ملتقى طلاب وطالبات جامعة الملك فيصل,جامعة الدمام

- منتدى كلية ادارة اعمال (https://vb.ckfu.org/forumdisplay.php?f=8)

- - ابي اجوبه لأسئلتي .. (https://vb.ckfu.org/showthread.php?t=168336)

ابي اجوبه لأسئلتي ..

السلام عليكم ..

انا ان شاء الله من خريجات هالسنه ..
وخبركم مافيه وقت نبحث فيه مشغولين بالأختبارات وهيك
فـ عندي اسئله بخصوص كلية ادارة الأعمال ..
واتمنى من كل قلبي القى اجوبه واضحه ومعلومات تفيدني

انا اتكلم عن جامعة الفيصل الموجوده بالراكه ( الخبر )
هل الدراسه برسوم ؟؟
واذا لآ كم النسبه المطلوبه الثانوي + الموزونه ؟؟
وندرس رياضيات بشكل اساسي او مجرد اشياء بسيطه

واذا فيه اقسام بدون رسوم ويكون الرياضيات فيها بشكل بسيط
ياليت تعطوني خبر عنها ..

على فكره انا علمي

وياليت لو تعطوني نبذه عن الزي الخاص بالدوام بجامعتكم الموقره
وشو الممنوع ووشو المسموح

رد: ابي اجوبه لأسئلتي ..

وعليكم السلام

جامعة فيصل بالدمام انفصلت عن الحسا وصارت جامعة الدمام
الدراسه برسوم ع حد علمي تآكدي :cheese:
والنظام بالكليه اول سنه راح تدرسين تحضيري يعتمد على الانجلش في التحضيري بالاغلب
والرياضيات بكل تخصص بهالكليه سواء محاسبه او تسويق او حاسب ونظم معلومات

اما الزي ان شاء الله يفيدونك لاني من طالبات الحسا

يارب اكون افدتك ومعلوماتي صحيحه

رد: ابي اجوبه لأسئلتي ..

يسلمو ريمآ ع الرد
ماقصرتي يالغلا ..

طيب الآعضاء الباقين ماعندكم خبر !!
ترى تسوون خير لو تردون
جاوبوني لأجل اعرف وين بكون واتجهز على هالأساس
كفايه القلق اللي حنا فيه لا تزيدوني
اتمنى القى رد على كل الاسئله

:)

رد: ابي اجوبه لأسئلتي ..

عليكم السلام ورحمة الله وبركاته

الله يوفقكـ ويسهل عليكـ

صحيح جامعة الدمام انفصلت عن جامعة الملك فيصل بالاحساء

بقولكـ معلومه // بالنسبه للبنات ما يدرسون بكلية ادارة الاعمال من اول ما يسجلون بالجامعه مثل الشباب
في البدايه يسجلون بكلية المجتمع والدراسات التطبيقيه وتدرسين سنتين دبلوم واذا خلصتي واخذتي معدل 2:75 واعلى تقدري تكملي دراستك بكلية ادارة الاعمال وتدرسي فقط سنتين بكالوريس واتوقع بنفس المبنى ..

هل الدراسه برسوم ؟؟
سابقا اي بس حاليا لا
واذا لآ كم النسبه المطلوبه الثانوي + الموزونه ؟؟
مدري كل سنه اتوقع تختلف النسب وحسبتها ,, وإذا تخرجتي ادخل على موقع الجامعه
وندرس رياضيات بشكل اساسي او مجرد اشياء بسيطه ؟
في المواد العامه في مادتين رياضيات ,, اما مواد التخصص ( تخصص الماليه وتخصص المحاسبه فيهم من الرياضيات كثير ويحتاج لهم فهم واشوية حفظ ) ,, ( تخصص التسويق هذا حفظ والرياضيات اتوقع قليل جدا فيه )

باقي المعلومات ان شاءالله البنات يفيدونكـ

بالتوفيق لكـ طويلة العمر

رد: ابي اجوبه لأسئلتي ..

الموت البطيء ..
ربي يحقق لك الي تتمناه واكثر
ويطمن قلبك يااارب ..
مرره شكرا لأنك جاوبتني ..
بس بسألك الحين مكان الكليه وين بالدمام او بالراكه ؟

،

بنات انتظر ردودكم بخصوص لبسكم بالكليه

رد: ابي اجوبه لأسئلتي ..

اللهم آميين
العفو ما عملت الا الواجب :119:

بصراحه مدري وين مكانها بالضبط ..
ان شاءالله الاعضاء يفيدونكـ
وكمان ياريت تسئلي في منتدى كلية المجتمع والدراسات التطبيقيه

بالتوفيق لكـ

رد: ابي اجوبه لأسئلتي ..

فيها مكافات ولا لا ؟