفيق جميعاً والله الله بالفل مارك ان شاء الله (:*
في حفظ الرحمن